( Interview) Basil Fernando နှင့်တွေ့ဆုံမေးမြန်းချက်

မေး....သီရိလင်္ကာနိုင်ငံမှာ နှိပ်စက်ညှင်းပန်းမှုကိုဘယ်လိုမျိုးအသုံးပြုပါသလဲ။

သီရိလင်္ကာနိုင်ငံမှာ နှိပ်စက်ညှင်းပန်းမှုကို လူတွေအသုံးပြုနေကျ အလေ့အကျင့်တခုပဲဖြစ်ပါတယ်။
သီရိလင်္ကာနိုင်ငံရဲ့ရဲစခန်းတွေ၊ စစ်တပ်တွေထဲမှာဆိုရင်နှိပ်စက်ညှင်းပန်းမှုကိုအသုံးပြုတယ်။နှိပ်စက်ညှင်းပန်းမှုကို အသုံးပြုတဲ့အကြောင်းရင်းကတော့ သက်သာတယ်၊ လွယ်တယ်၊အပြစ်ဝန်ခံလာအောင်လို့မြန်မြန်လုပ်လို့ရတယ်။ ပြစ်မှုဆိုင်ရာတရားစီရင်ရေးကျင့်ထုံးတွေကလုပ်ချင်သလိုလုပ်ထားတော့၊သာမန်ရဲဝန်ထမ်းလည်း နှိပ်စက်လို့ရတယ်။စုံစမ်းစစ်ဆေးခြင်းကိုတော့လုပ်လို့မရဘူး။ဘာလို့လဲဆိုတော့စုံစမ်းစစ်ဆေးတာကလေ့ကျင့်မှုလိုတယ်။
အချိန်လိုတယ်။ စိတ်ရှည်ဖို့လိုတယ်။ သက်သက်သာသာနဲ့ သတင်းအချက်အလက်တွေရချင်တော့နှိပ်စက်မှုကိုပဲသုံးတယ်။

တကယ်လို့ အစိုးရဆန့်ကျင်တဲ့အဖွဲ့အစည်းတွေရှိလာပြီဆိုရင်သံသယရှိတဲ့ အဖွဲ့ကအဖွဲ့ဝင်တွေကနှိပ်စက်ခံရနိုင်ပါတယ်။ ဒါပေမဲ့တယောက်ယောက်က နိုင်ငံရေးနဲ့ပတ်သက်ပြီးအရှိန်အဝါရှိမယ်ဆိုရင်တော့ သူ့ရဲ့အခြေအနေရယ်ပိုက်ဆံရယ်ကြောင့် သူ့ကိုနှိပ်စက်ရဲမှာမဟုတ်ပါဘူး။ဒါပေမဲ့ ရိုးရိုးသာမန်လူတွေကတော့ သူခိုးမှုဓါးပြမှုတွေကိုစစ်ဆေးရာမှာ နှိပ်စက်ညှင်းပန်းမှုကိုခံရပါတယ်။

ရဲစခန်းတွေမှာ ၊ထိန်းသိမ်းရေးစခန်းတွေမှာ နှိပ်စက်ညှင်းပန်းမှုကိုလုပ်ရာမှာ သက်သေမချန်ပဲ
တိတ်တဆိတ်လုပ်ဆောင်ပါတယ်။ သူတို့ရဲ့ထိန်းသိမ်းရေးစခန်းတွေမှာ နှိပ်စက်ရင်းသေသွားရင်တောင်မှ
သူတို့က နှလုံးရောဂါကြောင့်သေတယ်၊ဒါမှမဟုတ်အဲဒီလူကကိုယ့်ကိုကိုယ်သတ်သေတယ်လို့ ဖြေရှင်းပါတယ်။ သီရိလင်္ကာနိုင်ငံမှာကနှိပ်စက်ညှင်းပန်းတဲ့လူကိုရနှစ်ပြစ်ဒါဏ်ချရမဲ့ဆိုတဲ့ဥပဒေရှိပါတယ်။ဒါကြောင့်နှိပ်စက်ညှင်းပန်း
တာကပြစ်မှုဖြစ်ပါတယ်။ပြစ်မှုကိုပေါ်ပေါ်ထင်ထင်လုပ်လို့မရတော့ ပုန်းလျှိုးကွယ်လျှိူးနဲ့သူတို့လူတွေရှိတဲ့နေရာမှာပဲ
နှိပ်စက်တာပေါ့။အဲဒါကသက်သေမချန်ဘဲလုပ်တဲ့သူတို့ရဲ့နည်းလမ်းပါ။

နှိပ်စက်ညှင်းပန်းမှု ရှိလာပြီဆိုရင်တရားဝင်တော့ ရဲဌာနတွေနဲ့၊လူ့အခွင့်အရေးကော်မရှင်တွေကို ရှေ့နေတွေကို၊တရားရုံးတွေကိုတော့တိုင်ကြားလို့ရတယ်။လူ့အခွင့်အရေးအခြေခံအခွင့်အရေးတွေအရသူတို့တွေက တရားစွဲဆိုဖို့အတွက်တရားရုံးချုပ်အထိသွားလို့ရပါတယ်။ ဒါပေမဲ့နောက်ဆုံးမှာမအောင်မြင်ပါဘူး။ဒါကြောင့်လူတွေက ပထမတော့တိုင်ဖို့အတွက်လုပ်ပြီးနောက်ပိုင်းမှာတော့စိတ်ဓါတ်ကျတာကတော့တိုင်တာက အရာမထင်ဘဲသူတို့ပဲဒုက္ခရောက်လို့ပါဘဲ

။ဥပမာအားဖြင့်ပြောရရင်တယောက်ယောက်ကလာပြီးတခုခုလာပြောပြီးပိုက်ဆံလာပေးတာတို့ဘာတို့ရှိတယ်။ နောက်ဆုံးမှာတော့လူတွေက ကိုယ့်ကိုကိုယ်ဒုက္ခရောက်မခံဘဲ တိုင်ကြားတာကိုမလုပ်တော့ပါဘူး။ သူတို့ကရဲကိုလည်းမယုံပါဘူး။သူတို့သိတာကတိုင်လည်းအရာမထင်ဘူး၊ရဲအရာရှိတွေကလည်းစစ်ဆေးမှုမရှိဘူး၊ အရေးယူမှုလည်းရှိမှာမဟုတ်ပါဘူး။ပြီးတော့ရဲဘက်ပဲလိုက်မှာပါဘဲ။သူတို့ကတော့ဖုံးကွယ်ဖို့ကြိုးစားမှာပါဘဲ။
လူ့အခွင့်အရေးကော်မရှင်ကဒီပြဿနာကိုဖြေရှင်းဖို့ဘာမှမလုပ်နိုင်သေးပါဘူး။သူတို့တွေကတရားရုံးကိုဒီအမှုတွေကို
တိုင်တယ်။ဒါပေမဲ့ တရားရင်ဆိုင်ရတာက နှစ်တွေအများကြီးကြာတယ်။တရားရုံးကကောလူတွေမလေးစားတဲ့အမှုတွေကို ဘယ်လိုလုပ်ဆုံးဖြတ်ပေးတော့မလဲ။

နောက်ဆုံးမှာတော့ တရားစွဲတဲ့လူကဘာမှမရဘဲပြီးသွားတဲ့အမှုတွေရှိတယ်။တရားဝင်ပြောတာကတိုင်လို့ရတယ်။
တကယ်တော့တကယ်အရေးယူပြီးစစ်ဆေးမေးမြန်းတဲ့စနစ်မရှိဘူး။တကယ်တော့အစိုးရကနှိပ်စက်ညှင်းပန်းမှုကို လုပ်ဖို့ရည်ရွယ်ချက်မရှိဘူးဆိုရင် သူတို့လုပ်ရမှာကလွယ်လွယ်လေးပဲ။အမှုတွေကိုစစ်ဆေးဖို့အတွက်ကျွမ်းကျင်တဲ့လူတွေနဲ့၊ တာဝန်ရှိတဲ့လူတွေကိုသင်တန်းပေးဖို့အတွက်လိုအပ်တဲ့ပိုက်ဆံရှိထားရပါမယ်။ဒီလိုမှမဟုတ်ရင်နှိပ်စက်ညှင်းပန်းမှုကို
ရဲတွေကဆက်လက်အသုံးပြုနေမှာဖြစ်ပါတယ်။

အစိုးရကရဲတွေကိုနှိပ်စက်ညှင်းပန်းလို့ရအောင်ခွင့်ပြုထားပြီးတော့အဲဒါကိုအရေးယူလို့ရအောင်ဘယ်လိုလုပ်နိုင်မှာလဲ။ ဆန့်ကျင်ဘက်ကြီးဘဲ။ ဒီ၂ခုကအတူတူသွားလို့မရပါဘူး။ကိုယ့်အသိအရကိုယ်ပြောရမယ်ဆိုရင်သီရိလင်္ကာနိုင်ငံဟာ တခြားအာရှနိုင်ငံတွေနဲထူးမခြားနားတဲ့အုပ်ချုပ်မှုပုံစံရှိတယ်လို့ပြောရမှာဖြစ်ပါတယ်။ ပြစ်မှုတွေကိုစစ်ဆေးတဲ့ ရဲတွေက စနစ်တကျနည်းလမ်းတွေကိုရှာပြီးစုံစမ်းစစ်ဆေးရမှာပါ။သူတို့ကစနစ်တကျမစစ်ဆေးတတ်တော့လူတွေကိုရိုက်နှက်ပြီး
စစ်ဆေးတယ်။ ပြီးတော့ အာဏာရပါတီကအတိုက်အခံပါတီကိုအာဏာပေးရမှာစိုးတဲ့အတွက် အဖွဲ့ဝင်တွေကိုနှိပ်စက်ခိုင်းတာတွေဘာတွေရှိတယ်။

အဲဒီတော့လူတွေကဆန္ဒပြပွဲမှာမပါဝင်ရဲတော့ဘူး။နှိပ်စက်ညှင်းပန်းမှုကိုဆန္ဒပြပွဲတို့ ၊နိုင်ငံရေးပါတီတွေကလုပ်တဲ့ ပါဝင်တဲ့လူတွေကိုကြောက်အောင်ခြောက်ချင်လို့သုံးတယ်။လူတွေကိုခြောက်လှန့်ပြီးအုပ်ချုပ်တယ်။ ကြောက်အောင်လုပ်ပြီးအုပ်ချုပ်တယ်။

မေး....သီရိလင်္ကာကလူ့အခွင့်အရေးအဖွဲ့အစည်းတွေကနှိပ်စက်ညှင်းပန်းခံရတဲ့လူတွေအတွက်ဘာလုပ်ပေးလဲ။

အကောင်းဆုံးလုပ်ပေးတယ်။ လူ့အခွင့်အရေးအဖွဲ့အစည်းတွေကသတင်းအချက်အလက်တွေရယူတယ်။ လူတွေဖွင့်ဟပြောလာအောင်လုပ်တယ်။ လူတွေကစကားပြောချင်လာတဲ့အခါမှာအဲဒါကိုလူတွေသိအောင်လုပ်ပေးတယ်။ ဘာမှအကျိုးထူးမလာဘူးဆိုတာသိပေမဲ့လည်းအစိုးရကိုစာပို့တယ်။သတင်းစာမှာပါလာအောင်လုပ်တယ်။ အင်တာနက်မှာပါလာအောင်လုပ်တယ်။အစိုးရနဲ့ကုလသမဂ္ဂကိုတောင်းဆိုစာတွေပို့တယ်။စာတမ်းတွေရေးတယ်။
တချို့တွေကနှိပ်စက်ခံရတဲ့ လူတွေကိုစိတ်ပိုင်းဆိုင်ရာနဲ့ ရုပ်ပိုင်းဆိုင်ရာကုသမှုတွေမှာပါဝင်ကူညီပေးတယ်။ အမှုတွေကိုစုစည်းပေးတယ်။ရလဒ်ကတော့အကောင်းကြီးတော့မဟုတ်ပါဘူး။လုပ်နိုင်တာကတော့သတင်းတွေရယူပြီး ဖြန့်ဝေပေးတာတာပါဘဲ။
မေး....Basil ရဲ့အတွေ့အကြုံတွေအရ ဘယ်လိုနေရာမျိုးမှာလုပ်ရတာအခက်ခဲဆုံးလဲ။

နေရာတိုင်းကတော့ခက်တာပါဘဲ။ လူတွေကဥပဒေလိုတယ်။စနစ်လိုတယ်။ဒီစနစ်ဟာ တတိုင်းပြည်လုံးမှာပျက်ဆီးနေတယ်။ အဆိုးဆုံးနေရာတွေကတော့ ပြည်တွင်းစစ်ဖြစ်တဲ့နေရာပါပဲ။ အရှေ့မြောက်ပိုင်းကပိပက္ခဖြစ်ခဲ့တဲ့ နေရာမှာတော့ စစ်သားတွေဘဲရှိပြီး ကျန်တာဘာမှမရှိဘူး။ဒီလူတွေကတော့ အဆိုးဆုံးပါဘဲ။နေရာတိုင်းမှာလည်းဒီအတိုင်းဘဲလို့ပြောလို့ရပါတယ်။
မေး.....နှိပ်စက်ခံရတဲ့လူတွေကတိုင်ရဲလား။

တကယ်လို့သူတို့တိုင်ရင်ဘယ်သူတွေကသူတို့ကိုလာတာဝန်ယူမှာလဲ။ ရဲကဘဲသူတို့ဆီကိုပြန်လာပြီးတိုင်လို့ဆိုပြီး ထပ်ရိုက်တယ်လေ။သူတို့ တကယ်တော့လူတွေကသူတို့ ခံစားရတဲ့ဒုက္ခတွေကိုထုတ်ဖော်ပြောဖို့ကြိုးစားမှာပဲလေ။ လူတွေကနှိပ်စက်ညှင်းပန်းတာကိုကြောက်တော့သူတို့ကရိုက်နှက်ပြီးလူတွေကိုခြောက်တယ်။
မေး.....လူ့အခွင့်အရေးအဖွဲ့အစည်းတွေက အဲဒီလိုလူတွေကိုဘယ်လိုအားပေးလဲ။

တကယ်လို့အမျိုးသမီးတယောက်ဟာအဓမ္မကျင့်ခံရပြီဆိုရင်သူတို့စကားပြောလာအောင် အားပေးဖို့မလိုဘူး။သူ့ဘာသာသူပြောလိမ့်မယ်ဘာဖြစ်လို့လဲဆိုတော့သူစိတ်ဆိုးနေလို့ပဲ။ အားပေးဖို့မလိုဘူး၊နားထောင်ပေးဖို့ပဲလိုတယ်။နားထောင်ပေးမဲ့လူတွေလည်းရှိတယ်။ နေရာတိုင်းမှာလူတွေကအဲဒါနဲ့ပတ်သက်လို့ပြောနေကြတယ်။လူတွေကဒါဟာမမှန်မှန်းသိတယ်။
ဒါနဲ့ပတ်သက်လို့ တရားဝင်လုပ်လို့မရတာပဲရှိတယ်။လူတွေကသူတို့မိသားစုဝင်တွေကိုပြောကြတယ်။ သူတို့ အိမ်နီးချင်းတွေကိုပြောကြတယ်။ လူ့အခွင့်အရေးအဖွဲ့အစည်းမှာလုပ်တဲ့လူတွေလုပ်နိုင်တာကနားထောင်ပေးဖို့နဲ့ လူတွေပြောတာကိုမှတ်ထားပြီးတော့လူတွေသိအောင်ဖြန့်ပေးတယ်။လူတွေအဲဒါနဲ့ပတ်သက်လို့
ဆွေးနွေးလာအောင်လုပ်ပေးတယ်။

လူ့အခွင့်အရေးအဖွဲ့အစည်းတွေလုပ်နိုင်တာကအဲဒီလူတွေအနိုင်ကျင့်ခံရတဲ့အကြောင်းကိုအစိုးရသိအောင်
ပို့ပေးတယ်။ သီရိလင်္ကာနိုင်ငံမှာ အဲဒီလိုမျိုးနားထောင်ပေးနိုင်မဲ့နေရာတွေ၊လူတွေအများကြီးရှိတယ်။ ဒါကြောင့်လူတွေကကျနော်၊ကျမဆီမှာဒီကိစ္စဖြစ်တယ်ဆိုပြီးအဲဒီနေရာတွေမှာပြောပြတယ်။သူတို့မှာ တယောက်ယောက်ကတခုခုဖြစ်ပြီဆိုရင်မြို့နယ်တာဝန်ခံဆီသွားတိုင်လို့ရတယ်။မင်းဘာလုပ်ချင်တယ်
ဆိုတာကိုပြောလို့ရတယ်။ သူတို့ကမင်းတိုင်ချင်တာကိုမှတ်ထားပြီးသတင်းစာတို့ တခြားနေရာတို့ မှာဖြန့်ပေးတယ်။နောက်ဆုံးလုပ်ဆောင်တာကတော့ နိုင်ငံတကာလူ့အခွင့်အရေးအဖွဲ့အစည်းတွေကိုပို့ပေးတာပါဘဲ။
ဒါတွေကတော့လူ့အခွင့်အရေးအဖွဲ့အစည်းတွေ ကလုပ်ပေးတာပဲဖြစ်ပါတယ်။

မေး......သီရိလင်္ကာနိုင်ငံကလူ့အခွင့်အရေးအဖွဲ့အစည်းတွေရဲ့ဝန်ထမ်းတွေရဲ့အဓိကအခက်အခဲကဘာလဲ။

ဥပဒေပြုစနစ်ပါဘဲ။ဥပဒေပြုစနစ်ဟာ အနိုင်ကျင့်ခံရတဲ့လူတွေကိုကာကွယ်စောင့်ရှောက်မပေးပါဘူး။ တကယ်လို့ဥပဒေပြုစနစ်ကသာကောင်းမယ်ဆိုရင်ဒီလိုအမှုတွေဖြစ်လာစရာအကြောင်းမရှိပါဘူး။
ရဲဝန်ထမ်းကလည်းမကောင်းဘူး၊တရားရုံးကလည်းမကောင်းဘူး၊အစိုးရကလည်းပိုက်ဆံကိုပဲကြည့်တယ်။
အဲဒါတွေကအဓိကအခက်အခဲတွေပဲ။အစိုးရကလည်းအချို့လူ့အခွင့်အရေးအဖွဲ့အစည်းမှာလုပ်တဲ့လူတွေက
လူတွေကိုကူညီပေးနေတာသိတယ်။ တော်တော်လေးလုပ်မှန်းလည်းသိတယ်။အဲဒီတော့လူ့အခွင့်အရေး
ကာကွယ်တဲ့လူတွေကို နှိပ်ကွပ်ဖို့ကြိုးစားတယ်။ နောက်ဆုံးလေ့လာပိုင်းခြားမှုအရသီရိလင်္ကာနိုင်ငံမှာလူတွေကိုနဲ့ဥပဒေကို ကာကွယ်ပေးတဲ့စနစ်မရှိဘူးဆိုတာပါဘဲ။
မေး........ဘာများထပ်ပြောချင်ပါသေးလဲ။

အာရှနိုင်ငံကနေရာတိုင်းမှာနှိပ်စက်ညှင်းပန်းမှုရှိတာကိုလူတိုင်းသိတယ်။ လူတွေကသိတယ်။ဒါပေမဲ့မပြောဘူး။ အဲဒါကအဲ့ဒီ့နှိပ်စက်ခံရတဲ့လူတွေရဲ့အပြစ်မဟုတ်ဘူး။သာမန်လူတွေနဲ့ မီဒီယာတွေကအဲဒါကိုပြောပေးရမယ်။
ဝေဖန်တာကိုရပ်ရမယ်။ လူတိုင်းကဘာဖြစ်နေလဲဆိုတာကိုသိတယ်။ တကယ့်ပြဿနာက မီဒီယာကြီးတွေ၊အများပြည်သူနဲ့ဆိုင်တဲ့အဖွဲ့အစည်းတွေ ၊တခြားအဖွဲ့အစည်းတွေ၊ အမျိူးသမီးအဖွဲ့အစည်းတွေဘာပဲ။သူတို့ကဘာတွေဖြစ်နေလဲဆိုတာသိတယ်။ဒါပေမဲ့ဒါကိုမပြောကြဘူး။ ရဲတွေကလည်းကြမ်းတမ်းတယ်၊ပတ်ဝန်းကျင်ကလည်းကြမ်းတမ်းတယ်။တခါတရံမှာလူတွေကလည်းကြမ်းတမ်းတယ်။
ယောက်ျားတယောက်ကအိမ်မှာပြဿနာရှိပြီဆိုရင်သူတို့ကသူတို့ရဲ့မိန်းမတွေကိုရိုက်တယ်။ဘာဖြစ်လို့လဲဆိုတော့ရဲတွေက
အဲ့ဒါနဲ့ပတ်သက်လို့ဘာမှလုပ်မှာမဟုတ်ဘူးဆိုတာသိနေလို့ပါဘဲ။

ဒါ့ကြောင့် နှိပ်စက်ညှင်းပန်းမှုပြဿနာ ၊ အိမ်တွင်းအကြမ်းဖက်မှုပြဿနာနဲ့ အမျိုးသမီးတွေကို
အကြမ်းဖက်တဲ့ပြဿနာက ဆက်စပ်နေပါတယ်။ တကယ်တော့တိုင်းပြည်ကကြမ်းတမ်းရင်လူတွေကိုလည်းယဉ်ကျေးပြီး အပြုအမူကောင်းအောင်လုပ်လို့မရပါဘူး။အဲ့ဒီ့အကြမ်းဖက်တဲ့ယောက်ျားကိုဘဲအပြစ်ပေးလို့မရပါဘူး။
ဘာ့ကြောင့်လဲဆိုတော့ပတ်ဝန်းကျင်ကိုက ကြမ်းတမ်းလို့ပါဘဲ။ နေရာတိုင်းမှာနှိပ်စက်ညှင်းပန်းမှုကိုတွေ့နိုင်ပါတယ်။ ကျောင်းမှာလည်းဆရာတွေကတပည့်ကိုအပြစ်ပေးတာကိုတွေ့နိုင်ပါတယ်။သူတို့ကဒီလိုနည်းနဲ့အပြစ်ပေးမှနာခံမယ်ထင်လို့လေ။ ရဲတွေကနှိပ်စက်ညှင်းပန်းမှုကိုအသုံးပြုတယ်။ဆရာတွေက ရုပ်ပိုင်းဆိုင်ရာအရအပြစ်ပေးတယ်။ ယောကျာ်းတွေကသူတို့မိန်းမတွေကိုရိုက်တယ်။ အကုန်လုံးကအကြမ်းဖက်နေတာပဲ။သီရိလင်္ကာနိုင်ငံကတကယ့်ကိုအကြမ်းပတမ်း ပတ်ဝန်းကျင်ရှိတဲ့နိုင်ငံပဲဖြစ်တယ်။