ရွေးကောက်ပွဲဥပဒေအပေါ်သုံးသပ်ချက်

မဲပေးကြမဲ့ ပြည်သူတွေဟာ၂၀၁၀ ရွေးကောက်ပွဲနဲ့ ပတ်သက်ပြီးတော့ ရှင်းလင်းပြတ်သားတဲ့ အမြင်မရှိကြသေးဘူးဆိုတာကို တွေ့ရပါတယ်။ဒါကလည်း သိပ်တော့မထူးဆန်းလှပါဘူး၊ ၂၀၁၀ခုနှစ်အတွင်းမှာ ရွေးကောက်ပွဲကျင်းပမယ်လို့ ဆိုထားပေမဲ့ ရွေးကောက်ပွဲ ကျင်းပမဲ့ရက်ကိုတောင်မှ အခုထိသေသေချာချာ သိရသေးတာမှမဟုတ်ပဲကိုး၊ ရွေးကောက်ပွဲမှာ ဘယ်ပါတီတွေ ပါဝင်ခွင့်ရမယ်ဆိုတာကိုလည်း မသိရသေးသလို ကိုယ့်မဲဆန္ဒနယ်မြေမှာ ဘယ်သူတွေပါဝင် ယှဉ်ပြိုင်ကြမလဲဆိုတာကိုလည်း ပြည်သူတွေအနေနဲ့ မခန့်မှန်းနိုင်တဲ့ အခြေအနေပါ၊ မဲကိုဘယ်လိုပေးရမယ်၊ မဲပြားကိုဘယ်လိုလုပ်မယ် ဆိုတာကိုလည်း မကြေငြာသေးပါဘူး။ ဒီအချက်တွေ တော်တော်များများကို ဆောင်ရွက်သွားမှာက ရွေးကောက်ပွဲကော်မရှင်ပါ။ ဒီရွေးကောက်ပွဲကော်မရှင်ကို ပေးထားတဲ့လုပ်ပိုင်ခွင့်တွေနဲ့ ပတ်သက်ပြီးတော့လည်းအငြင်းပွားမှုတွေရှိနေ
ကြပါတယ်။ ရန်ကုန်မြို့ကဥပဒေပညာရှင်ဦးအောင်သိန်းကတော့

ဦးအောင်သိန်း….ရွေးကောက်ပွဲကော်မရှင်ရဲ့ တာဝန်နဲ့လုပ်ပိုင်ခွင့်က ကြည့်ရင်ရွေးကောက်ပွဲ ကျင်းပတာတို့၊မဲဆန္ဒနယ် သတ်မှတ်တာတို့၊မစာရင်းပြုစုတာတို့၊ သဘာဝအန္တရာယ်တို့၊ လုံခြုံရေးကြောင့် ရွေးကောက်ပွဲရွှေ့ဆိုင်းတာ တို့ကဒါကသိပ်ပြဿနာမရှိဘူးဗျာ။ နိုင်ငံရေးပါတီတွေကို ဥပဒေနဲ့အညီ ဆောင်ရွက်ရန်ကြီးကြပ်မယ်၊ လမ်းညွှန်မယ်ဆိုတာ၊ နိုင်ငံရေးပါတီတွေ ဖြစ်တည်လာတာကိုက၊ သူ့ရဲ့လမ်းညွှန်မှုအောမှပဲ ရှိနေရမယ်ဆိုတဲ့ သဘောမျိုးဖြစ်တာကတော့ သိပ်တော့သဘာဝမကျလှဘူး ၊နိုင်ငံရေးပါတီတရပ်ဆိုတာ နိုင်ငံရေးလမ်းစဉ်တရပ်ကို လွတ်လွတ်လပ်လပ်ရွေးထားပြီး ပြည်သူလူထုကို ချပြနိုင်တဲ့ အခွင့်အလမ်း သူ့မှာရှိဖို့ လိုတယ်။

မေး………..ပါတီတွေကိုမှတ်ပုံတင်ခွင့်ပြုမပြု ပါတီခေါင်းဆောင်တွေကို လက်ခံမခံဆိုတာတွေကိုလည်း ရွေးကောက်ပွဲကော်မရှင်က ဆုံးဖြတ်မှာပါဒါတင်မကသေးပါဘူး၊ ပထမဦးဆုံးပါတီဝင်၅၀၀၊ သို့မဟုတ်၁၀၀၀ကိုစိစစ်တဲ့ လုပ်ငန်းတွေကိုလည်းရွေးကောက်ပွဲ ကော်မရှင် ဆောင်ရွက်ဦးမှာပါ။ ရွေးကောက်ပွဲကော်မရှင်ဟာ ပါတီတွေကိုကြီးကြပ်ကွပ်ကဲရမယ်လို့ ဆိုထားပါတယ်။

အခုရွေးကောက်ပွဲ ဥပဒေတွေထဲမှာ ပါဝင်တဲ့ကန့်သတ်ချုပ်ချယ်ထားတာတွေ အားလုံးနဲ့ ရွေးကောက်ပွဲဆိုင်ရာဆောင်ရွက်ချက် အားလုံးကို အဓိက ဆောင်ရွက်မဲ့သူဟာ ရွေးကောက်ပွဲကော်မရှင်ဖြစ်ပါတယ်။ ရွေးကောက်ပွဲကော်မရှင်ရဲ့ဆုံးဖြတ်ချက်ဟာ နောက်ဆုံးဆုံးဖြတ်ချက်လည်းဖြစ်ပါတယ်။ ဘယ်တရားရုံးမှာမှ ထပ်ပြီးအယူခံလို့ စောဒကတက်လို့လည်းမရပါဘူး။ ဒါကြောင့် ရွေးကောက်ပွဲကော်မရှင်ကိ ပေးအပ်ထားတဲ့ အာဏာဟာ အခြေခံဥပဒေကိုတောင် ကျော်လွန်ပြီးပေးအပ်ထားတာ ဖြစ်တယ်လို့နော်ဝေနိုင်ငံက အာရှလူ့အခွင့်အရေးကောင်စီ ရှေ့နေဦးမင်းလွင်ဦးဆိုပါတယ်။

ဦးမင်းလွင်ဦး…….အမှုအခင်းအနေနဲ့ နိုင်ငံသားတယောက်ရဲ့အခွင့်အရေးအရတောင်းဆိုပြီဆိုရင် သူတို့ဖွဲ့စည်းထားတဲ့ခုံအဖွဲ့ရဲ့ ဆုံးဖြတ်ချက်က အတည်ဖြစ်တယ်။ဒါကြောင့် ဖွဲ့စည်းပုံ အခြေခံ ဥပဒေမှာပါတဲ့ နိုင်ငံသားရဲ့အခွင့်အရေးကို ဖွဲ့စည်းပုံ အခြေခံဥပဒေအရ ကာကွယ်မပေးနိုင်တော့ဘူး၊ကော်မရှင်အဖွဲ့ကဆုံးဖြတ်တဲ့အတိုင်းလိုက်နာပြီး ဒီဟာကအပြီးသတ် အတည်ဖြစ်ရမယ်ဆိုတဲ့ အချက်ကဥပဒေတွေကို ကျော်လွန်ပြီးလုပ်ပိုင်ခွင့်အပ်နှင်းထားတယ်လို့ ကျနော်တို့ကပြောချင်တယ်။

မေး…….အဲဒီလို လုပ်ပိုင်ခွင့်အပ်နှင်းထားတဲ့ ကော်မရှင်ကိုဘယ်လိုဘယ်လိုလူတွေနဲ့ ဖွဲ့စည်းထားပါသလဲ၊

ဦးအောင်သိန်း……….ကော်မရှင်အဖွဲ့ဝင်အဖြစ်ခန့်ထားတဲ့လူတွေထဲမှာ အထင်ပေါ်အကျော်ကြားဆုံးနဲ့ ကျနော်သိတဲ့ သူတွေက ဒုတိယ တရားသူကြီးချုပ်တို့၊ ဒုတိယရှေ့နေချုပ်တို့ အရင်ကဆေးရုံအုပ်ကြီးဆိုတဲ့ ပုဂ္ဂိုလ်မျိုးတွေပေါ့နော်၊ နဂိုထဲက လည်းစစ်ကောင်စီရဲ့ လက်အောက်မှာပဲတာဝန်ထမ်းဆောင်ခဲ့တဲ့လူတွေဖြစ်တာကြောင့် ကော်မရှင်ရဲ့ လုပ်ထုံးလုပ်နည်းတွေနဲ့ ပတ်သက်တဲ့ ကိစ္စရပ်တွေပေါ်မှာသမာသမတ်နဲ့ ကြားနေမယ်ဆိုတာကတော့လုံးဝဖြစ်နိုင်မယ်လို့ ကျနော်မထင်ပါဘူး၊ သူတို့ အဆင့်မြင့်ပြည်သူ့ဝန်ထမ်း ဘဝနေခဲ့စဉ်ကာလက စစ်ကောင်စီနဲ့ ပတ်သက်ပြီးတော့ သူတို့အင်မတန်အလျင်းသင့်တဲ့သူ၊ ဝေဖန်မှုပြုတဲ့သူတွေ မဟုတ်တဲ့ သူတွေကို ရွေးချယ်ဖွဲ့စည်းထားတာဖြစ်တယ်ဆိုတာတော့ ပိုသဘာဝကျပါတယ်။ အဲတော့ ကော်မရှင်ရဲ့ အနေအထားကို ကြည့်လို့ရှိရင် လွတ်လပ်တဲ့ ကော်မရှင်ဖြစ်နိုင်လား၊ မဖြစ်နိုင်ဘူးလားဆိုတာကြည့်တဲ့သူတိုင်း မြင်နိုင်တဲ့ အနေအထားမျိုးရှိပါတယ်။

မေး…….ကော်မရှင်ရဲ့ ဥက္ကဌ ဦးသိန်းစိုးဟာ စစ်တပ်ကလာတဲ့ ဗိုလ်ချုပ်ဟောင်း တယောက် ဖြစ်ပြီးတော့ ကျန်တဲ့ သူအများစု ဟာလည်း ကော်မရှင်မဖွဲ့ခင်အချိန်အထိရာထူးကြီးဝန်ထမ်းတွေအဖြစ်တာဝန်ထမ်းဆောင်ခဲ့ကြသူတွေဖြစ်ပါတယ်။ ဒါ့အပြင် ဒီကော်မရှင်ဟာတိုင်းနဲ့ပြည်နယ်ကော်မရှင်ကနေ ရပ်ကွက်ကျေးရွာအဆင့်အထိ ကော်မရှင်အသီးသီးကို လည်းဆက်လက်ပြီးတော့ ဦးဆောင်ဖွဲ့စည်းထားမဲ့သူလည်း ဖြစ်ပါတယ်။ ၁၉၉၀ ခုနှစ်တုန်းက ဖွဲ့ခဲ့တဲ့ ရွေးကောက်ပွဲကော်မရှင်ဟာလည်း အခုလက်ရှိ စစ်အစိုးရပဲဖွဲ့ပေးခဲ့တာပါ။အဲဒီကော်မရှင်နဲ့ အခုကော်မရှင်ကိုနှိုင်းယှဉ်ရင်တောင်မှ မတူညီဘူးလို့ဦးမင်းလွင်ဦးကဆိုပါတယ်။
“
ဦးမင်းလွင်ဦး…….၁၉၉၀ရွေးကောက်ပွဲ ကော်မရှင်တွေဖွဲ့တုန်းက နိုင်ငံရေး အရ အရှိန်အဝါရှိတဲ့ သူတွေ၊ အတွေ့အကြုံရှိတဲ့ သူတွေ၊ပါတီစုံရွေးကောက်ပွဲတွေမှာဝင်ရောက်ပြီးတော့ ယှဉ်ပြိုင်ခဲ့ဘူးတဲ့သူတွေ၊ အတွေ့အကြုံရင့်ကျင့်တဲ့သူတွေကိုအဓိက အခြေခံထားတဲ့သူတွေဖြစ်တယ်။အခု၂၀၁၀ရွေးကောက်ပွဲကော်မရှင်မှာပါတဲ့သူတွေကျတော့ နအဖကနေပြီး ဂုဏ်သရေရှိတယ်၊ ယုံကြည်လေးစားလောက်တယ်လို့ နအဖကထင်မြင်ယူဆတဲ့ လူတွေကိုသူတို့က ခန့်ထားတာဖြစ်တယ်။

မေး…….အရင်တုန်းကရွေးကောက်ပွဲကော်မရှင်မှာဗိုလ်မှူးချုပ် စောကြာဒူးတို့လိုမျိုး ၊ဆရာချယ်တို့လိုမျိုး ပုဂ္ဂိုလ်မျိုးတွေ ပါဝင်ခဲ့တာကိုသူကဆိုလိုတာပါ ၊ဒါတင်မကပါဘူးရွေးကောက်ပွဲနောက်ပိုင်းမှာလည်း ကော်မရှင်ရဲ့အာဏာဟာဆက်လက်ပြီးတည်ရှိ နေဦးမှာပါ၊လွှတ်တော်ကိုယ်စားလှယ်တွေနဲ့ပတ်သက်ပြီးတော့ တိုင်ကြားချက်ရှိခဲ့ရင်ကော်မရှင်ကနေခုံရုံးဖွဲ့ပြီး လွှတ်တော်ကိုယ်စားလှယ်အဖြစ် ဆက်လက်ရပ်တည်ခွင့်ရှိမရှိဆုံးဖြတ်မှာပါ။

ဦးမင်းလွင်ဦး…………ပြည်သူတွေကနေ တခဲနက်နဲ့မဲဆန္ဒပေးပြီး ရွေးချယ်ခဲ့တဲ့ကိုယ်စားလှယ်လောင်းကိုတောင်မှပဲ ရွေးချယ် တင်မြှောက်ရေးကော်မရှင်ကနေ အခန့်မသင့်ရင်မသင့်သလိုဥပဒေနဲ့မညီညွတ်ဘူးဆိုတဲ့ကိစ္စရပ်ကိုအကြောင်းပြပြီးပြည်သူ့လွှတ်တော် ကိုယ်စားလှယ်ကနေဖြုတ်နိုင်တဲ့ သဘောမျိုးဖြစ်တယ်။

မေး……..အများပြည်သူ ရွေးကောက်တင်မြှောက်ထားတဲ့ လွှတ်တော်ကိုယ်စားလှယ်ကို ကော်မရှင်ကနေ ခုံရုံးဖွဲ့ စစ်ဆေးပြီး ရုပ်သိမ်းနိုင်ပေမဲ့ တပ်မတော် ကာကွယ်ရေး ဦးစီးချုပ်က တင်သွင်းလာတဲ့ တပ်မတော်သား ကိုယ်စားလှယ်ကိုအမည်စာရင်း ကြေငြာပေးရုံသာအခွင့်အာဏာရရှိပါတယ်။တကယ်လို့ဥပဒေနဲ့မညီညွတ်ခဲ့ရင်တောင်ကော်မရှင်က သီးခြား ဆုံးဖြတ်ခွင့်မရှိဘဲ ကာကွယ်ရေးဦးစီးချုပ်နဲ့ဆွေးနွေးညှိနှိုင်းရမယ်လို့ဆိုထားပါတယ်။

ဦးမင်းလွင်ဦး……..ရှင်းရှင်းပြောရရင်တော့ တပ်မတော် ဘက်ကရွေးချယ်တင်မြှောက်ထားတဲ့ ကိုယ်စားလှယ်တွေနဲ့ ပတ်သက်ရင်တော့ရွေးချယ်တင်မြှောက်ရေးကော်မရှင်မှာ ဘာမှအခွင့်အာဏာမှမရှိဘူးဆိုတဲ့ သဘောသက်ရောက် နေတယ်ဆိုတာကိုကျနော်တို့တွေ့ရတယ်။

မေး……….တပ်မတော်သားကိုယ်စားလှယ်၂၅ရာခိုင်နှုန်းဆိုတာကလည်းတပ်မတော်ကနေ မဲနဲ့ရွေးချယ်ထားတာမျိုးတော့မဟုတ်ပါဘူး၊ ကာကွယ်ရေးဦးစီးချုပ်တဦးတည်းကနေရွေးချယ်မဲ့ ၂၅ ရာခိုင်နှုန်းပါ။ကာကွယ်ရေးဦးစီးချုပ်ကရွေးထားတဲ့ အဲဒီ၂၅ရာခိုင်နှုန်း ဟာလည်းရွေးကောက်ပွဲ သက်တမ်း၅နှစ်အတွက်တောင်တကယ်တော့ အာမခံသက်ချက်ရှိတာမဟုတ်ပါဘူး။ ကာကွယ်ရေး ဦးစီးချုပ်ကမကြိုက်လို့ရှိရင် အချိန်မရွေးအကြောင်းပြချက်ပေးစရာမလိုဘဲနဲ့ အဲဒီတပ်မတော်သားကိုယ်စားလှယ်ကို ပြန်လည်ရုပ်သိမ်းပြီးတော့နောက်တယောက်နဲ့ အစားထိုးခန့်ထားလို့ရပါတယ်။အခုလိုမျိုးအကြောင်းပြချက်ပြစရာ မလိုဘဲပြန်လည်ရုပ်သိမ်းနိုင် တဲ့အချက်ကို ထည့်သွင်းပြဌာန်းတာကရောဘာသဘောပါလဲ။

ဦးမင်းလွင်ဦး…… ဥပမာအားဖြင့် တပ်မတော်ကနေ ရွေးချယ်တင်မြှောက်ထားတဲ့ ကိုယ်စားလှယ် တဦးကသေဆုံးသွားတယ်၊ ပင်စင်ယူသွားတယ်၊ရာထူးကနေအနားယူသွားတယ်ဆိုရင် သူ့နေရာမှာအစားထိုး ခန့်အပ်ပေးရမှာဖြစ်ပါတယ်။ဒါကတော့ သာမန်အားဖြင့်ရိုးသားတယ်လို့ ယူဆရင်ယူဆလို့ရတယ်။သို့သော်အဲဒီလိုမဟုတ်ပဲ ဒီရွေးချယ်တင်မြှောက်ထားတဲ့တပ်မတော်သား တဦးကိုပြည်သူလူထုကတခဲနက်ထောက်ခံလာတယ်ဆိုရင်ဒီအပေါ်မှာလည်း ကာကွယ်ရေး ဦးစီးချုပ်က ရွေးချယ်ထားတဲ့ ကိုယ်စားလှယ်ကို မူလနေရာကနေ ဖြုတ်ပစ်နိုင်ဖို့ အခွင့်အရေးသူ့မှာ ရှိတယ်။ အဲဒီလူနေရာမှာ တခြားတယောက်ကိုအစားထိုးမှာ ဖြစ်တယ်။ ဥပမာအားဖြင့် ပြောရမယ်ဆိုရင် ကာကွယ်ရေးဦးစီးချုပ်ထက်ကို ပိုပြီးအစွမ်းထက်တဲ့လူရှိရင် သူ့အနေနဲ့ အချိန်မရွေး ဖြုတ်နိုင်တဲ့သဘောမျိုးဖြစ်တယ်ဆိုတာကို ရည်ရွယ်ပြီးတော့ ဒီဥပဒေကို ပြဌာန်းထားတယ်လို့ ကျနော်တို့ကတော့ထင်မြင် ယူဆတယ်ခင်ဗျ။

မေး………ဒီလိုဥပဒေပြဌာန်းချက်တွေနဲ့ ဒီလိုဖွဲ့စည်းထားတဲ့ အတွက် ရွေးကောက်ပွဲနိုင်မဲ့ လွှတ်တော်မှာ ဘယ်လိုကိုယ်စားလှယ်တွေ ပါဝင်လာဖွယ်ရှိပါသလဲ။

ဦးအောင်သိန်း……တပ်မတော်က ပုံသေအထိုင်ယူထားတဲ့ ၂၅ ရာခိုင်နှုန်းရှိပြီးသားနောက်လက်ရှိ တာဝန်ထမ်းဆောင်နေတဲ့ ဝန်ကြီးအဖွဲ့တွေကနေ ရွေးကောက်ပွဲကိုပြန်လည်ဝင်ရောက်ရမဲ့ လွှတ်တော်ထဲ ပြန်တက်လာဖို့ဆိုတဲ့ အင်အားစုလည်းရှိတယ်၊ နောက်ပြီးစီးပွားရေးလုပ်ငန်းရှင်တွေ အုပ်စုတစုကလည်းရှိတယ်ဗျာနောက်ပြီးတော့ လူထုက အင်မတန်မှ ကြည်ညိုတဲ့ ပါမောက္ခတွေ၊ အငြိမ်းစားတွေပေါ့ဗျာ ၊ ရပ်ကွက်ထဲမှာလူလေးစားတဲ့သူတွေ ပါဝင်လာမယ်ဆိုရင် အဲဒီလူတွေဟာ လက်ရှိ နအဖအစိုးရနဲ့ လက်ပွန်းတတီးရှိတဲ့သူတွေများပါလိမ့်မယ်။ အဲဒီအင်အားစုဟာ လွှတ်တော် ထဲမှာ ၈၅ ရာခိုင်နှုန်းရှိပြီးတော့ အခုကြားပေါက်အဖြစ်နဲ့ ဝင်ရောက်လာမဲ့ နိုင်ငံရေးအရ ဝင်ပြီးယှဉ်ပါတယ်ဆိုတဲ့ပုဂ္ဂိုလ်တွေဟာ၁၀ ရာခိုင်နှုန်း၊ ၁၅ ရာခိုင်နှုန်းရရင် အလွန်ဆုံးပဲလို့ ကျနော်မြင်ပါတယ်။

မေး…..အခုဖွဲ့စည်းလိုက်တဲ့ ရွေးကောက်ပွဲကော်မရှင်ရဲ့အောက် အခုထုတ်ပြန်ထားတဲ့ ရွေးကောက်ပွဲ ကော်မရှင်ရဲ့အောက်မှာ ပေါ်ပေါက်လာဖွယ်ရှိတဲ့အနာဂတ်လွှတ်တော်နဲ့ ပတ်သက်ပြီးတော့ဦးအောင်သိန်းရဲ့သုံးသပ်ချက်ဖြစ်ပါတယ်။ဥပဒေပညာရှင် ဒေါက်တာဆလိုင်း ငုံကျုံးလျံကတော့ ပြည်နယ်တွေမှာတိုင်းရင်းသားပါတီတွေ အနိုင်ရနိုင်တဲ့အခွင့်အရေး အလားအလာတွေ ရှိတယ်လို့တော့ခန့်မှန်းပါတယ်။

ဒေါက်တာဆလိုင်း ငုံကျုံးလျံ………တခြားပြည်နယ်တွေတော့ပြောလို့မရဘူးဗျ။ ဒါပေမဲ့ဥပမာချင်းပြည်နယ်နဲ့ကချင်ပြည်နယ်ဆိုပါစို့၊ ချင်းတွေက ချင်းပြည်နယ်မှာပဲများတယ်ဆိုတော့ ၊ချင်းပြည်နယ်မှာ ချင်းလူမျိုးတွေလွှတ်တော်အတွက်အရွေးခံရဖို့ကပိုများတယ်လို့ ကျနော်မြင်တယ်။ယူဆတယ်။ ဒါပေမဲ့တချို့ဒေသတွေမှာလူမျိူးတွေရောထွေးနေတဲ့ဒေသတွေမှာနည်းနည်း အခက်အခဲ ရှိရင်ရှိနိုင်တယ်။

မေး……ဒါ့အပြင် ဒီဥပဒေတွေထဲမှာ ပြည်သူလူထုတွေရသင့်ရထိုက်တဲ့ မှန်မှန်ကန်ကန် ပေးထားတဲ့အချက်တချက်လည်းရှိတယ်လို့ ဒေါက်တာဆလိုင်းငုံကျုံးလျံကထောက်ပြပါတယ်။

ဒေါက်တာဆလိုင်း ငုံကျုံးလျံ……..ကိုယ်မဲပေးထားတာကိုမဲရေတွက်တဲ့ အချိန်မှာ ပြန်လည် စောင့်ကြည့်ပြီးတော့ အများပြည်သူ ရှေ့မှာ ဆန္ဒမဲလက်မှတ်များကိုရေတွက်ရမယ်လို့ပြောထားတယ်။ အဲတော့ပြည်သူတွေအားလုံးအနေနဲ့သူတို့ပေးထားတဲ့မဲအမှန်အကန် အတိုင်း ကော်မရှင်ကရေတွက်လားမရေတွက်ဘူးလားဆိုတာစောင့်ကြည့်လို့ ရတယ်။ မဲရုံမှာ ကိုယ်စားလှယ်လောင်း တယောက်ဟာမဲရုံတခုမှာ မဲရုံကိုယ်စားလှယ်တယောက်အနေနဲ့ အကူကိုယ်စားလှယ်တယောက်ထားဖို့ရှိတယ်။ ဒီဟာက ကိုယ်စားလှယ်လောင်းတွေအတွက် တော်တော်ကိုကောင်းတဲ့အချက်ဖြစ်တယ်။ဒီကိုယ်စားလှယ်တဦးကမဲရုံတရုံမှာ မဲရုံးမှုးက မဲကိုလိမ်ညာပြီးအလွဲသုံးစားပြုတာ မလုပ်အောင်သူတို့ကစောင့်ကြည့်နိုင်တယ်။ မဲပေးခွင့်ကိုကိုယ့်ဘက်ကနေပြီး စောင့်ကြည့်နိုင်တဲ့ လမ်းတွေရှိတယ်လို့ကျနော်မြင်ပါတယ်။

မဲရေတွက်တာကိုလည်း ပြည်သူတွေစောင့်ကြည့်ကြဖို့ ဒေါက်တာဆလိုင်း ငုံကျုံးလျံက တိုက်တွန်းသွားပါတယ်။ အခုလိုကိုယ့်မဲကို မှန်မမှန်စောင့်ကြည့်နိုင်ဖို့ အခွင့်အရေးပေးထားတာကတော့ ကောင်းပါရဲ့၊ ဒါပေမဲ့ မကောင်းတဲ့အချက်ကတော့ အခုဥပဒေတွေ ရေးသားထားတဲ့ပုံ၊ နောက်ကော်မရှင်ဖွဲ့စည်းထားပုံတွေကိုလေ့လာလိုက်တဲ့အခါ စစ်အစိုးရက သူတို့မပါစေချင်တဲ့သူတွေကို စိစစ်ဖယ်ထုတ်ထားပြီးတော့ ကျန်တဲ့သူတွေထဲကနေ ပြည်သူတွေကို ရွေးချယ်ဖို့ အခွင့်အရေးပေးထားသလိုဖြစ်နေတဲ့အချက်ပါ။ ပြည်သူတွေ အနေနဲ့ အနှစ်၂၀ ကြာမှတခါသာမဲပေးခွင့်ရတဲ့ ဒီလိုအချိန်မျိုးမှာ အားလုံးထဲကနေ ကိုယ်ကြိုက်ရာကိုရွေးချယ်ခွင့်မရဘဲ စစ်အစိုးရခွင့်ပြုသမျှထဲကသာ ကိုယ်ကြိုက်ရာကိုရွေးချယ်ခွင့် ရမယ်ဆိုတာကတော့ဆုံးရှုံးမှုကြီးတခုလို့ဆိုရမှာဖြစ်ကြောင်းပါခင်ဗျာ။