Thursday, January 05, 2012
Filled Under: သတင်း
နိုင်ငံရေးအကျဉ်းသား မိသားစုများ ကွန်ရက်ကတော့ သူတို့ရတဲ့စာရင်းအရ အကျဉ်းထောင် ၁၂ ခုက ဒီကနေ့ လွတ်မြောက်လာသူ နိုင်ငံရေးအကျဉ်းသား ၂၃ ဦး ရှိတယ်လို့ ကွန်ရက်ရဲ့ ပြောရေးဆိုခွင့်ရှိသူ ကိုအောင်ဇော်ထွန်းက ပြောပါတယ်။ “ကသာမှာက ကိုဇော်မင်းဦး (ခ) ကျော်ညွန့်၊ ပဲခူးမှာက ဆရာရဲ၊ ပြည်က ဦးအောင်ကျော်၊ ပူတာအိုထောင်က ဦးရဲမြင့်၊ ပုသိမ်ထောင်က ကိုအောင်ထွန်း၊ စစ်တွေထောင်က ကိုနေမျိုးနိုင်၊ ပြည်ထောင်က ဦးအောင်ကျော်၊ မြိတ်ထောင်က ကိုရဲညွန့်၊ တောင်ကြီးထောင်က မောင်ဘိ၊ ပုသိမ်ထောင်က ဇော်မျိုးထိုက်၊ မန္တလေးထောင်က ၁၁ ယောက်က စာရင်း မရသေးဘူး။ အားလုံးပေါင်း ၂၃ ယောက်” မန္တလေးထောင်က လွတ်မြောက်သူတွေအနက် ကယန်းပြည်သစ်ပါတီက တွဲဘက်အတွင်းရေးမှူး ဦးစောလွင် (ခ) ဦးဌေးအောင်နဲ့ ၁၀ ဦးဟာ စီးပွားရေးနဲ့ပတ်သက်တဲ့ အမှုတွေအပြင် တရားမ၀င် လက်နက်ကိုင်ဆောင်မှုနဲ့ အပြစ်ပေးခံခဲ့ရတာပါ။ နိုင်ငံရေးအကျဉ်းသားမိသားစုများ ကွန်ရက်စာရင်းအရ ကသာ၊ ပဲခူး၊ စစ်တွေ၊ မြိတ်နဲ့ ပူတာအိုထောင်တွေက နိုင်ငံရေးအကျဉ်းသား တစ်ဦးစီ အသီးသီး လွတ်မြောက်ပြီး ပုသိမ်နဲ့ ပြည်ထောင်တွေက နှစ်ဦးစီ၊ အင်းစိန်က ၃ ဦး၊ တောင်ကြီးထောင်က ၄ ဦးနဲ့ တောင်ငူထောင်က ၈ ဦး အသီးသီး လွတ်မြောက်ခဲ့ပါတယ်။ ဒီကနေ့ ထောင်အသီးသီးကလွတ်မြောက်သူ အကျဉ်းသားတွေထဲမှာ နိုင်ငံရေးအကျဉ်းသား တစ်ဦးမှ မပါတဲ့ ထောင်တွေ အများအပြားရှိတယ်လို့လည်း ကိုအောင်ဇော်ထွန်းက ပြောပါတယ်။
လွတ်မြောက်လာသူ နိုင်ငံရေးအကျဉ်းသား ၃၀ ကျော်ရှိဟု ဆို...3 January 2012 RFA
Subscribe to:
Post Comments (Atom)
0 comments:
Post a Comment