Monday, February 22, 2010

Filled Under:

AHRC မှတ် ထုတ်ပြန်သည့် ညှဉ်းပန်းနှိပ်စက်မှုနဲ့ ပတ်သက်ပြီး ဦးမင်းလွင်ဦးနဲ့ မေးမြန်းခြင်း

BBC ----- 22 February 2010

ALRC ခေါ် အာရှ ဥပဒေ အရင်းအမြစ် ပင်မဌာနနဲ့ AHRC အာရှလူ့အခွင့်အရေး ကော်မရှင်တို့ ပူးပေါင်းပြီး ဒီရက်ပိုင်းအတွင်း ထုတ်ပြန်တဲ့ ကြေငြာချက်မှာ ကမ္ဘာ့လူသားတွေ အပေါ်မှာ နှိပ်စက်ညှဉ်းပန်းခြင်း ဆိုင်ရာ လေ့လာပြုစုတဲ့ အထူးကိုယ်စားလှယ် မင်တက်နိုးဝဒ်က အာရှနိုင်ငံ အချို့မှာ နိုင်ငံသားတွေ အပေါ် နှိပ်စက်ညှဉ်းပန်းမှု များပြားလာတာကို ကုလသမဂ္ဂ လူ့အခွင့်အရေး ကောင်စီက အရေးယူဆောင်ရွက်ဖို့ ပျက်ကွက်နေတယ်လို့ ထောက်ပြပြီး အခုလာမဲ့ မတ်လ ၂၀ ရက်နေ့ ၁၃ ကြိမ်မြောက် လူ့အခွင့်အရေး ကောင်စီ အစည်းအဝေးမှာ တင်သွားမှာပါ။

သူပြောတဲ့ အာရှနိုင်ငံထဲမှာ မြန်မာနိုင်ငံလည်း ပါဝင်လို့ မြန်မာနိုင်ငံနဲ့ ပတ်သက်လို့ ဘယ်အချက်တွေကို တိတိကျကျ ဖေါ်ပြထားသလဲလို့ အာရှ လူ့အခွင့်အရေး ကော်မရှင်မှ ဦးမင်းလွင်ဦးကို မေးကြည့်ပါတယ်။

ဦးမင်းလွင်ဦး ------ ကျနော်တို့
မြန်မာနိုင်ငံနဲ့ ပတ်သက်လို့ အကျဉ်းထောင်တွေ အတွင်းမှာ နှိပ်စက်ညှဉ်းပန်းခြင်း ခံရတဲ့ ကိစ္စရပ်နဲ့ ပတ်သက်ပြီးတော့ ကျနော်တို့ ရရှိတဲ့ အသေးစိတ် အချက်အလက်တွေကို သူ့ဆီ ပုိ့ထားပြီးသား ဖြစ်တယ်။ ပြီးခဲ့တဲ့ တပါတ် နှစ်ပါတ်လောက်တုန်းက ကျနော်တို့ ပို့ထားတဲ့ဟာတွေ ဆိုလို့ရှိရင် ဒေါက်တာဝင့်ကူတို့ရဲ့ ကိစ္စမှာ တရားစွဲ အဖွဲ့အစည်း ဖြစ်တဲ့ ရဲအရာရှိတွေ ကိုယ်တိုင်က ပါဝင်ပြီးတော့ နှိပ်စက်ညှဉ်းပန်းတဲ့ ကိစ္စကို ကျနော်တို့ အသေးစိတ် ဖေါ်ပြထားတာ ရှိတယ်။ ဒါအပြင် ကျနော်တို့ မြန်မာနိုင်ငံ အတွင်းမှာ အကျဉ်းသားတွေကို နှိပ်စက်ညှဉ်းပန်းတယ် ဆိုရင် နှိပ်စက်ညှဉ်းပန်းတဲ့ သူတွေ၊ တရားစွဲ အဖွဲ့အစည်းမှာ တာဝန်ရှိတဲ့သူတွေကို အရေးယူရမယ်ဆိုတော့ ဥပဒေ ပြဌာန်းထားတာ ရှိပါတယ်။ ရဲစည်းမျဉ်း ထိန်းသိမ်းရေး အက်ဥပဒေအရ အရေးယူနိုင်တယ်။ ထောင်ဒဏ် ၃ နှစ် အထိ အပြစ်ပေးနိုင်တယ်လို့ ဆိုသော်ငြားလည်း အဲဒီလို အရေးယူခဲ့တဲ့ ကိစ္စရပ်တွေ မရှိဘူးလို့ ကျနော်တို့ တင်ပြထားပါတယ်။

မေး ----- အနှိပ်စက် အညှဉ်းပန်း ခံရသူတွေဟာ ဘယ်နိုင်ငံသားဘဲ ဖြစ်ဖြစ် ကုလသမဂ္ဂလို နိုင်ငံတကာ ဥပဒေတွေရဲ့ တရားဥပဒေ စနစ်အရ စောင့်ရှောက် ကာကွယ်မှု ပေးနိုင်ရမယ်လို့ မစ္စတာ နိုဝဒ်က ထောက်ပြထားသေးတယ်။ ဒါဟာ လက်တွေ့မှာ ဖြစ်နိုင်ပါ့မှာလား။

ဦးမင်းလွင်ဦး ------ အင်အားကြီး နိုင်ငံတွေဖြစ်တဲ့ အမေရိကန်၊ တရုတ်၊ အိန္ဒိယ စတဲ့နိုင်ငံတွေမှာ အကျဉ်းသားတွေအပေါ် နှိပ်စက်ညှဉ်းပန်းတဲ့ ကိစ္စရပ်တွေမှာ တခါတလေ သူတို့အနေနဲ့ ပြောတဲ့ဟာတွေ ရှိပါတယ်။ အဲဒါက ဘာလဲဆိုတော့ အကြမ်းဖက်သမားတွေ၊ နိုင်ငံရဲ့ လုံခြုံရေးကို ထိပါးနှောင့်ယှက်မှုတွေ၊ ဒါကြောင့် သူတို့အနေနဲ့ နှိပ်စက်ညှဉ်းပန်းခြင်းဆိုင်ရာ ကိစ္စရပ်တွေ ဆိုလို့ရှိရင် အကျယ်တ၀င့် ပြောဆိုတာ မရှိဘူး။ နောက်ပြီးတော့ နှိပ်စက်ညှဉ်းပန်းခြင်း ဆိုင်ရာ ကိစ္စရပ်တွေမှာ အရေးယူ ဆောင်ရွက်ဖို့မှာလည်း ကုလသမဂ္ဂမှာ သော်လည်းကောင်း၊ လူ့အခွင့်အရေး ကောင်စီမှာ သော်လည်းကောင်း အင်အားကြီး နိုင်ငံတွေက အမြဲတမ်း နှုတ်ဆိတ်နေခဲ့တယ်။ ဒါကြောင့်လည်း NGOs တွေ၊ လူ့အခွင့်အရေး အတွက် လှုပ်ရှားနေတဲ့ သူတွေက ဒီကိစ္စကို အရေးယူ ဆောင်ရွက်ပေးဖို့ လိုအပ်လာပြီလို့ ကျနော်တို့ အနေနဲ့ တင်ပြရခြင်း ဖြစ်တယ်။

မေး ------- နောက်ပြီး လူ့အခွင့်အရေး ကောင်စီရဲ့ အရေးယူ ဆောင်ရွက်မှုတွေဟာ ထိရောက်မှု မရှိဘူးလို့ ဝေဖန်သံတွေဟာ နှစ်စဉ်လိုလို ကြားနေရတယ်၊ အခုဆိုလည်း Global Fun for National Human Rights Protection System က ကမ္ဘာလုံးဆိုင်ရာ လူ့အခွင့်အရေး ကာကွယ်ရေးဆိုင်ရာ စနစ်တရပ် ချမှတ်ဖို့လည်း အကြံပြုထားကြတယ် ဆိုတော့ ဒီအကြံပြုချက်ကိုရော လူ့အခွင့်အရေး ကောင်စီက လက်ခံကျင့်သုံး ပါ့မှာလား။

ဦးမင်းလွင်ဦး ------ ဒီကိစ္စကို ပြောရတာက ချက်ချင်း၊ လက်ငင်းတော့ ကျနော်တို့အနေနဲ့ ဖြစ်လာမယ်လို့ မျှော်လင့်မထားပါဘူး။ သို့သော်လည်း ဒီလိုမှ မလုပ်ရင် ဒီကိစ္စတွေက အစိုးရကိုယ်တိုင်က ကျူးလွန်ဖေါက်ဖျက်တဲ့ ကိစ္စတွေ များတဲ့နေတဲ့အတွက် အပြောဘဲထားရင် ပိုပြီးများလိမ့်မယ်၊ ပြောတဲ့အတွက် အနည်းငယ် ကိုယ်ရှိန် သတ်သွားလိမ့်မယ်။ စောင့်ရှောက် ထိန်းသိမ်းလာ လိမ့်မယ်လို့လည်း ကျနော်တို့က ယူဆတယ်။ ဒါကြောင့်လည်း ပြောရတာ ဖြစ်တယ်။ အဲတော့ တကမ္ဘာလုံးဆိုင်ရာ အနေနဲ့ ပြောရမယ်ဆိုရင် ဒီကိစ္စက အလွယ်တကူ ဖြစ်လာမဲ့လမ်းတော့ သိပ်မမြင်ပါဘူး။ သို့သော်လည်း သက်ဆိုင်ရာ အစိုးရတွေက မိမိတို့နိုင်ငံမှာရှိတဲ့ တရားစွဲ အဖွဲ့အစည်း အသီးသီးကို ထိန်းထိန်းသိမ်းသိန်း လုပ်ဖို့အတွက် ညွှန်ကြားလာနိုင်တယ်။ ဒါကြောင့် ကျနော်တို့ဘက်က နေပြီး ကြိုတင်ပြောဆိုရတာ ဖြစ်ပါတယ် ခင်ဗျား။

အာရှ လူ့အခွင့်အရေး ကော်မရှင်မှ ဦးမင်းလွင်ဦး ပါရှင်း။

0 comments:

Post a Comment