ရွေးကောက်ပွဲအတွက် သိသင့်သည့်အချက်

(မင်းလွင်ဦး)
၂၀၀၈ ခုနှစ်ဖွဲ့စည်းပုံအခြေခံဥပဒေကိုပြဌာန်းအတည်ပြုစဉ်က ဖွဲ့စည်းပုံအခြေခံဥပဒေပါ အချက်များအနက် အချို့ကိုပြင်ဆင်ရန်လိုအပ်ကြောင်းနိုင်ငံရေးလေ့လာသူများ၊ ကျွမ်းကျင် သူများနဲ့နိုင်ငံရေးပါတီများက ဝေဖန် ပြောဆိုတာကိုကြားခဲ့ရပါတယ်။ ဘာဖြစ်လို့ပြောရတယ်ဆိုတာကိုဆန်းစစ်ကြည့်ရင်အောက်ပါအချက်တွေကို တွေ့ရမှာဖြစ်တယ်။
ဖွဲ့စည်းပုံအခြေခံဥပဒေကို စပြီးဖတ်လိုက်တာနဲ့ န်ိုင်ငံတော် ရဲ့အမျိုးသားဦးဆောင်မှုအခန်းမှာ တပ်မတော်ကပါဝင်ထမ်းဆောင်နိုင်ရေးတို့ကို အစဉ်တစိုက်ဦးတည်သည် ဆိုတာနဲ့စတာပါပဲ။

ကမ္ဘာပေါ် မှာဘယ်နိုင်ငံရဲ့ဖွဲ့စည်းပုံမှာမှ မပါတာကို တွေ့လိုက်ရလို့ပါပဲ။ ကမ္ဘာပေါ်မှာ ရှိတဲ့နိုင်ငံတွေတော်တော်များများဟာ ပါတီရဲ့ ဦးဆောင်မှုအောက်မှာပဲ စစ်တပ်ကိုထားတာပါ။ဥပမာ ကွန်မြူနစ်နိုင်ငံတွေလို့ပြောတဲ့ တရုပ်၊ ဗီယက်နမ် စတဲ့နိုင်ငံတွေကသာဓကပါပဲ။ စစ်အာဏာရှင်လို့အပြောခံရမှာစိုးလို့ဘယ်နိုင်ငံက မှ စစ်တပ်ကိုဦးဆောင်မှု အခန်းကဏ္ဍမှာမထားပါဘူး။ အဲဒီအချက်ကိုကြည့်ယုံနဲ့ စစ်တပ်ကဘယ် တော့မှ အာဏာကိုလက်လွတ်ခံမှာ မဟုတ်ဘူး ဆိုတာကို ဖေါ်ပြလိုက်တာပါ။ အာဏာလက်လွတ်ဖြစ်မှာစိုးလို့လဲဒီအချက်ကို ထောင့်ပေါင်းစုံက လုံနေအောင်ပြင်ဆင်ပြီး ၂၀၀၈ ဖွဲ့စည်းပုံအခြေခံဥပဒေမှာထည့်ရေးထားတာပါ။

၂၀၀၈ ခုနှစ်ဖွဲ့စည်းပုံအခြေခံဥပဒေအတည်ပြုပြီး ရွေးကောက်ပွဲ ဥပဒေ၊ နိုင်ငံရေးပါတီများ မှတ်ပုံတင်ခြင်း ဥပဒေ စတဲ့ရွေးကောက်ပွဲနဲ့ဆိုင်တဲ့ ဥပဒေ၊နည်းဥပဒေ တွေထုတ်ပြန် ပြဌာန်းပြီးတဲ့နောက်မှာတော့ နိုင်ငံတော်အာဏာ ကို လွဲပြောင်း ပေးလိုတဲ့ဆန္ဒမရှ်ိပဲ၊ စစ်အစိုးရက ဆက်လက် အုပ်ချုပ်သွားဖို့ အားလုံးကိုစံနစ်တကျ စီမံပြီးသား ဆိုတာကိုရှင်းရှင်းလင်းလင်းသိလာရပါတယ်။ ရွေးကောက်ပွဲဆိုတာကလဲ နိုင်ငံတကာ အမြင်ကောင်းအောင် လုပ်ပေးယုံသက်သက်ပဲဖြစ်တယ်။ ဖွဲ့စည်းပုံအခြေခံဥပဒေကို အတည်ပြုပြီးပေမဲ့ ရွေးကောက်ပွဲကျင်းပမဲ့ရက်ကို မကြေညာဘူး၊ ရွေးကောက်ပွဲဥပဒေနဲ့ နိုင်ငံရေးပါတီမှတ်ပုံတင်ခြင်း ဥပဒေကိုမထုတ် ပြန်ဘူး။ စစ်တပ် ကျောထောက်နောက်ခံပေးထားတဲ့ အသင်းအဖွဲ့တွေကလွဲလို့ ကျန်သူတွေ ဘာမှမလုပ်နိုင်အောင် ထိန်းထား တဲ့သဘောပါ။

စစ်တပ်က တိုင်းနှင့်ပြည်နယ်၊ လွှတ်တော်အသီးသီးမှာ ရွေးချယ်တင်မြှောက်ခြင်းမပြုဘဲ လေးပုံတပုံ ပါဝင်ဖို့ယူထားပြီးယုံမက ပဲ ကျန်တဲ့လွှတ်တော်နေရာတွေကို စစ်တပ်ကဖွဲ့စည်း တည်ထောင်ပေးတဲ့ ပြည်ထောင်စုကြံ့ခိုင်ဖွံ့ဖြိုးရေးပါတီ၊ စစ်တပ်နောက်ခံပြုပေးထားတဲ့ တိုင်းရင်းသားပါတီတွေ နဲ့နိုင်ငံရေးပါတီ တွေကပဲနေရာရအောင်စီမံထားတယ်ဆိုတာကို နောက်ဆုံးထုတ်ပြန်တဲ့ရွေးကောက်ပွဲဥပဒေတွေနဲ့ နိုင်ငံရေး ပါတီမှတ်ပုံတင်ခြင်းဥပဒေတွေ ရဲ့ပြဋ္ဌာန်းချက်တွေအရ ထင်ရှားပေါ်လွင်လာပါပြီ။

တိုင်းရင်းသားလူမျိုးစုတွေရဲ့အခွင့်အရေး၊ တောင်သူလယ်သမား၊ အလုပ်သမားတွေရဲ့အခွင့် အရေးတွေနဲ့ ပတ်သက်ပြီးတော့လဲ နိုင်ငံတော်ရဲ့အခြေခံမူထဲမှာ တိတိကျကျအာမခံပေးထား တာမတွေ့ရပါဘူး၊ လိုအပ်တဲ့ဥပဒေများကိုပြဋ္ဌာန်းပေးမယ်လို့သာဖေါ်ပြထားတဲ့အတွက် လက်ရှိပြဋ္ဌာန်းထားတဲ့ဥပဒေတွေ အတိုင်းပဲဆက်ကျင့်သုံးသွားဖို့များပါတယ်။လွတ်လပ်တဲ့ တောင်သူလယ်သမား၊ အလုပ်သမားအသင်းအဖွဲ့ တွေပေါ်လာဖို့အတွက်လိုအပ်တဲ့ဥပဒေ တွေနဲ့ ပြဋ္ဌာန်းဆောင်ရွက်မယ်လို့နိုင်ငံတကာကိုပြောနေပေမဲ့ မြန်မာ့ဆိုရှယ်လစ်လမ်းစဉ် လက်ထက်က တောင်သူလယ်သမားအစည်းအရုံးနဲ့ အလုပ်သမားအစည်းအရုံး ဆိုတာထက် မပိုပါဘူး၊ဒါကိုအပြည်ပြည်ဆိုင်ရာအလုပ်သမားအဖွဲ့ကလည်းအဟုတ်ထင်ပြီးယုံကြည်နေတယ်
ပြည်သူတရပ်လုံးရဲ့ပညာရေးနဲ့ကျန်းမာရေးတိုးတက်စေဖို့အတွက်လဲလိုအပ်တဲ့ဥပဒေတွေကို ဆက်ပြဋ္ဌာန်းအုံး မယ်လို့ဆိုပါတယ်။

တခုထူးခြားတာက အခမဲ့မသင်မနေရမူလတန်းပညာရေးစံနစ်ကိုဖေါ် ဆောင်မယ်လို့ မက်လုံးပေးထားတာပါပဲ။ အခမဲ့မူလတန်းပညာသင်ကြားရေးစံနစ်နဲ့ မသင်မနေရပညာသင်ကြားရေးစံနစ် မတူပါဘူး။ မသင်မနေရ လို့ပြဋ္ဌာန်းလိုက်ပြီဆိုတာနဲ့မိဘကမဖြစ်မနေကလေးတွေကိုကျောင်း ပညာသင်ဖို့ ပို့ရပါမယ်။ မပို့တဲ့မိဘကိုဘယ်လိုအရေးယူမယ်ဆိုတဲ့ဥပဒေပြဋ္ဌာန်းရတော့မယ်။ အခမဲ့ပညာသင်ကြား ရေးစံနစ်ဖြစ်တဲ့အတွက် ကျောင်းဝင်ခ၊ မိဘဆရာကြေးနဲ့စာအုပ်စာတမ်း၊ စာရေးကရိယာကအစ အုပ်ချုပ်သူအစိုးရကတာဝန်ယူရမှာဖြစ်တယ်။လက်ရှိအုပ်ချုပ်နေတဲ့ စစ်အစိုးရလက်ထက်နှစ်ပေါင်း ၂၀ ကျော်မှာ ပညာရေးကိုဘယ်လိုဆောင်ရွက်ပေးခဲ့တယ်ဆို တာကိုကြည့်ပြီးမှယုံကြည်လက်ခံသင့်တယ်။

အခြေခံဥပဒေမှာဖတ်လို့ကောင်းအောင်ထည့် ရေးယုံထည့်ထားတာလဲဖြစ်နိုင်တယ်။ဘာဖြစ်လို့လဲဆိုတော့ ရွေးကောက်ပွဲပြီးလို့တက်လာမဲ့ အစိုးရကလည်း ဒီလူတွေဖြစ်နေလို့ပါပဲ။ လွတ်လပ်ရေးရပြီးကတဲကမြန်မာနိုင်ငံရဲ့ပညာရေး စံနစ်ဟာ မူလတန်းပညာအခမဲ့ပညာသင်ကြားရေးစံနစ်ပါ။ အစောကပြောခဲ့သလို နိုင်ငံတော်က အားလုံး ကိုတာဝန်ယူဆောင်ရွက်ပေးခဲ့တာမဟုတ်ပါဘူး၊ ကျောင်းဆောက် တာတောင်ရပ်မိရပ်ဖတွေရဲ့အလှူငွေနဲ့ကိုယ်ထူကိုယ်ထဆောက်ရတာပါ။ဒီမိုကရေစီစံနစ်ကိုနှစ်ပေါင်းများ စွာကျင့်သုံးလာတဲ့အိန္ဒိယနိုင်ငံမှာ အခမဲ့မသင်မနေရပညာရေးစံနစ်ကိုကျင့်သုံးနေဆဲပါ၊ ကျောင်းသား ၂၀ မှာ ဆရာတဦးခန့်အပ်ပေးပြီး ကလေးသူငယ်တွေအလုပ်လုပ်နေတဲ့ လယ်ယာလုပ်ငန်းခွင်တွေအထိ် မော်တော် ယာဉ်နဲ့လိုက်ပြီးပညာသင်ပေးတာတောင်ထင်သ လောက်အောင်မြင်မှုမရရှိသေးပါဘူး။ စီးပွားရေးဆိုင်ရာမူ အဖြစ်နဲ့ချမှတ်ထားတာကိုကြည့်ရင်

စီးပွားရေးဆိုင်ရာလုပ်ငန်းများကိုနိုင်ငံပိုင်သိမ်းယူခြင်းမပြု၊ တရားဝတ်ထုတ်ဝေထားတဲ့ ငွေကြေးတွေ ကိုတရားမ၀င်ငွေကြေးအဖြစ်သတ်မှတ်ခြင်းမပြုစတဲ့အချက်တွေဟာ သာမန်အားဖြင့်တော့ မက်လောက်တဲ့ စကားတွေဖြစ်တယ်။ ဘာဖြစ်လို့လဲဆိုတော့၁၉၈၈ နောက်ပိုင်းမှာ ယခင်နိုင်ငံပိုင်စက်ရုံအလုပ်ရုံတွေကို စစ်အစိုးရက ဆက်လက် ထိန်းသိမ်းပြီး လည်ပတ်ခဲ့တယ်။ စစ်တပ်ဦးပိုင်လုပ်ငန်းတွေအဖြစ်ဖန်တီးပြီး စစ်တပ်နဲ့နီးစပ်တဲ့စီးပွားရေး လုပ်ငန်းရှင် တွေကိုလုပ်ကိုင်ခွင့်ပြုခဲ့တယ်။ အချို့ဝန်ကြီးဌာနတွေမှာ အရှုံးပေါ်တဲ့အတွက် ၂၀၁၀ ခုနှစ်ထဲမှာ ပဲဝန်ကြီးဌာနပိုင် စက်ရုံအလုပ်ရုံတွေကိုပုဂလိကပိုင်လုပ်ငန်းများ အဖြစ်လွှဲပြောင်း ရောင်းချ ခဲ့ပါတယ်။ဒီလိုလွှဲ ပြောင်းရောင်းချ တဲ့အခါ နောင်တက်လာမဲ့အစိုးရတက်လာရင် ပြည်သူပိုင်အဖြစ်ပြန်လည်သိမ်းယူခြင်းမပြု ဘူးဆိုတဲ့ကတိစကား ကြောင့်လဲ စီးပွားရေးလုပ်ငန်းရှင်တွေက ၀ယ်ယူရင်းနှီးမြှုပ်နှံခဲ့တာဖြစ်တယ်။ မြန်မာနိုင်ငံအတွင်းမှာ ကြီးပွားချမ်းသာနေတဲ့ စီးပွားရေး လုပ်ငန်းရှင်တွေဟာ စစ်အစိုးရနဲ့နီးစပ်တဲ့သူတွေ၊ စစ်အစိုးရမိသားစုဝင်တွေရဲ့ အကျိုးစီးပွားကို ဆောင်ရွက်ပေးနေတဲ့စီးပွားရေး လုပ်ငန်းရှင်တွေဖြစ်တယ် ဒီတော့လက်ရှိလည်ပတ်နေတဲ့ငွေ ကြေးကိုတရားမ၀င် ငွေကြေးအဖြစ်ကြေညာခဲ့ရင် ပထမဆုံးအထိနာမဲ့သူတွေဟာ အဲဒီလူတွေဖြစ်တယ်။ ပြည်သူ တွေကိုစေတနာထား လို့ ဒီဥပဒေထည့်ပြဋ္ဌာန်း ထားတာမဟုတ်ဘူးဆိုတာပြည်သူတွေသိနားလည်ဖို့လိုပါတယ်။

နိုင်ငံတော်ကို ဥပဒေပြုရေး၊ အုပ်ချုပ်ရေး၊ ကဏ္ဍမှာ စစ်တပ်ကအချိုးကျပါဝင်သူတွေနဲ့ စစ်တပ်ကနောက်ခံ ပြုပေးထားတဲ့ ပါတီတွေက အများစုပါဝင် နိုင်အောင်စီမံထားတာဖြစ်တယ် နိုင်ငံတော်အတွက် အရေးကြီးတဲ့ ဥပဒေပြုအခန်းကဏ္ဍမှာ စစ်တပ်ကိုကိုယ်စားပြုထားတဲ့ သူတွေပါဝင်တာမို့စစ်တပ်သဘောမတူရင် ဘာဥပဒေ မှပြဋ္ဌာန်း၊ပြင်ဆင်လို့မရတဲ့သဘောပါပဲ၊ တရားစီရင်ရေးကဏ္ဍအသီးသီးမှာ စစ်တပ်ကမပါဘူးလို့ ထင်ရပေမဲ့လက်ရှိတရားရုံးချုပ် တရားသူကြီးများခန့်အပ်ထားတာကိုပဲကြည့်ပါ ဒုတိယတရားသူကြီးချုပ် (ရန်ကုန်)ဦးသိန်းစိုးနဲ့ ဒုတိယတရားသူကြီးချုပ် (နေပြည်တော်) ဦးထွန်းထွန်းဦးတို့ဟာ စစ်ဥပဒေချုပ်ရုံးကနေ အရပ်ဝတ်ပြောင်းလာတာပါ။နောင်တက်လာမဲ့အစိုးရလက်ထက်မှာ ဒုတရားသူကြီးချုပ်ကနေ တရားသူကြီးချုပ် လဲဖြစ်လာမဲ့သူတွေလို့တောင်ပြောလို့ရပါတယ်။

ဒါကြောင့်နိုင်ငံတော်အခြေခံမူများအခန်း(၁) ပုဒ်မ ၁ ကနေ ၄၈ ထိပြဌာန်းထားတဲ့ပြဌာန်းချက် တွေကို ကြည့်ရင်

၂၀၁၀ ရွေးကောက်ပွဲမှာအနိုင်ရသူတွေ အနေနဲ့ ၂၀၀၈ ဖွဲ့စည်းပုံအခြေခံဥပဒေမှာပါတဲ့အခြေခံမူများဆိုတဲ့ ပြဋ္ဌာန်းချက်တွေကိုပြင်ဆင်ဖို့ဆိုတာ မလွယ်ကူတဲ့ကိစ္စဆိုတာတွေ့ရမှာဖြစ်တယ်။ ဘာဖြစ်လို့လဲဆိုတော့ ၂၀၁၀ ရွေးကောက်ပွဲမှာပါဝင်ယှဉ်ပြိုင်ဖို့မှတ်ပုံတင်ထားတဲ့နိုင်ငံရေးပါတီအားလုံးဟာ စစ်မှန်ပြီး စည်းကမ်းပြည့်ဝတဲ့ ဒီမိုကရေစံနစ်ကိုယုံကြည်လက်ခံပြီးမြန်မာနိုင်ငံတော်ဖွဲ့စည်းပုံအခြေခံဥပဒေကိုထိန်းသိမ်းစောင့်ရှောက်ပါ့မယ်လို့ဝန်ခံချက်လက်မှတ်ရေးထိုးထားကြရလို့ပါပဲ။

နိုင်ငံတကာနဲ့ နိုင်ငံရေးပါတီတွေကတောင်းဆိုလဲပဲဖြစ်ဖြစ် တိုင်းပြည်ရဲ့အခြေအနေအရ မပြင်မဖြစ်လိုအပ်လို့
ပြင်ဆင်ရမဲ့အနေအထားမဖြစ်မနေရောက်လာခဲ့ရင် တောင်မှပြင်ချင်တိုင်းပြင်လို့မရအောင်ပုဒ်မ ၄၈ မှာဥပဒေပြု လွှတ်တော်များက ဥပဒေပြဌာန်းရာတွင် လည်းကောင်း၊ ဖွဲ့စည်းပုံအခြေခံဥပဒေနဲ့ အခြား ဥပဒေများပါပြဌာန်း ချက် များကိုသက်ဆိုင်ရာက အနက်အဓိပ္ပါယ် ဖွင့်ဆိုရာတွင် လည်းကောင်း လိုက်နာရမည့်လမ်းညွှန်များဖြစ်သည် လို့ဆိုထားတာဖြစ် လို့ ဥပဒေတွေပြင်ဆင်ပြဋ္ဌာန်းဖို့ရာ မလွယ်ကူတဲ့သဘောဖြစ်ပါတယ်။ ဒါကြောင့်လဲ ၂၀၀၈ ဖွဲ့စည်းပုံအခြေခံဥပဒေကိုပြည်သူတွေမသိလေကောင်းလေလို့သဘောထားပြီး ပြည်သူတွေအကြားဆွေးနွေးမှု တွေမပေါ်ပေါက်အောင်အခမဲ့ဖြန့်ဝေခြင်းမပြုတာလို့ယူဆရမှာ ဖြစ်ကြောင်းတင်ပြအပ်ပါသည်ခင်ဗျား။