ပြည်သူတွေသတိပြုရမဲ့ ဥပဒေကြမ်းများဆွေးနွေးခြင်းကဏ္ဍ
ရှေ့နေဦးမင်းလွင်ဦး
ပြည်သူ့လွှတ်တော်ကိုယ်စားလှယ်များဟာပြည်သူများရဲ့အကျိုးကိုဦးတည်ဆောင်ရွက်ပေး ဖို့ပြည်သူလူထုက ရွေးချယ်တင်မြှောက်လိုက်တဲ့ကိုယ်စားလှယ်များ ဖြစ်ဖို့ လိုတယ် ဒါမှလဲ ပြည်သူတွေကရွေးချယ်တင်မြှောက်တဲ့ ဒီမိုကရေစီအစိုးရတရပ်ပေါ်ပေါက်ဖြစ် ထွန်းလာမယ် စတာတွေဟာ ဒီမိုကရေစီရဲ့အခြေခံ အုတ်မြစ်တွေဖြစ်ပါတယ်။
အမျိုးသားလွှတ်တော် ဥက္ကဌဖြစ်သူဦးခင်အောင်မြင့်က နိုင်ငံတကာခေါင်းဆောင်များ၊ သံတမန်များ၊ ကုလသမဂ္ဂဆိုင်ရာ အထူးကိုယ်စားလှယ်များ ပြည်တွင်းပြည်ပသတင်းဌာနများ နဲ့တွေ့ဆုံမေးမြန်းပြောဆိုရာမှာပြည်သူတွေကရွေးချယ်တင်မြှောက်တဲ့ပြည်သူ့ကိုယ်စားလှယ်များနဲ့ အစိုးရသစ်ကစီမံအုပ်ချုပ်နေပါတယ်လို့ဆိုပါတယ်။ ကြံ့ဖွံ့နဲ့ စစ်တပ်ကိုယ်စားလှယ် တွေအများစုပါဝင်ပြီးပြည်သူတွေကရွေးချယ်တင်မြှောက်လိုက် တဲ့ပြည်သူ့လွှတ်တော် ကိုယ်စားလှယ်က ၂၀ ရာခိုင်နှုန်းထက်မပိုဘူးဆိုတာကိုမြန်မာပြည်သူများ အားလုံးသိကြပြီး သားဖြစ်ပါတယ်။
ပြည်သူတွေကိုကိုယ်စားပြုပါတယ်ဆိုတဲ့ပြည်သူ့လွှတ်တော်ကိုယ်စားလှယ်ကြီးများနဲ့ အမျိုးသားလွှတ်တော်ကိုယ်စားလှယ်ကြီးများရဲ့တင်ပြဆွေးနွေးမှုဟာ ပြည်သူတွေကိုကိုယ်စား ပြုပြီးပြည်သူ့အကျိုးအတွက်အမှန်တကယ်ဆောင်ရွက်နေပြီလား ဒါမှမဟုတ် ယခင်စစ်အစိုးရ ရဲ့ပြည်သူ့ဆန္ဒနဲ့မညီပဲ လုပ်ကိုင်ဆောင်ရွက်ထားတာတွေကို ဥပဒေအရ တရားဝင်အောင် လုပ်ပေးနေတာလားဆိုတာကို သတိထားဖို့လိုပါတယ်။
နိုဝင်ဘာ ၁၄ ရက်နေ့ အမျိုးသားလွှတ်တော်ရဲ့၄၆ ရက်မြောက်အစည်းအဝေးကျင်းပရာမှာ ပြည်သူ့လွှတ်တော်ကအတည်ပြုပြီးပေးပို့လာတဲ့ ၂၀၁၁ ခုနှစ်လယ်ယာမြေဥပဒေမူကြမ်းနဲ့ ပတ်သက်လို့အမျိုးသားလွှတ်တော်ကိုယ်စားလှယ် ၈ ဦးရဲ့ဆွေးနွေးချက်နဲ့ပတ်သက်ပြီး အမျိုးသားလွှတ် တော်ဥပဒေကြမ်းကော်မတီကပြန်လည်ကြားနာဆောင်ရွက်ဖို့ ဆုံးဖြတ် တာကိုဖတ်ရတဲ့အခါ ပြည်သူတွေကိုကိုယ်စားပြုပြီးပြည်သူ့အကျိုးအတွက်ဆောင်ရွက်တာမှ ဟုတ်ရဲ့လားဆိုတာကိုပိုလို့သံသယဖြစ်မိပါတယ်။
ပထမဦးစွာလယ်ယာမြေဥပဒေကြမ်းနဲ့ပတ်သက်လို့ဆွေးနွေးတာတွေကိုဖတ်ရှုကြည့်တဲ့အခါ မှာ အချို့သော လွှတ်တော်ကိုယ်စားလှယ်များက ဆီဆမ်းနှမ်းဖြူးဆိုသလို အသုံးအနှုန်း အခေါ် အဝေါ်တွေပြောင်းတာ၊ မျဉ်းစောင်းဖြတ်ထားတဲ့နေရာမှာ သို့မဟုတ်ဆိုတဲ့စကားလုံး ထည့်သွင်းဖို့လိုတယ်စသဖြင့် တင်ပြကြတာကိုတွေ့ရပါတယ်။ထူးထူးခြားခြားထပ်မံဖြည့်စွက် ဖို့တင်ပြလာတဲ့ကိုယ်စားလှယ်အချို့ကိုလဲတွေ့ရပါတယ်။ ဥပမာအားဖြင့် ပဲခူးတိုင်းဒေသကြီး မဲဆန္ဒနယ်အမှတ် ၄ မှ ဦးရဲမြင့်က ဥပဒေမူကြမ်းမှာ ပါရှိခြင်းမရှိပေမဲ့ မူလ ၁၉၅၃ ခုနှစ် လယ်ယာမြေနိုင်ငံပိုင်ပြုလုပ်ရေးဥပဒေမှာပါရှိတဲ့အချက်တွေဖြစ်တဲ့ သီးစား၊ အဆောက်အအုံ ဖြင့်တိုးတက်ကောင်းမွန်အောင်ပြုပြင်ခြင်း၊ အုပ်ထိန်းသူ၊ တတုံးထွန်၊မြေခွန်စတဲ့စကားရပ်များ ရဲ့အဓိပ္ပါယ်တွေကိုဖေါ်ပြပြီးဖြည့်စွက်ပေးဖို့တင်ပြတာကိုတွေ့ရပါတယ်။ တောင်သူလယ်သမားများရဲ့လုပ်ပိုင်ခွင့်တွေကိုပိုတောင်းပေးတာဖြစ်လို့ ကောင်းတဲ့အချက် တွေလို့သာမန်အားဖြင့်ပြောရင်ရပေမဲ့ လယ်ယာမြေတွေကို နိုင်ငံတော်ကလိုအပ်လျင်လိုအပ် သလို သိမ်းယူနိုင်တယ်ဆိုတဲ့ပြဌာန်းချက်ကြောင့် လယ်ယာမြေတွေအဓမ္မသိမ်းယူပြီးသားလက် ရှိပိုင်ရှင်များဖြစ်တဲ့ စီးပွားရေးလုပ်ငန်းရှင်ကြီးများရဲ့လုပ်ပိုင်ခွင့်တွေပိုမိုရရှိဖို့တောင်းဆိုတာဖြစ် တယ်ဆိုတာကိုတွေ့ရပါတယ်။ ဥပမာအားဖြင့် လက်ရှိအခြေအနေနှင့်ကိုက်ညီမှုရှိစေဖို့ရေခွန် နဲ့ တာတမံခွန်ဆိုတာဟာ တည်ဆဲဖြစ်တဲ့ ဥပဒေအမိန့်နဲ့ညွှန်ကြားချက်များအရ သီးနှံစိုက်ပျိုး မြေများအတွက် စိုက်ပျိုးရေရရှိရေးကိုနိုင်ငံတော်မှ ဆည်မြောင်းများ တည်ဆောက်၍၎င်း မြစ် ရေတင်စီမံကိန်းများဖြင့်၎င်းဆောင်ရွက်၍ရေပေးဝေခြင်းအတွက်ထမ်းဆောင်ရတဲ့ အခွန်နဲ့ စိုက်ပျိုးမြေကိုရေနစ်မြှုပ်ခြင်းမှကာကွယ်ပေးရန်တာတမံများတည်ဆောက်ကာကွယ်ပေးခြင်း အတွက်ပေးဆောင်ရတဲ့အခွန်တို့ကိုဆိုလိုသည်ဆိုတဲ့စာပိုဒ်ကိုထပ်မံထည့်သွင်းပေးဖို့ အကြံ့ပု ဆွေးနွေးတာကိုတွေ့ရပါတယ်။အမှန်တကယ်အစိုးရကအကောင်အထည်ဖေါ်ဆောင်ရွက်ပေး နေလို့ထည့်သွင်းတယ်ဆိုရင်ပြောစရာမရှိပါ။ ဒါပေမဲ့ယခုနှစ်အတွင်းပဲခူးတိုင်းနဲ့ မကွေးတိုင်း တွေမှာဖြစ်ပွားခဲ့တဲ့ ရေကြီးလို့စိုက်ပျိုးသီးနှံနဲ့ စပါးစိုက်ခင်းတွေပျက်စီးခဲ့ရတာတွေကိုကြည့်ရင် စဉ်းစားစရာ ဖြစ်လာပါတယ် မြေခွန်တင်မကပဲ ရေခွန်နဲ့တာတမံခွန်ကိုပါတောင်သူလယ်သမား တွေက ထပ်မံပေးဆောင်ရအုံးမှာဖြစ်တယ်။ တောင်သူလယ်သမားတွေကို ဒုက္ခအများဆုံး ပေးမဲ့ ဥပဒေပြဌာန်းချက်ထည့်သွင်းဖို့အကြံပြုတဲ့ သူတဦးက မွန်ပြည်နယ် မဲဆန္ဒနယ်အမှတ် ၁၁ က ဦးညီညီထွန်းဖြစ်ပြီး သူ့ရဲ့တင်ပြချက်မှာ စည်းကမ်းချက်အားလုံး ကိုဖြစ်စေ၊ စည်းကမ်း တခုခုကိုဖြစ်စေလိုက်နာရန်ပျက်ကွက်လျှင် ၀န်ကြီးဌာနက ဤကိစ္စအလို့ငှာ ခန့်အပ်တဲ့ လယ်ယာမြေစီမံခန့်ခွဲမှုအဖွဲ့အဆင့်ဆင့်ဟာ ပြဌာန်းထားတဲ့ဥပဒေနဲ့အညီ စုံစမ်း စစ်ဆေးပြီး တဲ့နောက်ထိုလယ်ယာမြေလုပ်ပိုင်ခွင့်ကို ပြန်လည် ရုပ်သိမ်းနိုင်တယ်ဆိုတဲ့နေရာမှာလျော်ကြေး မပေးပဲပြန်လည်ရုပ်သိမ်းနိုင်တယ် ဆိုတဲ့စာသားထပ်မံဖြည့်စွက်ဖို့ အကြံပြုတင်ပြတာလို့ဆို ပါတယ်။မူလ ၂၀၁၁ လယ်ယာမြေဥပဒေမူကြမ်းမှာ လယ်ယာမြေလုပ်ပိုင်ခွင့်အားပြန် လည်ရုပ် သိမ်းရာမှာ လျော်ကြေးပေးဖို့ဥပဒေမှာပြဌာန်းထားပေမဲ့ စည်းကမ်းပျက်လယ်များနဲ့ ပတ်သက် လို့ လျော်ကြေး ပေးရန်မလိုတဲ့အတွက် ထပ်မံဖြည့်စွက်တင်ပြရတာဖြစ်ကြောင်း ရှင်းလင်း ဆွေးနွေးတာကိုတွေ့ရပါတယ်။ စည်းကမ်းပျက်လယ်ယာမြေဖြစ်တယ်ဆိုတာကို သတ်မှတ် ယုံနဲ့ လျော်ကြေးမပေးပဲ သိမ်းနိုင်တဲ့သဘောသက်ရောက်တဲ့ ဥပဒေပြုပေးဖို့ ပြောတာ ဖြစ်တယ်။ သမတ ဒါမှမဟုတ် အာဏာလွှဲအပ်ထားတဲ့ အဖွဲ့က စီမံကိန်းသီးနှံ အဖြစ်သတ်မှတ် တာကို မလိုက်နာ ပဲမိမိစိုက်ပျိုးလိုတာကိုစိုက်ပျိုး ရင် စည်းကမ်းဖေါက်ဖျက်တယ်ဆိုပြီး အရေးယူ နောက် လျော်ကြေးမပေး ပဲ လယ်သိမ်းနိုင်ဖို့ ဆောင်ရွက်တာ ကိုတွေ့ရမှာ ဖြစ်တယ်။၂၀၁၁ လယ်ယာမြေဥပဒေကြမ်း အရအငြင်းပွားမှုတွေကို တရားရုံးတွေက ၀င်ရောက်စွက်ဖက် စစ်ဆေးပိုင်ခွင့်မရှိတဲ့အတွက် လယ်ယာမြေစီမံခန့် ခွဲမှုအဖွဲ့အဆင့် ဆင့်ရဲ့ဆုံးဖြတ်ချက်တွေဟာ တရားမျှတမှန်ကန်မှုရှိမယ် မရှိဘူးဆိုတာ ဘယ်သူမှ မပြောနိုင်ပါဘူး။
ဒုတိယအဆိုးဝါးဆုံးအကြံပြုတင်ပြချက်တခုကိုလဲဆက်လက်တင်ပြလိုပါတယ် မကွေးတိုင်းဒေသ ကြီးမဲဆန္ဒနယ်အမှတ် ၆ က ဦးစိုးမြင့်က အမျိုးသားလွှတ်တော်မှ တဆင့် ပြည်ထောင်စုအစိုးရ အဖွဲ့ကို ဧရာဝတီမြစ်အထက်ပိုင်းတွင်တမံကြီးများတည်ဆောက်ဖို့နဲ့ လိုအပ်တဲ့နေရာများမှာ ရေထိန်းတမံကြီးများ တည်ဆောက်မဲ့ စီမံကိန်းများစီမံဆောင် ရွက်ချက်နဲ့အတူတိုက်တွန်း အဆိုပြုတာကို အမျိုးသားလွှတ်တော်က ဧရာဝတီမြစ်ကြီး ရှင်သန်စေရေးအတွက် လိုအပ်တဲ့ နေရာများမှာ ရေထိန်းတမံကြီးများတည်ဆောက်ရန် နဲ့မြစ်အောက်ပိုင်းမှာ ရေလမ်းကြောင်း ထိန်းသိမ်းရေးစီမံကိန်းများဆောင်ရွက်ပေးရန် လို့ပြင်ဆင်ပြီးလွှတ်တော်က လက်ခံဆွေးနွေးဖို့ သဘောတူကြောင်းဆုံးဖြတ်ထားတာ ကိုတွေ့ရပါတယ်။
အထက်ပါအဆိုပြုချက်တွေကို ၁၄ ရက်နေ့ကျင်းပတဲ့ ၄၆ ရက်နေ့အစည်းအဝေးမှာ တင်ပြ ခဲ့တာ ဖြစ်ပြီး ၁၆ ရက်နေ့မှာ ကျင်းပတဲ့ ၄၇ ရက်နေ့မြောက်အစည်းအဝေးမှာ ဥပဒေကြမ်း အစိပ် အပိုင်းများအဖြစ်လက်ခံအတည်ပြုခဲ့တာကိုတွေ့ရပါတယ်။
ဒါတွေကိုကြည့်ခြင်းအားဖြင့် ယခင်စစ်အစိုးရလက်ထက်က ပြည်သူတွေရဲ့ဆန္ဒနဲ့ဆန့်ကျင်ပြီး စစ်အစိုးရသဘောအတိုင်းလုပ်ဆောင်ခဲ့တဲ့ ကိစ္စရပ်တွေကို ဥပဒေနဲ့အညီတရားဝင်ဖြစ်အောင်
ပြည်သူ့လွှတ်တော်၊ အမျိုးသားလွှတ်တော်နဲ့ပြည်ထောင်စုလွှတ်တော်တို့က ဥပဒေများ ပြဌာန်းပေးပြီးတရားဝင်လုပ်ဆောင်မှုများဖြစ်အောင်လုပ်ဆောင်ပေးနေတာ ကိုပြည်သူတွေ သတိပြုဖို့လိုအပ်နေပြီဖြစ်ကြောင်းတင်ပြလိုက်ရပါတယ်ခင်ဗျား။
0 comments:
Post a Comment