အင်တာနက်ချိတ်ဆက်ပြီး အခမဲ့ဖုန်းဆက်သွယ်တဲ့ကိစ္စ

နိုင်ငံတကာနဲ့ဆက်သွယ်ဆောင်ရွက်ရာမှာ ကွန်ပျူတာနည်းပညာကွန်ယက်ကို ချိပ်ဆက် အသုံးပြုရတဲ့ အင်တာနက်ဆက်သွယ်ရေးစံနစ်ဟာ ခုဆိုစီးပွားရေး၊လူမှုရေးနဲ့နိုင်ငံရေးနယ် ပယ်အသီးသီးမှာမရှိမဖြစ် လိုအပ်လာတဲ့ နည်းပညာတခုဖြစ်လာပါပြီ။ မြန်မာနိုင်ငံအနေနဲ့ အခြားနိုင်ငံများနည်းတူ ကွန်ပျူတာနည်းပညာကွန်ယက်ကို ချိပ်ဆက်အသုံးပြုလာတာ ခုဆို ရင် ၁၀ နှစ်ကျော်လာပါပြီ။

အရင်တုံးက တော့ နိုင်ငံရပ်ခြားကိုဆက်သွယ်ဖို့ရာ တယ်လီဖုန်း၊ ဖက်စ်၊ စတာတွေပဲရှိရာကနေ ခုဆို အင်တာနက်အီးမေးလ် နဲ့ အင်တာနက်က နေခေါ်ဆို အသုံးပြုလို့ရတဲ့ ဂျီတော့၊ ဗွီဇက်အို၊ ဗွိုင့်စ်အင်တာနက်ဖုန်း၊ စတဲ့ အခမဲ့ခေါ်ဆိုအသုံးပြုနိုင် တဲ့ နည်းစနစ်တွေကြောင့် ဆက်သွယ်မှုတွေလျင်မြန်ပြီး သုံးစွဲမှုတွေများလာတာကိုတွေ့ရပါတယ်။ မြန်မာနိုင်ငံအတွင်းကနေ ပြည်ပကို တယ်လီဖုန်းခေါ်ဆိုရင် ပြောဆိုတဲ့မိနစ်အလိုက်ကျသင့်ငွေကို အက်အီးစီနဲ့ ပေးချေရပါတယ်။ မြန်မာနိုင်ငံအတွင်းမှာ နိုင်ငံခြားငွေကို လက်ဝယ်ကိုင်ဆောင် သုံးစွဲခွင့်မရှိတာကြောင့် တယ်လီဖုန်းကုန်ကျ စရိတ်သွင်းတဲ့အခါမှာ အက်ဖ်အီးစီကို လိုက်လံရှာ ဖွေပြီးဝယ်ယူပေးသွင်းရတာဖြစ်တယ်။

နိုင်ငံခြားငွေအတက်အကျအလိုက် အက်ဖ်အီးစီဈေးက လဲအတက်အကျရှိပါတယ်။ ပြင်ပမှာ ၀ယ်ယူလို့မလွယ်ရင်တော့ စာတိုက်ကြီးမှာ အလွယ် တကူ ၀ယ်ယူနိုင်ပါတယ်။ ဒါပေမဲ့ပြင်ပပေါက်ဈေးထက် ၂၀၀ ခန့်များတဲ့အတွက် လူတွေက ပြင်ပကပဲဝယ်ယူပေးသွင်းကြတာများပါတယ်။ အဲဒီလို အင်တာနက်ကနေတဆင့် နိုင်ငံရပ်ခြား ကို ဖုန်းဆက်သွယ် အသုံးပြုမှုတွေများပြားလာတာကြောင့် စာတိုက်နဲ့ဆက်သွယ်ရေးဝန်ကြီး ဌာနအနေနဲ့ ၀င်ငွေလျော့နည်းလာရတာဖြစ်တယ်လို့ ဦးဆောင်ညွှန်ကြားရေးမှူး ဦးတင့်လွင် ကပြောဆိုပြီး အင်တာနက်ဆိုင်တွေက တဆင့်တယ်လီဖုန်းဆက်သွယ်ပြောဆိုမှုတွေကိုပိတ် ပင်ဖို့လုပ်ဆောင်လာတာကိုတွေ့ရပါတယ်။

နိုင်ငံတကာ အစိုးရတိုင်းဟာ တိုင်းပြည်ကို စီမံ အုပ်ချုပ်ရာမှာ အကျိုးအမြတ်တခုတည်းကိုကြည့်ပြီးလုပ်ဆောင်လို့မရပါဘူး၊ ဥပမာ အားဖြင့် လမ်းပန်းဆက်သွယ်ရေးနဲ့ပတ်သက်လာရင် သက်ဆိုင်ရာ နိုင်ငံတိုင်းရဲ့အစိုးရ တွေဟာ အရှုံး နဲ့ ဆောင်ရွက်
ပေးနေရတာကို တွေ့ရမှာဖြစ်တယ်။ ရေနံစိမ်းပီပါဈေးတွေ မြင့်တက်လို့ လေယာဉ်ခတွေ မြင့်တက်ပြီး ခရီးသည်တွေ မစီးနိုင်လို့အရှုံးပေါ်တဲ့ ကုမဏီ တွေကိုအစိုးရက ကျားကန်ပေးနေရတာတွေ၊ သာမန်ပြည်သူတွေဈေးနှုံးသက်သာစွာနဲ့ ခရီးသွားလာနိုင်ဖို့ ရထားခတွေလျော့ပေးပြီးအရှုံးခံပြေးဆွဲနေရတာတွေ ဒါတွေက နိုင်ငံတကာ အစိုးရတိုင်း ရင်ဆိုင်နေရတဲ့အခက်အခဲပါ။

ထိုနည်းတူ တယ်လီဖုန်းဆက်သွယ်ရေးကိစ္စမှာလဲ နိုင်ငံတော်ရဲ့ လုံခြုံရေးကိစ္စတွေကြောင့် အစိုးရတိုင်းက ပုဂ္ဂလိက ကုမဏီတွေနဲ့ ယှဉ်ပြိုင်ရာမှာ အရှုံးခံပြီး လုပ်ဆောင်နေရတာပါ။အုပ်ချုပ်သူအစိုးရကို ကုမဏီဖွင့်ပြီး စီးပွားရှာဖို့ပြည်သူကခန့်အပ် ထားတာ မဟုတ်ပါဘူး။ တိုင်းပြည်ကထွက်တဲ့သယံဇာတတွေကိုရောင်းချလို့ရတဲ့ဘဏ္ဍာငွေ တွေ၊ ပြည်ပကို တင်ပို့ရောင်းချလို့ရတဲ့ ထုတ်ကုန်ကရတဲ့ဝင်ငွေ၊ ပြည်တွင်းကိုတင်သွင်းတဲ့ နိုင်ငံခြားကုမဏီတွေ၊ စီးပွားရေးကုမဏီတွေဆီကကောက်ခံရရှိတဲ့ သွင်းကုန်အခွန်ငွေတွေ၊ အခွန်ထမ်းတွေက ထမ်းဆောင်ထားတဲ့ ပြည်တွင်းအခွန်ငွေ စတာတွေကို စံနစ်တကျစီမံခန့် ခွဲပြီး တိုင်းပြည်ကို အုပ်ချုပ်ဖို့ပြည်သူတွေက ရွေးချယ်ခန့်အပ် ထားတာပါ။ ဒီလိုမှမဟုတ်ရင်တော့ စီးပွားရေးလုပ်ငန်းရှင်တွေကို အစိုးရဖွဲ့ခိုင်းလိုက်မှာပေါ့။

အီလက်ထရောနစ် ဆက်သွယ်ဆောင်ရွက်ရေးဥပဒေမှာ ပြဌာန်းထားတဲ့ပြဌာန်းချက်တွေအရ-ခေတ်မီဖွံ့ဖြိုး တိုးတက်တဲ့ နိုင်ငံတော်တည်ဆောက်ရာမှာ

(က)အီလက်ထရောနစ် ဆက်သွယ် ဆောင်ရွက်ရေးနည်းပညာနဲ့အထောက်အကူပြုနိုင်ဖို့၊
(ခ) အီလက်ထရောနစ် ဆက်သွယ် ဆောင်ရွက်ရေးနည်းပညာနဲ့ လူသားအရင်းအမြစ် ဖွံ့ဖြိုးတိုးတက်ရေး၊ စီးပွားရေး ကဏ္ဍဖွံ့ဖြိုး တိုးတက်ရေး၊ လူမှုရေးနဲ့ပညာရေးကဏ္ဍအပါအ၀င် ကဏ္ဍပေါင်းစုံဖွံ့ဖြိုးတိုးတက် ရေးအတွက် အခွင့်အလမ်းများပိုမိုရရှိလာစေဖို့
(ဂ) ကွန်ပျူတာကွန်ယက်ကိုအသုံးပြုပြီး ပြည်တွင်းပြည်ပ ဆက်သွယ်ဆောင်ရွက်တဲ့ကိစ္စများ မှာ အီလက်ထရောနစ်မှတ်တမ်းနဲ့ အီလက်ထရောနစ် အချက်အလက် သတင်းလွှာများရဲ့ စစ်မှန်မှု နဲ့ ယုံကြည်စိတ်ချရမှုတွေကို အသိအမှတ်ပြုပြီး ဥပဒေအရ အကာအကွယ်ပေးနိုင်ဖို့၊
(ဃ) အီလက်ထရောနစ်ဆက်သွယ်ဆောင်ရွက်ရေးနည်းပညာကို အသုံးပြုပြီး ပြည်တွင်းပြည်ပ သတင်းအချက်အလက်များကို အချိန်နဲ့တပြေးညီထုတ်လွှင့်ပေးပို့ခြင်း၊ လက်ခံဖမ်းယူခြင်းနဲ့ သိုမှီးထိန်းသိမ်းခြင်းတို့ကိုပြုလုပ်နိုင်ဖို့
(င) ကွန်ပျူတာကွန်ယက်ကိုအသုံးပြုပြီး အပြည်ပြည်ဆိုင်ရာ အဖွဲ့အစည်းများ၊ ဒေသ ဆိုင်ရာအဖွဲ့အစည်းများ၊ ပြည်ပနိုင်ငံများ၊ ပြည်တွင်းပြည်ပ အစိုးရဌာန၊ အဖွဲ့အစည်း များ၊ ပုဂ္ဂလိကအဖွဲ့အစည်းများနဲ့ ပုဂ္ဂိုလ်များထိရောက်လျင်မြန်စွာ ဆက်သွယ်ပူးပေါင်း ဆောင်ရွက် နိုင်ဖို့ ဆိုတဲ့ရည်ရွယ်ချက်တွေနဲ့ အီလက်ထရောနစ် ဆက်သွယ် ဆောင်ရွက်ရေး ဥပဒေကို နိုင်ငံတော်အေးချမ်းသာယာရေးနဲ့ ဖွံ့ဖြိုးရေးကောင်စီက ဥပဒေ အမှတ် ၅/၂၀၀၄ နဲ့ထုတ်ပြန် ပြဌာန်းခဲ့တာပါ။

ဒီိလိုရည်ရွယ်ချက်ကောင်းတွေနဲ့ ပြဌာန်းခဲ့တဲ့ဥပဒေဟာ မတ်လ ၂ ရက်နေ့ရက်စွဲနဲ့ထုတ်ပြန် ခဲ့တဲ့တင့်လွင်
(ဦးဆောင်ညွှန်ကြားရေးမှူး) ရဲ့ ထုတ်ပြန်ချက်က ဥပဒေရဲ့ရည်ရွယ်ချက်ကို လွှမ်းမိုးဆုံးဖြတ်ထားသလို
ဖြစ်နေတာကို တွေ့ရပါတယ်။ အီလက်ထရောနစ် ဆက်သွယ်ဆောင်ရွက်ရေး ဥပဒေမှာ လုပ်ပိုင်ခွင့်တွေနဲ့ပတ်သက်လို့ ဗဟိုအဖွဲ့ကို သက်ဆိုင်ရာ ၀န်ကြီးများနဲ့ကျွမ်းကျင်သူများ ပါဝင်တဲ့သူတွေနဲ့ဖွဲ့စည်းနိုင်ပြီး၊ ဗဟိုအဖွဲ့က အောက်ခြေပိုင်းဆိုင်ရာ လုပ်ငန်းရပ်တွေကို စည်းမျဉ်းစည်းကမ်းတွေ ချမှတ်ပြီးကြီးကြပ် သွားနိုင်ဖို့ ကြီးကြပ်အဖွဲ့ကို ဖွဲ့စည်းပြီး ဆောင်ရွက်စေရမယ်လို့ ဖေါ်ပြထားပါတယ်၊
အီလက်ထရောနစ်ဆက်သွယ်ဆောင်ရွက်ရေးဥပဒေအရ အရေးယူဖို့လိုအပ်လာတယ် ဆိုရင် တောင်မှ ဗဟိုအဖွဲ့ရဲ့ ခွင့်ပြုချက်ကိုရယူပြီးမှ တရားစွဲဆို အရေးယူ ဆောင်ရွက်နိုင်ခွင့် ကိုခွင့်ပြု ထားတာပါ။

ဥပဒေတွေပြဌာန်းထုတ်ပြန်ရတာဟာ စာရွက်ပေါ်မှာ ရေးသားထားယုံ မဟုတ်ပါ ဘူး၊ ပြည်သူအများနဲ့အုပ်ချုပ်သူများကပါ လိုက်နာဆောင်ရွက်ဖို့ရည်ရွယ်ပြဌာန်းရ တာဖြစ်ပါ တယ်။ တာဝန်ရှိတဲ့သူများကပါ ဥပဒေကိုလေးစားလိုက်နာပါမှ သာမန်ပြည်သူများကလဲပြဌာန်း ဥပဒေကို လေးစားလိုက်နာကြမှာဖြစ်တယ်။ လွန်ခဲ့တဲ့ ၂ နှစ်လောက်ကလဲ ဂြိုလ်တုစလောင်း တွေမှတ်ပုံတင်ရမယ်။ မှတ်ပုံမတင်တဲ့စလောင်းတပ်ဆင်အသုံးပြုတာတွေ့ရင်အရေးယူမယ် ဆိုလို့ ပြည်သူတွေဂြိုလ်တုစလောင်း တပ်ဆင်ခွင့် အလုအယက် မှတ်ပုံတင်ခဲ့ကြပါတယ်။

နှစ်စဉ် သက်တမ်းတိုးဖို့လိုလာတဲ့အခါ ပြည်သူတွေက ထိုက်သင့်တဲ့ လိုင်စင်ခွန်ငွေ ထမ်းဆောင်ဖို့စာ တိုက်ကိုသွားတဲ့အခါ အထက်က ညွှန်ကြားချက်မရသေးလို့ပါဆိုပြီး နေလိုက်တာ ခုချိန်ထိပါပဲ။ ခုလဲ အင်တာနက်ကတဆင့် စကိုက်ဖ်၊ ဂျီတော့၊ ဗွီဇက်အို၊ ဗွိုင့်အင်တာနက်ဖုန်း ခေါ်ဆို တာကို အကြောင်းပြပြီး ဆက်သွယ်ရေးဝန်ကြီးဌာနက ၀န်ထမ်းတွေ အတွက်စားပေါက် ထွင်တာလားဆို တာကိုတော့ အသိပေးကြေညာစာထုတ်ဝေတဲ့ ဦးဆောင်ညွန်ကြားရေးမှူးက အသိဆုံးဖြစ်မှာ ပါ။

အီလက်ထရောနစ်ဆက်သွယ်ဆောင်ရွက်မှုဥပဒေအရ ဦးဆောင်ညွှန်ကြားရေးမှူးဖြစ်သူက လက်မှတ်ရေးထိုးပြီး အသိပေး အကြောင်းကြားစာထုတ်ခွင့်ကိုဥပဒေက ခွင့်ပြုထားတာ မတွေ့ရကြောင်းတင်ပြလိုက်ရပါတယ်ခင်ဗျား။

အာရှလူ့အခွင့်အရေးကော်မရှင်မှ ရှေ့နေ ဦးမင်းလွင်ဦး အာအက်ဖ်အေသို့ ရေးသားပေးပို့သောဆောင်းပါးဖြစ်သည်။