ဟန်ပြ ပြည်သူ့လွှတ်တော်

ဖွဲ့စည်းပုံအခြေခံဥပဒေအရ ပေါ်ပေါက်လာတဲ့အစိုးရရဲ့ ပြည်သူ့လွှတ်တော် အတွင်းက နေပြီးဒီမိုကရေစီရရှိရေးကို တဆင့်ပြီးတဆင့်ဆောင်ရွက်သွားမယ် လို့ စိတ်ကူးထားကြတဲ့ နိုင်ငံရေးပါတီတွေက ရွေးကောက်ခံ ရတဲ့ပြည်သူ့လွှတ်တော် ကိုယ်စားလှယ်တွေ ပထမ ဦးဆုံးအကြိမ်ကျင်းပတဲ့ ပြည်သူ့ လွှတ်တော်အစည်းအဝေးမှာပဲ စစ်အစိုးရရဲ့သဘောထား အမှန်ကို ရှင်းရှင်းလင်းလင်းသိလိုက်ရပါပြီ။

ကြံ့ဖွံ့ အနိုင်ရရှိရေး အတွက်နည်းမျိုးစုံနဲ့ကြိုးပမ်းပြီး စိတ်ကျေနပ်လောက်တဲ့ ပြည်သူ့ လွှတ်တော် ကိုယ်စားလှယ် အရေအတွက် ရတော့မှ စစ်ဦးဘီလူးဆိုတဲ့စစ်ရေးအမြင်နဲ့ ပြည်သူ့လွှတ်တော်ကိုဆက်လက်ကျင်းပခဲ့တာပါ။ နအဖလက်ထက်က ၀န်ကြီးချုပ်၊ ဗိုလ်ချုပ် တွေအဖြစ်ကနေ အသွင် ပြောင်းလာတဲ့ သူတွေက လက်ရှိသမ္မတ၊ ဒုသမ္မတ၊ ပြည်သူ့လွှတ် တော်ဥက္ကဌ နဲ့ အမျိုးသားလွှတ်တော်ဥက္ကဌ စတဲ့နေ ရာ တွေကို ခွဲဝေယူပြီးတဲ့နောက် စစ်အစိုးရရဲ့ အမိန့်ကိုနာခံ လုပ်ဆောင်မဲ့သူတွေကို အရေးပါ တဲ့နေရာတွေ မှာတာဝန်ယူနိုင်ဖို့ ဆက်လက်စီမံဆောင် ရွက်လာတာကိုတွေ့ရမှာဖြစ်တယ်။

၂၀၀၈ ဖွဲ့စည်းပုံအခြေခံဥပဒေထဲမှာ ဥပဒေပြုရေး၊ တရားစီရင်ရေးနဲ့ အုပ်ချုပ်ရေး တို့ကို စီမံခန့်ခွဲရမဲ့သူတွေ အတွက်လုပ်ငန်းရဲ့ သဘောသဘာဝအရလိုအပ်တဲ့အရည်အချင်းတွေကို ထည့်သွင်းပြဌာန်းထားတာကိုတွေ့ရမှာပါ။ ဒီလိုထည့်သွင်းပြဌာန်းရတာကလဲ မိမိစီမံခန့်ခွဲ တာဝန်ယုလုပ်ဆောင်တဲ့နေရာတွေမှာ အမှားတွေနည်းနိုင်သမျှနည်းအောင်စီမံဆောင် ရွက်နိုင်မှာဖြစ်တယ်။ နအဖလက်ထက်က ၀န်ကြီးဖြစ်တဲ့သူဟာ လုပ်ငန်းကျွမ်းကျင်ဖို့မလိုပါဘူး၊

စစ်အစိုးရကိုသစ္စာခံပြီးအမိန့်အတိုင်းဆောင်ရွက်နိုင်ဖို့ပဲလိုတာပါ။ဝန်ကြီးရဲ့အောက်မှာ ရှိတဲ့ ပညာရှင်တွေက အသင့်ပြင်ဆင်ထားပြီးသားကိုပြောယုံ၊ လက်မှတ်ထိုး ယုံပါပဲ။ ဖွဲ့စည်းပုံအခြေခံ ဥပဒေ ပေါ်ပေါက်လာပြီးပြည်သူကရွေးချယ်လိုက်တဲ့ ပြည်သူ့လွှတ်တော် ကိုယ်စားလှယ်ဖြစ်လာပြီဆိုရင်တော့ မိမိကိုမဲပေးရွေးချယ်တဲ့ ပြည်သူလူထုကိုတာဝန်ခံရ တော့မှာဖြစ်တယ်။

နိုင်ငံရဲ့ အကြီးအကဲဖြစ်တဲ့သမ္မတ ကိုယ်တိုင်က ဖွဲ့စည်းပုံအခြေခံဥပဒေ အရ ခန့်အပ်တာဝန်ပေးတဲ့အခါမှာလဲ ဖွဲ့စည်းပုံ အခြေခံဥပဒေပါပြဌာန်းချက်များကို အတိ အကျလိုက်နာဆောင်ရွက်ဖို့လိုပါတယ်။မိမိတို့စိတ် တိုင်းကျရေးဆွဲထားတဲ့ ဥပဒေပြဌာန်းချက် ကိုမိမိတို့ကိုယ်တိုင်က လိုက်နာမှုမရှိရင်တော့ ကျန် ပြည်သူများအနေနဲ့ပိုပြီး လိုက်နာ ဆောင်ရွက်ဖို့ ခဲ့ယဉ်းပါလိမ့်မယ်။ ယခုကျင်းပနေတဲ့ ပြည်သူ့လွှတ်တော်ဟာ ဟန်ပြမျှ သာဖြစ်တယ်ဆိုတာကို မြန်မာနိုင်ငံသားများနဲ့ နိုင်ငံတကာ က သိရှိထားပြီး သတိနဲ့စောင့် ကြည့် နေကြတာဖြစ်တယ်။

ပြည်သူ့လွှတ်တော်အစည်းအဝေး ကို တရက်မှာ ၁၅ မိနစ် လောက်သာကျင်းပဖြစ်တာ၊ မိမိလိုချင်တဲ့ပုံစံကိုမရရအောင်စီမံဖန်တီး နေတာကိုမသိချင် မမြင်ချင်အဆုံးကြားသိနေရပါတယ်။ ဥပမာအားဖြင့် ပြည်ထောင်စုရွေးကောက်ပွဲကော်မရှင်ဥက္ကဌအဖြစ် ခန့်အပ်ရွေးချယ်တာကို ကြည့်ရင်ပိုလို့သိသာ ထင်ရှားစေပါတယ်။ ပြည်ထောင်စု ရွေးကောက်ပွဲကော်မရှင်ဥက္ကဌ အနေနဲ့ထမ်းဆောင်ရမဲ့ လုပ်ငန်းတာဝန်ဟာများ ပြားရှုပ်ထွေးလှပါတယ်။ ရွေးကောက်ပွဲဝင်ဖို့ နိုင်ငံရေးပါတီ တွေမှတ်ပုံတင်တာကစလို့ ရွေးကောက်ပွဲဆိုင်ရာဆိုင်ရာဥပဒေတွေ နဲ့ နိုင်ငံရေးပါတီများ ဆိုင်ရာ နည်းဥပဒေတွေကို ထုတ်ပြန်ပြဌာန်းဖို့တာဝန်ရှိတဲ့အဖွဲ့ဖြစ်တယ်။

ဒီလိုလေးနက်တဲ့လုပ်ငန်း သဘောသဘာဝအရ ရွေးကောက်ပွဲကော်မရှင်ဥက္ကဌဖြစ်သူဟာ တရားရုံးတရားသူကြီးချုပ်၊ ဒါမှမဟုတ် တရားရုံးချုပ် တရားသူကြီးဒါမှမဟုတ် ပြည်နယ်နဲ့တိုင်းတွေမှာ ဥပဒေအရာရှိအဖြစ်ဆောင်ရွက်ဖူးတဲ့ သူတွေ၊ ဥပဒေနဲ့ကျွမ်းဝင်မှုရှိတဲ့သူတွေကို ပထမဦးစားပေးခန့်ထားရမှာဖြစ်တယ်။ အဲဒီလိုပညာရှင်တွေရှာလို့မရတော့မှ နှစ် ပေါင်း ၂၀ ကျော် တရားရုံးချုပ်ရှေ့နေအဖြစ် လိုက်ပါဆောင်ရွက်ဖူးသူကို ရွေးချယ်ခန့်အပ် ရမှာဖြစ်တယ်။ ဘာဖြစ်လို့လဲဆိုတော့ ရွေးကောက်ပွဲနဲ့ပတ်သက်တဲ့ပြသနာတွေ ပေါ်ပေါက်လာရင် ကော်မရှင်ကဖွဲ့စည်းပေးတဲ့ ရွေးကောက်ပွဲခုံအဖွဲ့ရဲ့အဆုံးအဖြတ်က အဓိကကျနေလို့ပါပဲ။

ရွေးကောက်ပွဲကော်မရှင် ဥက္ကဌဖြစ်တဲ့သူက ပြဌာန်းဥပဒေတွေကို နားလည် ကျင့်သုံး တတ်မှသာ ရွေးကောက်ပွဲကနေ ပေါ်ပေါက်လာတဲ့ မှုခင်းတွေကိုဖြေရှင်းနိုင်မှာပါ။ ဒါမှလဲနိုင်ငံရေးပါတီများကလည်း ရွေးကောက်ပွဲကော်မရှင်အဖွဲ့ကိုယုံကြည်မှုရှိလာမှာပါ။
ယခုသမ္မတကိုယ်တိုင်က ရွေးချယ်အမည်စာရင်း တင်သွင်းပြီးပြည်သူ့လွှတ်တော်ကိုယ်စားလှယ်များရဲ့ အတည်ပြုချက်နဲ့ ကော်မရှင်ဥက္ကဌဖြစ်လာသူ ဦးတင်အေးရဲ့ ကိုယ်ရေးမှတ်တမ်း ကိုလေ့လာကြည့်တဲ့အခါ နအဖရဲ့စစ်တပ်အတွင်းမှာ ဒုတိယ ဗိုလ်ချုပ်ကြီးအဆင့် တာဝန်၊ နိုင်ငံတော် အေးချမ်းသာယာရေးနဲ့ ဖွံ့ဖြိုးရေးကောင်စီအဖွဲ့ဝင်၊ နောက်တခါ ဦးပိုင်လိမိတက် ဥက္ကဋ္ဌစတာတွေကိုထမ်းဆောင်ခဲ့ဖူးကြောင်းတွေ့ရပါတယ်။

၂၀၀၈ မှာအတည်ပြုခဲ့တဲ့ဖွဲ့စည်းပုံအခြေခံဥပဒေ ပုဒ်မ ၃၉၈ အပိုဒ် (ခ) မှာ ဖေါ်ပြထားတဲ့ ရွေးကောက်ပွဲ ကော်မရှင်ဥက္ကဌ ရဲ့ အရည်အချင်းကန့်သတ်ချက်တွေနဲ့ညီညွတ်တာကို မတွေ့ ရပါဘူး၊ ရွေးကောက်ပွဲ ကော်မရှင်ရဲ့ထူးခြားတဲ့ အခြေအနေကြောင့် အထူးသတ်မှတ်ပြဌာန်း ထားတဲ့ကန့်သတ်ချက်တွေနဲ့ညီညွတ်ခြင်းမရှိတာကို သိလျက်နဲ့နိုင်ငံတော်သမ္မတက ရွေးချယ်ခန့်ထားတာကလဲ စဉ်းစားစရာပါ။

နောင်လာမဲ့ ရွေးကောက်ပွဲတွေမှာ စစ်အစိုးရ ရဲ့ ကြံ့ဖွံ့ပါတီကပဲ ဆက်လက်ဦးဆောင် လှုပ်ရှားသွားနိုင်အောင် ကြိုတင်ပြင်ဆင် ထားသလို ဖြစ်နေတာကိုတွေ့ရပါတယ်။ ထူးခြားတာက ပြည်သူတွေကိုကိုယ်စားပြုပြီးဒီမိုကရေစီရေး အတွက်ဆောင်ရွက်မဲ့ တိုင်းရင်းသားပါတီများနဲ့ အခြားနိုင်ငံရေးပါတီများကလည်း ကန့်ကွက် မှုတွေမရှိပဲ အတည်ပြုလိုက်တာကလဲစဉ်းစားစရာပါ။ ကန့်ကွက်ဖို့ရာ အချိန်လုံလောက်စွာမရ အောင်စီမံဖန်တီးပြီးမှခန့်အပ်လိုက်တာလို့လဲ ကွယ်ရာမှာ လက်ခမောင်းခပ်တဲ့ ပြည်သူ့လွှတ် တော်ကိုယ်စားလှယ်များလဲရှိပါတယ်။ ဒီလို ဖွဲ့စည်းပုံအခြေခံဥပဒေမှာ အတိအကျ ထည့်သွင်း ပြဌာန်းထားပါလျက် နိုင်ငံတော်သမ္မတကိုယ်တိုင်ကလေးစားလိုက်နာခြင်းမရှိပဲလုပ်ဆောင် လိုက် တာဟာ ပြည်သု့လွှတ်တော်တက်ရောက်နေတဲ့ ပြည်သူ့လွှတ်တော်ကိုယ်စားလှယ် များကို ဂရုစိုက်၊ အလေးထားစရာမလိုဘူး၊ ငါတို့လုပ်ချင်တာလုပ်လို့ရတယ်လို့ဖေါ်ပြလိုက် တာဖြစ်ကြောင်းတင်ပြလိုက်ရပါတယ်ခင်ဗျား။

အာရှလူ့အခွင့်အရေးကော်မရှင်မှ ရှေ့နေ ဦးမင်းလွင်ဦးအာအက်ဖ်အေအတွက်ရေးသားပေးပို့ထားသော ဆောင်းပါးဖြစ်သည်။