( Interview) နိုင်ငံရေးအကျဉ်းသားဟောင်ူးနှင့် ဆက်သွယ်မေးမြန်းခြင်း

ဘာကြောင့်ထောင်ကျခဲ့ပြီးဘယ်နှစ်ခုနှစ်ကထောင်ကျခဲ့တာလဲ။

ကျနော်က၁၉၈၆မှာသမိုင်းနဲ့ဘွဲ့ရပြီးဂုဏ်ထူးတန်းဆက်တက်ဖို့ ပြင်တယ်။၁၉၈၈ခုနှစ်ကျောင်းသားအဖွဲ့နဲ့ ဆန္ဒပြပွဲတွေမှာပါပြီးနောက်ဆုံးကျနော်ထွက်ပြေးခဲ့ရတယ်။ထိုင်းနိုင်ငံဘန်ကောက်မှာခဏနေတယ်။
ပြီးတော့ပြည်တွင်းကိုတိတ်တိတ်ကလေးပြန်ဝင်တယ်။တိုင်းရင်းသားခေါင်းဆောင်တွေပေးလိုက်တဲ့စာရွက်
စာတမ်းတွေနဲ့တကွကျနော့်ကို၁၉၉၁ခုနှစ်မှာဖမ်းမိတယ်။ စစ်ကြောရေးစခန်းတွေမှာနေခဲ့ရပြီးတော့ မတ်လရရက်နေ့မှာစစ်ခုံရုံးတင်တယ်။တခါတည်းပဲကျနော့်ကိုသေဒါဏ်ချလိုက်တယ်နိုင်ငံတော်ပုန်ကန်မှုနဲ့စွဲချက်တင်ပြီးတော့ ချတာပါ။ကျနော်ကြိုးတိုက်ထဲသွားနေရတယ်။ဘာသာရေးခေါင်းဆောင်တွေရဲ့ကျိုးပမ်းပေးမှုကြောင့်ထောင်ဒါဏ်အနှစ်၂၀ကျခဲ့ရတယ်။ ထောင်အတွေ့အကြုံကိုပြောရမယ်ဆိုရင်ထောင်အပြင်မှာတောင်လူ့အခွင့်အရေးချိုးဖောက်မှုရှိနေတော့ထောင်တွင်းမှာ
ဆိုရင်တော့ပြောစရာတောင်မလိုတော့ဘူး။

ထောင်ထဲမှာတော့ဘယ်လိုမတရားလုပ်တာလဲ။ရိုးရိုးအကျဉ်းသားတွေကောလား။

ဟုတ်ပါတယ်။ကိုယ်တိုင်ကောတခြားရိုးရိုးအကျဉ်းသားတွေရောပါ။နိုင်ငံရေးအကျဉ်းသားတွေထဲမှာအင်ဂျင်နီယာတွေပါတယ်။
ဆရာဝန်တွေပါတယ်။ကျနော့်တို့ကထောင်ထဲမှာမတရားတဲ့အကြောင်းကိုထောင်ပိုင်ကိုပြောရင်ထောင်ပိုင်ပြန်သွားရင်၇ိုက်ရော
။ပြီးတော့ကလေးစစ်သားလေးတွေ ၁၀နှစ်ကနေ၁၅နှစ်အတွင်း ကိုထွက်ပြေးလို့ဆိုပြီးထောင်ထဲထည့်တာ၁နှစ်အနည်းဆုံးပဲ။ ထောင်ထဲမှာဒီကလေးတွေဟာလိင်ပိုင်းဆိုင်ရာအနိုင်ကျင့်ခံရတယ်။ထောင်ကျအကျဉ်းသားတချို့ကထောင်ဝန်ထမ်းတွေကို
ပိုက်ဆံပေးပြီးကလေးတွေကိုအနိုင်ကျင့်တယ်။ရိုးရိုးအကျဉ်းသားတွေကမကျေနပ်လို့ကြည့်မိပြီဆိုရင်ဘာကြည့်တာလဲဆိုပြီး
ဝိုင်းရိုက်တယ်။အဲဒီ့အကြောင်းတွေကိုစာရေးပြီးထောင်အပြင်ကိုပို့ဖို့လုပ်တုန်းမှာမိသွားပြီးနှိပ်စက်ပြီး

စစ်ခွေးတိုက်မှာ၃လနေခဲ့ရတယ်။ရိုးရိုးအကျဉ်သားတွေကို ဆိုနေ့တိုင်းလာလာရိုက်တယ်။ကျနော်တို့ကိုတော့ ၃ရက်တခါ၎ရက်တခါလောက်မှလာလာရိုက်တယ်။၁၉၉၄ခုနှစ်ဂျွန်လ၂၄ရက်နေ့မှာကျနော်ထောင်ပြောင်းတယ်။
အဲဒီ့ရောက်မှပိုဆိုးတယ်။လူမိုက်အုပ်ချုပ်နည်းနဲ့ထောင်ထဲမှာအုပ်ချုပ်တာ။နောက်တော့မကျေနပ်ချက်တခုကြောင့်အစာငတ်ခံဆန္ဒပြတော့ နှိပ်စက်ပြန်ရော။ဒီလိုနဲ့ထောင်တွေပြောင်းရင်းနဲ့ ငှက်ဖျားထူတဲ့နေရာရောက်ပြီးဖြစ်တယ်။၂၀၀၀ခုနှစ်မှာ ICRCကထောင်တွေထဲကိုဝင်လို့ရပြီးဆေးတွေလှုတယ်။အဲဒါကိုထောင်ဝန်ထမ်းတွေကရောင်းစားတယ်။
အဲလိုပဲICRC ကိုတိုင်လို့ဆိုပြီးရိုးရိုးအကျဉ်းသားတွေကိုထိုးတာသွားကျွတ်သွားတယ်။နောက်တခါICRC လာတော့ရိုးရိုးအကျဉ်းသားတွေလည်းဘာမှမပြောရဲတော့ဘူး။တွေ့တောင်မတွေ့ရဲတော့ဘူးICRC
ကိုတောင်အရမ်းကြောက်သွားတာ။

မေး.....နှိပ်စက်မှုတွေကို ပြင်းထန်လား။

ကလေးမှာရဲဘက်စခန်းတွေလည်း ရှိတယ်။ အကျဉ်းသားတွေဟာအစာရေစာဝဝလင်လင်မစားရဘဲ ငှက်ဖျားပါပေါတဲ့အတွက်၊ညှင်းပန်းနှိပ်စက်၊အလုပ်မလုပ်လို့ဆိုပြီးရိုက်သတ်တဲ့အတွက် ၁လကိုအယောက်၂၀လောက်သေတယ်။တချို့အကျဉ်းသားတွေလည်းကိုယ့်ကိုကိုယ်သတ်သေတယ်။ မြန်မာနိုင်ငံကအကျဉ်းသားတွေအတွက်သူတို့ဆောင်ပုဒ်ကမင်းတို့ကလူမဟုတ်ဘူး၊အကျဉ်းသားတွေဘဲဖြစ်တယ်။
အကျဉ်းသားတွေတော်တော်များများက လူသတ်မှု၊ဓါးပြမှုကြောင့်ရောက်လာတဲ့လူကနည်းတယ်။ တပ်ပြေးတွေလိုလိုချည်းပဲ။ထောင်ထဲမှာနှိပ်စက်တာက ရုပ်ရှင်ကြည့်ကြည့်လိုက်ပါ။ ဂျာမန်နာဇီပါတီကလူတွေကဂျူးတွေကိုနှိပ်စက်တဲ့အတိုင်းပဲ၊အတူတူပဲ။

၂၀၀၈ခုနှစ်နှောင်းပိုင်းမှာပြန်လွတ်တယ်။ အပြင်ရောက်လာတော့လည်းပဲကျနော့်ကိုနိုင်ငံရေးဆိုင်ရာလှုပ်ရှားမှုတွေလုပ်မှာစိုးတာနဲ့ ကျနော့်ကိုနောက်ယောင်ခံလိုက်လို့နောက်ဆုံးတော့ကျနော်လည်းမဲဆောက်ကခိုလှုံရေးစခန်းကိုရောက်လာခဲ့တယ်။