ဒီပဲရင်းအတွေ့အကြုံ

၂၀၀၃ခုနှစ်မေလ၃၀ရက်နေ့ဒေါ်အောင်ဆန်းစုကြည်ရဲ့ စည်းရုံးရေးခရီးစဉ်ကိုလိုက်ပါတဲ့သူတွေ
ဒီပဲယင်းမြို့အနီးကြည်ရွာမှာအတိုက်ခိုက်ခံခဲ့ရပြီး လိုက်ပါတဲ့လူတွေရော၊အဖွဲ့ဝင်တွေပါသေတဲ့လူသေ၊
ထောင်ချခံရတဲ့သူကျဖြစ်ခဲ့ရပါတယ်။အခုဆိုရင်ဒီတိုက်ခိုက်မှုကြီးဖြစ်တာ၇နှစ်သာပြည့်သွားပေမဲ့ အဖြစ်မှန်ကိုဖော်ထုတ်အရေးယူမှုတွေမရှိသေးပါဘူး။

(အာအက်ဖ်အေ၊မေ၃၀)၂၀၀၃ခုနှစ်မေလ၃၀ရက်နေ့မှာ အထက်မြန်မာပြည်ခရီးထွက်နေတဲ့ အမျိုးသားဒီမိုကရေစီအဖွဲ့ချုပ်ခေါင်းဆောင်ဒေါ်အောင်ဆန်းစုကြည်၊ဒုဥက္ကဌဦးတင်ဦးနဲ့အန်အယ်လ်ဒီ
အဖွဲ့ဝင်တွေ၊အားပေးထောက်ခံတဲ့ ပြည်သူတွေကိုလုပ်ကြံသတ်ဖြတ်တဲ့ ဒီပဲယင်းအရေးအခင်းပေါ်ပေါက်ခဲ့ပါတယ်။ဒီအရေးအခင်းမတိုင်ခင်မှာဒေါ်အောင်ဆန်းစုကြည်ရဲ့
ခရီးစဉ်ကို စွမ်းအားရှင်လို့ခေါ်တဲ့စစ်အစိုးရကိုလိုလားထောက်ခံသူအုပ်စုကနည်းမျိူးစုံနဲ့
လိုက်လံနှောက်ယှက်နေပါတယ်။ နောက်ဆုံးမှာတော့စစ်ကိုင်းတိုင်းဒီပဲယင်းမြို့အထွက်ကြည်ရွာမှာ စွမ်းအားရှင်အုပ်စုတွေ၊အကြမ်းဖက်တိုက်ခိုက်လာပုံကို အန်အယ်လ်ဒီဒုဥက္ကဌ ဦးတင်ဦးကပြောပြပါတယ်။

ဦးတင်ဦး...ကြည်ရွာရောက်လာတဲ့အခါကျတော့ကြည်ရွာမှာတခါရပ်တယ်။နည်းနည်းလည်းမှောင်နေပြီပေါ့ဗျာ။
ကားကမီးထွန်းပြီးသွားနေရပြီ။ အဲဒီအခါမှာ ကားထွက်လာတာကိုမြင်တယ်။ အဲဒီတော့ကျနော်ကလည်း ဒေါ်အောင်ဆန်းစုကြည်ကားထွက်လာပြီဆိုပြီးတော့ ဆက်ထွက်တယ်။ကားရပ်သွားပြန်ပြီဆိုပြီးတော့ ကျနော်တို့တခါထပ်စောင့်ပြန်ရော၊ ထွက်လာပြန်ပြီဆိုပြီးကျနော်တို့လည်းထွက်လာပြန်ရော၊
နောက်တခါရပ်သွားပြန်ရော၊ ရပ်သွားတော့ နောက်ကလိုက်လာတဲ့ မော်တော်ဆိုက်ကယ်တွေရော၊
ကလေးတွေရော၊ လူငယ်တွေရောကအကုန်လုံးရှေ့ရောက်လာပြီးတော့နောက်မှာရိုက်ကုန်ပြီလို့စပြောတာပဲ၊

နောက်မှာလိုက်လာတဲ့ဒိုင်နာကားပေါ်ကလူတွေက ရိုက်ကုန်ပြီဆိုပြီးလာပြောတဲ့အခါ သံဃာတော်တွေရော၊လူငယ်တွေရောအားလုံးဒေါ်အောင်ဆန်းစုကြည်ရဲ့ကားကိုပတ်ပတ်လည်
ဝိုင်းပြီးစောင့်ရှောက်ကြတယ်။ကျနော့်ကားကိုလည်းပတ်ပတ်လည်ဝိုင်းပြီးစောင့်ရှောက်ကြတယ်။
အဘမဆင်းနဲ့ဟိုမှာရိုက်ကုန်ပြီ အန္တရာယ်ရှိတယ်ဆိုပြီး၊မဟုတ်ဘူးငါဆင်းရမယ်လို့ပြောတော့ နောက်မှာဒေါ်အောင်ဆန်းစုကြည်ကားကျန်နေတယ်ဆိုပြီး ဒေါ်စုကားဆီပြန်လာတယ်။
မီတာ၅၀လောက်ရှိမှာပေါ့ ဒေါ်စုကသူ့ကားရဲ့အလယ်ခန်းမှာဆိုတော့ လုံခြုံတယ်။
ရိုက်ကုန်ပြီဆိုတာသူသိတယ်ခင်ဗျ၊ကျနော်ကတော့ ဒီနေရာကအရမ်းအန္တရာယ်များတဲ့ နေရာဆိုတော့လုံခြုံတဲ့နေရာကိုပို့ချင်တယ်ခင်ဗျ။ကျနော်ကကားကိုနည်းနည်းလေး ထွက်ပေးဖို့ပြောတော့ဒေါ်စုကမသွားဘူးဆိုပြီးငြင်းတယ်

။နောက်ကရိုက်နေတဲ့လူတွေကိုစွန့်ပြီးမသွားနိုင်ဘူးတဲ့၊ထပ်တူထပ်မျှခံစားမှုရှိတယ် ဆိုတဲ့အနေနဲ့မသွားဘူးခင်ဗျ၊အဲဒီတော့ကျနော်လည်းစိတ်ပူတာပေါ့ခင်ဗျ။ နောက်ကိုအမြန်ပြေးကြည့်တော့ရိုက်တာနှက်တာဆူတာညံတာအော်တာဟစ်တာတွေကြားရတယ်။
ကျနော်ကသိပ်အန္တရာယ်ကြီးမားနေပြီဆိုတာသိလိုက်ပြီ။ ရိုက်ကြတဲ့လူတွေကရှေ့ကိုပေါက်လာပြီးကျနော်တို့နောက်ကကားကိုစရိုက်တယ်။ ကျနော်ကဒေါ်စုကားကိုရွှေ့ဖို့ပြောတယ်။သူကမသွားဘူးပြောတယ်။ပြောရင်းဆိုရင်း နောက်ကကားကိုရိုက်တာပြီးပြီပေါ့။ဒေါ်စုကားနားရောက်လာတော့သူ့လုံခြုံရေးကို တာဝန်ယူထားတဲ့ ကိုတိုးလွင်ကဒီကားပေါ်မှာဒေါ်စုပါတယ်မင်းတို့မရိုက်နဲ့၊ ဗမာပြည်မှာ ဘာဖြစ်ကုန်မလဲသိရဲ့လား၊ နိုင်ငံတကာမှာလည်းဘာဖြစ်ကုန်မလဲသိရဲ့လားဆိုတဲ့အခါမှာ

ကျနော်ကသတိဝင်လာပြီးတော့ဟေ့ကောင်တွေ၊မရိုက်နဲ့၊မလုပ်နဲ့ဆိုပြီးတော့အကျယ်ကြီး အော်တယ်။ခဏတော့တန့်သွားတယ်။နောက်မှာပါလာတဲ့သူတွေကအရပ်ဝတ်တွေနဲ့၊ ပုဆိုးတိုတိုနဲ့၊
လက်မှာအမှတ်အသားနဲ့ ၊လက်မှာတုတ်တွေ၊ဓားတွေကိုင်ထားတယ်။ သူတို့ကရိုက်မယ်လဲပြင်ရောကျနော်တို့ကမရိုက်နဲ့လို့အော်ပြန်ရော၊အော်ပြီးတော့ ကျနော်နောက်ဆုံးရင်းနောက်ပြန်လဲကျသွားတယ်။ကျနော်ကတော့ တော်တော့်ကိုစိုးရိမ်နေပြီ၊ ကားကိုရိုက်နေသံတွေကြားရတယ်။လုံခြုံရေးကလေးတွေကလည်းဒေါ်စုဘက်မှာကပ်နေရာကနေ အရိုက်လွတ်တဲ့နေရာမှာစွတ်နေတော့ ကားကိုပဲရိုက်နေတဲ့အသံတွေကြားနေရတာ၊
ကျနော်လဲမတ်တပ်ရပ်လို့ရရောဒေါ်စုကားက ဝူးဆိုမောင်းထွက်သွားရော။ ကျနော်ဝမ်းသာလိုက်တာမပြောပါနဲ့တော့၊ ကားကိုပဲထိတာလူကိုမထိဘူးပေါ့လေ။
ဦးတင်ဦးအနေနဲ့သူစီးလာတဲ့ကားဆီကိုလည်းသွားရောကားကမောင်းထွက်သွားလို့ဦးတင်ဦးကျန်ရစ်ခဲ့ပါတယ်။

ဦးတင်ဦး…ဒါနဲ့ ကျနော်လည်းလမ်းရဲ့ ညာဘက်ဘေးမှာအမှောင်ထဲမှာ ကျနော်ရပ်နေလိုက်တယ်။ သူတို့လွတ်တာနဲ့ကျနော်လည်းဒီပဲယင်းကိုပြေးခဲ့တာပဲ၊ပြေးရင်းနဲ့ကျနော်ကြားတာက မန်း၁ဒီနေရာမှာစု၊မန်း၂ဒီနေရာမှာစု ဆိုပြီးတော့အော်ပြီးလူစုနေကြတယ်။ကျနော် လမ်းမှာလွှတ်တော်ကိုယ်စားလှယ်ဒေါက်တာဝင်းအောင်၊သူ့ကြည့်လိုက်တော့ ပါးစပ်ကွဲပြီးသွေးတွေကျ၊အကျီမှာရော၊ ရင်ဘက်မှာရော သွေးတွေပေနေလိုက်တာ၊ ကျနော်တို့လမ်းလျှောက်လာရင်းနဲ့ဒီပဲယင်းက၉နာရီတီးသံကြားရတယ်။ပုဒ်မ၁၄၄ ထုတ်သံလည်းကြားရတယ်။
ဆက်သွားရင်းနဲ့ မန္တလေးကားထဲကနေ လွတ်သွားတဲ့ဦးတင်အောင်ကိုတွေ့တယ်။နောက်တော့ဦးအောင်ခင်ကိုတွေ့တယ် ။ဒီလိုနဲ့ကျနော်တို့ရှေ့ဆက်သွားကြတယ်။

ဦးတင်ဦးပြောပြသွားတဲ့ဒေါ်စုလုံခြုံရေးတာဝန်ယူတဲ့ကိုတိုးလွင်ကလည်းသူ့ကိုစွမ်းအားရှင်တွေဝိုင်းဝန်း
ရိုက်နှက်ကြပုံကိုအခုလိုပြောပြပါတယ်။အယောက်၂၀လောက်ရှိတဲ့လူတွေကလက်မှာတုတ်တွေ၊ဓါးတွေ
ပါလာပြီးတော့ဒေါ်စုကားနားကိုတဖြည်းဖြည်းကပ်လာတယ်၊ဒေါ်စုဘေးမှာကျနော်ရယ်ကိုထွန်းမြင့်ရယ်၊ ကိုဆန်းထွန်းတို့၃ယောက်ရှိတယ်။ကျနော်ကတားတယ်။ ဘဘဦးတင်ဦးကလည်းဒေါ်စုကားအရှေ့မှာရှိနေတယ်။ ဒီအချိန်မှာဒီကားနားကိုတုတ်တွေနဲ့ရောက်လာတဲ့အချိန်မှာကျနော်ကပြောတယ်မလုပ်ပါနဲ့ဒါဒေါ်စုကားပါ၊
မင်းတို့မလုပ်နဲ့၊မင်းတို့ပြန်ပါဆိုပြီး၊ဘဘဦးတင်ဦးကမင်းတို့လွန်နေပြီ၊မင်းတို့ပြန်သွားလို့ပြောတဲ့အချိန်မှာဒီကောင်တွေက ကျနော်ကိုဝင်ရိုက်တယ်၊ပထမအချိန်မှာတည်းကိုကဒေါ်စုကကျနော်တို့ကိုပြောထားတယ်၊ဘာမှပြန်မလုပ်နဲ့ဆိုပြီး၊သူတို့ဘက်ကရိုက်လာခဲ့ရင်ကိုယ့်ကိုယ်တော့ခုခံကာကွယ်ဆိုတဲ့အတွက်ကျနော်တို့ အရိုက်ခံရတဲ့အချိန်မှာလက်နဲ့ပဲကာနိုင်ပါတယ်။

ဘာမှပြန်မလုပ်ပါဘူး၊ ကျနော်တို့အရမ်းစိုးရိမ်လာတယ်။စိုးရိမ်လာတော့ဒေါ်စုကိုကားမောင်းထွက်ဖို့ ပြောတယ်။ဒေါ်စုကမထွက်ဘူးလို့ပြောတယ်။ကျနော်ကကျော်စိုးလင်းကို မရတော့ဘူးထွက်ထွက်ဆိုပြီးလှမ်းပြောနေတဲ့အချိန်မှာကျနော့်ခေါင်းကိုတုတ်နဲ့ တချက်ထိသွားတယ်။လည်သွားတဲ့အချိန်မှာဒေါ်စုကားထွက်သွားတယ်။ကျနော်တို့ကားက အဲဒီမှာဘဲကျန်ခဲ့တယ်။ကျနော်ပြန်သတိရလာတဲ့အချိန်မှာပတ်ဝန်းကျင်ကမှောင်နေတဲ့အချိန်မှာ၊
ကျနော့်ကိုမသိတဲ့အချိန်မှာကျနော်ကပုန်းနေရပါတယ်။ မနက်မိုးလင်းတဲ့အခါပုန်းနေတဲ့အန်အယ်လ်ဒီာ အဖွဲ့ဝင်၈၀လောက်ကိုရဲတပ်ဖွဲ့ဝင်တွေကနေဒီပဲယင်းအချုပ်ကိုပို့လိုက်တယ်။
ဒီလုပ်ကြံသတ်ဖြတ်မှုကိုကိုယ်တိုင်ကြုံခဲ့ရတဲ့ဒုဥက္ကဌဦးတင်ဦးကလည်းအကြမ်းဖက်သမားတွေဟာ
အမိန့်စေခိုင်းမှုအောက်မှာစနစ်တကျနဲ့လုပ်တာကိုတွေ့ရတယ်လို့ပြောပြပါတယ်.

ဦးတင်ဦး.. ဒီလိုနဲ့လမ်းလျှောက်လာရင်းနဲ့ မီးကလင်းလိုက်မှိန်လိုက်ဖြစ်နေတော့
ကျနော်ထင်တာကဒေါ်စုကတော့လွတ်သွားလို့ ကျနော်တို့ကို အချက်ပြတယ်ပေါ့
ဆိုပြီးအမြန်သွားတော့ အဲဒီနားလည်း ရောက်ရောကားတွေကမီးတွေနဲ့ထိုးတော့ မီးတွေကလင်းနေတယ်။ရိုက်ကြရိုက်ကြဆိုပြီးကားပေါ်ကကောင်တွေကဖြစ်နေကြတော့ သူတို့ထဲကခေါင်းဆောင်ထင်ပါတယ်။တယောက်ကဆင်းလာတယ်၊သူဘေးကလူတွေက ပြောတာကသူတို့ထဲကတယောက်ကခုနကမောင်းသွားတဲ့ကားကြောင့်ဒါဏ်ရာရသွားလို့ ကျနော်တို့ကို ပြန်ရိုက်ရမယ်လို့ပြောတယ်။ဒါနဲ့ကျနော်ကမင်းတို့ကဆက်ပြီး ရိုက်ရအောင်မင်းတို့နဲ့ငါတို့နဲ့ဘာဖြစ်လို့လဲ၊တို့မှာလက်နက်လည်းမပါဘူး၊လာတာလည်း ခွင့်ပြုချက်နဲ့လာတာ၊သွားတာလည်းပြည်သူတွေသွားတဲ့လမ်းမှာသွားတာ၊မင်းတို့ဒီလိုလုပ်ရင် တရားဥပဒေအရအရေးယူခံရမယ်။မင်းတို့အဲ့ဒါနဲ့ပတ်သက်လို့သတိထားပါ၊အဲဒီမှာ
သူတို့နည်းနည်းတန့်သွားပြီးတော့ခေါင်းဆောင်လုပ်တဲ့သူကဘယ်သွားမလို့လဲလို့မေးတော့ကျနော်က ဒီပဲယင်းသွားမလို့၊ပြီးတော့ကျနော့်ကိုဘာလုပ်မလို့လဲလို့မေးတယ်။မေးတော့ဒေါ်စုနဲ့ တွေ့ဖို့ရှိတယ်လို့ပြောတော့ ဒါနောက်မှစဉ်းစားမယ်တဲ့၊တွေ့ပေးဖို့လုပ်ပေးဖို့သူပြောမယ်ပေါ့ ၊ကားပေါ်ကလူတွေက အတင်းခုန်ချပြီးကျနော်တို့ကိုရိုက်မယ်လုပ်တော့သူကကျနော်တို့ကိုမှောင်ရိပ်နားက သစ်ပင်အောက်မှာသွားထိုင်ခိုင်းတယ်။သွားထိုင်တဲ့အခါမှာဓါတ်ပုံတွေလာရိုက်
တယ်။ပြီးတော့ကျနော်တို့ဆက်သွားကြတယ်။

အသက်မသေဘဲလွတ်မြောက်လာသူထဲကဒေါ်ညွန့်ညွန့်ရဲ့ မျက်မြင်ကိုယ်တိုင်ကြုံတွေ့ခဲ့ရတဲ့ အဖြစ်အပျက်ကတော့သင်တန်းပေးထားသလိုဘဲ၊ ကား၅စင်းကတညီတည်းရပ်ပြီးမီးကိုအပေါ်မီး
အောက်မီးအပြည့်ထွန်းထားပြီး လူအုပ်ကြီးကမဲမှောင်နေအောင်ဆင်းလာပြီးတော့အဲဒီလူတွေကနေကားတွေ
အကုန်လုံးအုံလိုက်ကျင်းလိုက်ရိုက်တာပေါ့နော်၊ကိုယ့်ဘေးနားမှာရှိတဲ့ဆိုင်ကယ်ပေါ်ကကလေးတွေကိုလည်း
တယောက်ကို ၃၊၄ယောက်နှုန်းနဲ့ရိုက်တယ်။ကလေးတွေကခေါင်းလေးတွေကို လက်တွေနဲ့ပွေ့ပြီးတော့ ဒီလိုပဲလူးလဲပြီးအရိုက်ခံနေရတာကိုတွေ့တယ်။ ကိုယ့်ကိုကိုယ်လည်း မရုန်းကန်နိုင်သလို သူတို့ကိုလည်းမကူညီနိုင်ဘူးဖြစ်တယ်။ကျမကိုရိုက်နေတုန်းမှာ နင်တို့ကို အောင်ဆန်းစုကြည်ကဘာတွေ
လုပ်ပေးနေလို့လဲ၊နင်တို့ကုလားမယားဖြစ်ချင်လို့လား။ငါ့ယူပါလားဆိုပြီးရိုက်နေတဲ့အချိန်မှာ
သူတို့ကတံတားဆောက်လမ်းပြင်နေတာ၊သူတို့ကစွမ်းအားရှင်တွေတဲ့ဆိုပြီးကျမနားကိုဝါးချွန်နဲ့ထိုးလိုက်တယ်။
ခေါင်းကိုဖိရိုက်လိုက်တော့ မေ့တချက်၊မမေ့တချက်ဖြစ်နေတယ်။ကျမရှေ့ကကားပေါ်မှာလည်း
လူ၂ယောက်သေနေတယ်။ တယောက်ကအဖွဲ့ဝင်နောက်တယောက်ကဓါတ်ပုံဆရာ၊တယောက်ကမသေခင်လေးမှာ ကျနော့်သမီးလေးကိုစောင့်ရှောက်ပါလို့ပြောနေသံကိုကြားရတယ်။အဲလိုဖြစ်ပြီးမှောင်ပြီးငြိမ်သွားတဲ့အချိန်မှာ ကျမတို့ရှိတဲ့နေရာကိုရွာသား၎၊၅ယောက်လောက်နဲ့ဘုန်းကြီးတပါးလာတယ်၊ ကျမကကျမကိုကူညီပါဆိုပြီးသူတို့နဲ့လိုက်သွားတယ်။ကျမကားပေါ်ကကားသမားက မျက်လုံးထွက်ပြီးသေနေတယ်။ ကျမဘေးကဆိုက်ကယ်ပေါ်ကကလေးတွေက ခြေတွေ လက်တွေကိုးလိုးကန့်လန့်တွေဖြစ်ပြီးသေနေကြတယ်။
ကားမှန်တွေကိုလည်း ရိုက်ခွဲထားတယ်။ မီးသီးတွေကိုလည်းခွဲထားတယ်။တချို့ကားတွေကိုရေမြောင်းထဲထိုးချထားတာ ကိုလည်းကျမတွေ့ရတယ်။ကျမပတ်ဝန်းကျင်ကိုကြည့်လိုက်တော့သေပြီလို့ယူဆလို့ရတဲ့ လူပေါင်း ၈၀လောက်တွေ့ရတယ်။အာဏာပိုင်တွေရဲ့နောက်ထပ်ဖိနှိပ်မှုကတော့ ဒီပဲယင်းလုပ်ကြံမှုကနေ အသက်မသေဘဲလွတ်မြောက်လာခဲ့တဲ့အန်အယ်လ်ဒီအဖွဲ့ဝင်တွေ၊ကျောင်းသားပြည်သူတွေကို
ဖမ်းဆီးပြီးထောင်ဒါဏ်တွေချတယ်၊ဦးတင်ဦးဆိုရင်ကလေးထောင်မှာ၉လနီးပါးအကျဉ်းကျခံရပြီး၇နှစ်
ကြာနေအိမ်အကျယ်ချုပ်နေခဲ့ရတယ်။

ဒီပဲယင်းအရေးအခင်းနောက်ပိုင်းမှာတော့ဒေါ်စုကိုစစ်အစိုးရကနေအိမ်မှာလာရောက်ဆွေးနွေး
ညှိနှိုင်းခဲ့ပါတယ်။အဲဒီဆွေးနွေးပွဲတွေမှာ ဒေါ်စုကအမျိုးသားပြန်လည်ရင်ကြားစေ့ရေးအတွက်ဆိုရင်
ဒီပဲရင်းလုပ်ကြံမှုနဲ့ပတ်သက်လို့နစ်နာမှုတွေကိုသင်ပုန်းချေပါတယ်လို့ပြောခဲ့ပါတယ်
ဒေါ်စုကဆက်ပြီးတော့ပြောတာက နိုင်ငံတော်မှာအစစအရာရာချို့ယွင်းနေတဲ့ကိစ္စ၊
နိုင်ငံရေး၊ကျန်းမာရေး၊စီးပွားရေး၊လူမှုရေးဒါတွေအားလုံးကိုပူးပေါင်းပြီးကူညီဆောင်ရွက်နိုင်ဖို့ အတွက်ဒီပဲရင်းဖြစ်တဲ့ကိစ္စကိုဘာမှမပြောဘူး၊နိုင်ငံရေးအကျဉ်းသားတွေကိုလွှတ်ပေးဖို့၊
အဖွဲ့ချုပ်ရုံးတွေကိုပြန်ဖွင့်ပေးဖို့နဲ့ ၊တတိုင်းပြည်လုံးနဲ့ ပတ်သက်တဲ့ရှေ့အစဉ်အလာကောင်းပြီးတော့
အကျိုးတူစီးပွားရည်စူးပြီးတော့တွေ့ဆုံဆွေးနွေးအဖြေရှာဖို့၊ဒါပေမဲ့စစ်အစိုးရက လက်မခံတဲ့အတွက်ရင်ကြားစေ့ရေးကိစ္စပျက်သွားခဲ့ပါတယ်။ဒီပဲယင်းလုပ်ကြံသတ်ဖြတ်မှုမှာ
ကိုယ်တိုင်ကြုံတွေ့ခဲ့ရတဲ့အန်အယ်လ်ဒီ အဖွဲ့ဝင်တွေကတော့တရားမျှတမှုအနေနဲ့ကတော့ဖြစ်ရပ်မှန်ကိုဖော်ထုတ်ဖို့လိုသလို လိုအပ်မယ်ဆိုရင်ခေါင်းဆောင်တွေရဲ့သင်ပုန်းချေရေးကိစ္စကိုလိုက်နာဖို့ အဆင်သင့် ရှိနေတယ်လို့လည်းရနှစ်မြောက်နှစ်ပတ်လည်နေ့မှာပြောသွားပါတယ်။ဒီပဲယင်းလုပ်ကြံသတ်ဖြတ်မှုမှာ
သေဆုံးသူအတိအကျမသိရပေမဲ့ သေဆုံးသူ၁၀၀ကျော်လောက်ရှိတယ်လို့ခန့်မှန်းကြပါတယ်။