ရှေ့နေဦးမင်းလွင်ဦး
၂၀၀၈ ခုနှစ်ဖွဲ့စည်းပုံအခြေခံဥပဒေကို အကောင်အထည်ဖေါ်လိုက်နာဆောင်ရွက်မဲ့ သမတကြီးဦးသိန်းစိန်ရဲ့ အစိုးရသစ်အနေနဲ့ ဒီမိုကရေစီနည်းအရရွေးချယ်တင်မြှောက်ခြင်း ခံရတယ်လို့ဆိုထားပေမဲ့ လက်တွေ့လုပ်ဆောင်နေတဲ့လုပ်ဆောင်မှုတွေဟာ ဒီမိုကရေစီစံနစ် ကို ဖေါ်ဆောင်နိုင်ပါ့မလားဆိုတာသံသယဖြစ်စရာပါ။
ဒီမိုကရေစီကျင့်စဉ်ရဲ့အခြေခံဟာ ပြည်သူများကရွေးချယ်တင်မြှောက်တဲ့ပြည်သူ့ကိုယ်စား လှယ်များကပြည်သူကိုပြန်လည်အုပ်ချုပ်တဲ့စံနစ်ကိုအခြေခံတာပါ။အနိမ့်ဆုံးအဆင့်ဖြစ်တဲ့ ရပ်ကွက်ကျေးရွာအဆင့်ကိုစီမံအုပ်ချုပ်မဲ့သူတွေကိုပြည်သူတွေစိတ်တိုင်းကျရွေးချယ်တင်
မြှောက်ခွင့်မရပဲ ဖြစ်နေတဲ့အခြေအနေက ဒီမိုကရေစီကျင့်စဉ်ရဲ့ အခြေခံအဆင့်ကို အတိအလင်း ချိုးဖေါက်ထားတာဖြစ်တယ်။ ဒီတော့နိုင်ငံတကာက ပြည်သူတွေရဲ့ ဆန္ဒနဲ့အညီစီမံအုပ်ချုပ်နေ တဲ့အစိုးရမဟုတ်ဘူးဆိုတာ ဒီတချက်ထဲကို ထောက်ပြပြီး ပြောဆိုနိုင်တဲ့အခြေအနေမျိုးဖြစ် နေတာကိုတွေ့ရမှာပါ။ ကျန်တဲ့အဆင့်တွေကိုတော့ ပြောစရာတောင်မလိုတော့ပါဘူး။ တနည်းပြောရရင်တပါတီအာဏာရှင်စံနစ်ကို ဟန်ပြ နိုင်ငံရေးပါတီများနဲ့ဖုံးဖိပြီး အပေါ်ယံရွှေမှုံ ကြဲထားတာလို့ပြောနိုင်ပါတယ်။
နိုင်ငံတနိုင်ငံကိုစီမံအုပ်ချုပ်မဲ့အစိုးရအနေနဲ့ လိုအပ်တဲ့အခွန်ဘဏ္ဍာငွေတွေ လုံလောက်စွာရှိဖို့ လိုတယ်ဆိုတာပြောစရာမလိုပါဘူး၊ နိုင်ငံတနိုင်ငံရဲ့စီးပွားရေးအခြေခံပေါ်မှာ မူတည်ပြီးမှ နိုင်ငံရေးအရလိုအပ်တဲ့အဆောက်အဦတွေကိုစီမံခန့်ခွဲတည်ဆောက်နိုင်မှာဖြစ်ပါတယ်။ ဒီနေရာမှာတိုင်းပြည်ရဲ့အခွန်ဘဏ္ဍာငွေနဲ့ပတ်သက်လို့အစိုးရကိုယ်တိုင်က ပွင့်လင်းစွာတင်ပြ ဆွေးနွေးရမှာဖြစ်ပါတယ်၊ တနည်းအားဖြင့်အလွယ်ဆုံးဥပမာတခုပြရရင်မိသားစုတစုရဲ့ ၀င်ငွေ ထွက်ငွေကိုစီမံခန့်ခွဲရတာနဲ့ တူပါတယ်။ အိမ်ထောင်ဦးစီးဖြစ်သူနဲ့မိသားစုဝင်တွေရဲ့လစဉ်ရရှိ တဲ့ဝင်ငွေတွေအပေါ်မှာမူတည်ပြီး အိမ်လခ၊ ကလေးတွေကျောင်းလခ၊ နေ့စဉ်အလုပ်သွားဖို့ ခရီးစရိပ်၊ တလစာမိသားစုဝင်များရဲ့စားစရိပ်၊နဲ့ကုန်ကျစားရိပ် စတာတွေကို တွက်ချက်ပြီးမှ အ၀င်အထွက်မျှအောင်သုံးရတာပါ။ နိုင်ငံတနိုင်ငံရဲ့အတိုင်းအတာနဲ့ပြောရရင်တော့ဒီထက်တွက်ချက်ရတာတွေများမှာသေချာပါ
တယ်။ တိုင်းတပါးကိုရောင်းချနေတဲ့ သဘာဝဓါတ်ငွေ့က ရတဲ့ဝင်ငွေ၊ သဘာဝ သယံဇာတ အရင်းအမြစ် များဖြစ်တဲ့ကျွန်းသစ်၊သစ်မာစတဲ့သစ်တောထွက်ပစ္စည်းများရောင်းရငွေ၊ နိုင်ငံခြားရင်းနှီးမြှုပ်နှံ မှုကရတဲ့ဝင်ငွေ၊ အကြိမ်ပေါင်းများစွာရောင်းချနေတဲ့ ကျောက်မျက်ရတနာ ပြပွဲများက ရတဲ့ ၀င်ငွေ၊ မြန်မာ့ပင်လယ်ပြင်ငါးဖမ်းလုပ်ငန်းကိုလုပ်ကိုင်ခွင့်ပျြုထားလို့ရတဲ့ ၀င်ငွေတွေ၊ နှစ်နိုင်ငံ အကျိုးတူ ဖက်စပ်လုပ်ငန်းတွေကရတဲ့ ၀င်ငွေတွေ၊ ပြည်တွင်းအခွန်ထမ်း ၀န်ထမ်းတွေဆီက ကောက်ခံရရှိတဲ့ ၀င်ငွေခွန်တွေ၊ အမြတ်ခွန်တွေ၊ အိမ်ယာမြေ ရောင်းဝယ် မှုတွေကရတဲ့ အခွန်ငွေတွေ၊ နယ်စပ်ကုန်သွယ်ရေးကရတဲ့အခွန်ငွေတွေ၊တရုပ်နိုင်ငံနဲ့ ဖက်စပ်လုပ်ငန်းတွေလုပ်ကိုင်ထားတဲ့ ရေနံနဲ့သဘာဝဓါတ်ငွေ့ ရောင်းချလို့ရတဲ့ ငွေတွေ၊ စသဖြင့်ရရှိတဲ့အခွန်ငွေအပါအ၀င်ဝင်ငွေများကို ပွင့်ပွင့်လင်းလင်း ဖေါ်ပြပြီးမှဝန်ကြီးဌာနများရဲ့ ၀န်ဆောင်မှုလုပ်ငန်းများ၊ လမ်းပန်းဆက်သွယ်ရေးနဲ့ ပညာရေး၊ကျန်းမာရေး၊ ကာကွယ်ရေး၊ စတာတွေမှာဘယ်လိုခွဲဝေအသုံးပြုမယ်ဆို တာကို ရှင်းရှင်းလင်းလင်းပြည်သူတွေ သိအောင် တင်ပြပြောဆိုပြီးမှ လုပ်ဆောင်ရမှာဖြစ်တယ်။ ဒါက အကြမ်းဖျင်းတင်ပြပြောဆိုတာပဲဖြစ်တယ်။ ဒီလိုမှမဟုတ်ရင် ပြည်သူတွေအနေနဲ့မိမိတို့ထမ်း ဆောင်ထားတဲ့အခွန်ငွေတွေကို ဘယ်လို အသုံးချမယ်မှန်းမသိဖြစ်မယ်။ ဒီမိုကရေစီစံနစ်ကို လက်ခံကျင့်သုံးကျတဲ့နိုင်ငံတိုင်းမှာ နှစ်စဉ် ဘဏ္ဍာငွေရသုံးခန့်မှန်းခြေကို တွက်ချက်ပြီး ပြည်သူတွေသိရအောင် အခမဲ့ဖြန့်ဖြူး အသိပေး နေရတာပါ။ဒါမှလဲပွင်းလင်းမြင်သာတဲ့ အစိုးရ ရဲ့လုပ်ဆောင်မှုလို့ပြောနိုင်မှာဖြစ်တယ်။
အစိုးရသစ်လက်ထက် မြန်မာနိုင်ငံရဲ့ဒုတိယအကြိမ်ပြည်သူ့လွှတ်တော်အစည်းအဝေးမှာ
အထက်လွှတ်တော် ပြည်သူ့ ငွေစာရင်း ကော်မတီက ၂ဝ၁၁- ၂ဝ၁၂ ဘဏ္ဍာရေးနှစ်အတွက် ကျပ်ငွေ ဘီလီယံပေါင်း ၂,၃ဝဝ ကျော်လိုနေတဲ့ ရသုံးမှန်းခြေ ငွေစာရင်း အစီရင်ခံစာတင်သွင်း တာနဲ့ပတ်သက်ပြီးဆွေးနွေးမဲ့သူ မရှိဘဲဖြစ်နေတယ်လို့ကြားသိရပါတယ်။
အသေးစိပ်ထုတ်ပြန်ချက်တွေမထုတ်ပြန်ပဲနဲ့ လိုငွေကိုပဲတွက်ချက်တင်ပြထားတယ်လို့လဲ လွှတ်တော်ကိုတက်ရောက်နေတဲ့ကိုယ်စားလှယ်ကြီးများရဲ့ပြောကြားချက်တွေအရသိရပါ တယ်။
ပြောရရင်တော့ လိုအပ်တဲ့ဘဏ္ဍာငွေတွေကို ဖြည့်ဆည်းနိုင်ဖို့ နိုင်ငံတော်ရဲ့စီးပွားရေးလုပ်ငန်း များကရတဲ့ဝင်ငွေ၊ သွင်းကုန်ထုတ်ကုန်လုပ်ငန်းနဲ့ ကုန်သွယ်ခွန်များကရတဲ့အခွန်ငွေ၊ ပြည်သူ့ ၀န်ထမ်းတွေထမ်းဆောင်ကြရတဲ့ဝင်ငွေခွန်၊ အမြတ်ခွန်စတာတွေအပြင်၊ နိုင်ငံတော်နဲ့ အကျိုး တူ လုပ်ဆောင်နေတဲ့ ဖက်စပ်လုပ်ငန်းတွေကရတဲ့ဝင်ငွေ၊ အထူးစီးပွားရေးဇုံ၊ စက်မှုဇုံစတာ တွေကကောက်ခံရရှိတဲ့အခွန်ငွေတွေနဲ့ ဖြည့်ဆည်းလည်ပတ်ရမှာဖြစ်တယ်။
ဒီတော့ကာနိုင်ငံတော်ကဦးစီးလုပ်ဆောင်နေတဲ့ဝန်ကြီးဌာနများရဲ့ဝင်ငွေကို အစိုးရကိုယ်တိုင်က ထုတ်ပြန်ပေးဖို့လိုတာကပြောစရာတောင်မလိုပါဘူး၊ ဘာလို့မထုတ်ပြန်ပေးတာလဲ ဆိုတာက လဲ စဉ်းစားစရာပါ၊ ယခင်စစ်အစိုးရလက်ထက်က သက်ဆိုင်ရာဝန်ကြီးဌာနများက ရရှိတဲ့ ၀င်ငွေရ လမ်းတွေကို နှစ် ၂၀ အတွင်းပြည်သူတွေကို ထုတ်ပြန်အသိပေးခဲ့ခြင်းမရှိလို့ ပြည်သူ တွေမသိကြပါဘူး၊ စစ်အစိုးရလက်ထက်မှာ သက်ဆိုင် ရာဝန်ကြီးဌာနတွေကို တရားစီရင်ရေး ဆိုင်ရာသဘောဆန်တဲ့ စီမံခန့်ခွဲရေးဆိုင်ရာဆုံးဖြတ်ခွင့်အခွင့်အာဏာတွေ အလွန်အကျွံ ပေးထားခဲ့တာပါ။
ဥပမာ မြန်မာ့ပင်လယ်ပြင်ငါးဖမ်းလုပ်ငန်းဥပဒေ၊သတ္တုတွင်း လုပ်ငန်းဥပဒေ၊ သစ်တောဥပဒေ တွေ မှာ သက်ဆိုင်ရာ တရားရုံးတွေကပြစ်မှုထင်ရှားလို့ ပြစ်ဒဏ်တွေပေးခဲ့ပါစေ၊ အယူခံ ပိုင်ခွင့်၊ မူလ တရားရုံးရဲ့ အမိန့်ကို ပြင်ဆင်ပြီး အမှုမှ ကင်းလွတ်ခွင့်စတာတွေကို သက်ဆိုင်ရာ ၀န်ကြီး ရဲ့ အဆုံး အဖြတ် ကသာနောက်ဆုံး အတည်ဖြစ်တယ်လို့ဆိုထားတဲ့အတွက် အစိုးရ ၀န်ကြီးဌာနများက ကြီးမှူးလုပ်ဆောင်တဲ့စီးပွား ရေးလုပ်ငန်းများရဲ့ ဘဏ္ဍာရေး အခြေအနေ နဲ့ပတ်သက်လို့ရှိရင် သက်ဆိုင်ရာဝန်ကြီးကလွဲလို့ဘယ်သူမှ မသိနိုင်ပါဘူး၊ မဆလအစိုးရလက်ထက်ကလိုစာရင်းစစ်ခွင့်လဲမရှိပါဘူး၊ ယခင်စစ်အစိုးရ လက်ထက်က ဥပဒေတွေ ပြဌာန်း ပြီးဝန်ကြီးတွေကိုလုပ်ပိုင်ခွင့်ပေးထားတာနဲ့ ပတ်သက်ပြီး ယခုအစိုးရ လက်ထက်မှာလဲ ဥပဒေ တွေပြင်ဆင်တဲ့ အခါမှာ အရေးပါတဲ့ ဥပဒေတွေ ပြင်ဆင်ခြင်းမရှိ သေးတာကိုတွေ့နေရပါတယ်။ ယခုပြင်ဆင်ပြဌာန်းနေတဲ့ အခွန်ဥပဒေများ၊ လယ်ယာမြေ ဥပဒေများ၊ အလုပ်သမားဥပဒေများ ဟာ ဒီမိုကရေစီအစိုးရစံနစ်ကို လက်ခံကျင့် သုံးမယ် လို့ပြောနေတဲ့အစိုးရသစ်အနေနဲ့ ဟန်ပြ နိုင်ငံတကာအမြင်ကောင်းအောင် လုပ်ဆောင်ပြ နေတာပဲဖြစ်တယ်ဆိုတာတင်ပြလိုက်ရပါတယ်ခင်ဗျား။
0 comments:
Post a Comment