တောင်သူလယ်သမားများအခွင့်အရေးနဲ့ဥပဒေများ

သမတကြီးဦးသိန်းစိန်က တောင်သူလယ်သမားများ၊ အလုပ်သမားများရဲ့ လူမှုစီးပွားဘ၀ ဖွံ့ဖြိုးတိုးတက်လာအောင် အားပေးပံ့ပိုး ဆောင်ရွက်သွားဖို့ဆုံးဖြတ်ထားပြီးဖြစ်တယ်။ တောင်သူလယ်သမားများရဲ့ အခွင့်အရေးကို ကာကွယ်စောင့်ရှောက်တဲ့ ပြဋ္ဌာန်း ဆောင်ရွက် သွားမယ် လို့လဲဆိုပါတယ်။စိုက်ပျိုးရေးကဏ္ဍဖွံ့ဖြိုးတိုးတက်ရေးနဲ့ လယ်ယာထွက်ကုန် အရည် အသွေး မြင့်မားရေး အတွက်ဆောင်ရွက်သွားမယ်လို့မိန့်ခွန်းထဲမှာ ထည့်သွင်းပြောကြားခဲ့ပါတယ်။


ခေတ်အဆက်ဆက်က ပြဌာန်းခဲ့တဲ့ မြေနဲ့အခွန်တော်အက်ဥပဒေ၊ အထက်မြန်မာပြည်မြေနဲ့ အခွန်တော်ဥပဒေ တွေက မြေယာနဲ့ပတ်သက်လို့ ဘယ်လိုအဓိပ္ပါယ်ဖွင့်ဆိုပါစေ ၂၀၀၈ ဖွဲ့စည်းပုံ အခြေခံဥပဒေအရ နိုင်ငံတော်သည် ရေ၊မြေ ၊လေတို့ရဲ့ပင်ရင်းပိုင်ရှင်ဖြစ်တယ်လို့ အတိအလင်း အဓိပ္ပါယ်ဖွင့်ဆိုပြဌာန်းထားတဲ့ အတွက် စိုက်ပျိုးစားသောက်နိုင်တဲ့ လယ်ယာမြေ သာမက မြေလွတ်မြေလပ် မြေရိုင်းအားလုံးကိုပါနိုင်ငံတော်ကပိုင်ဆိုင်တယ်လို့ပြောရမှာ ဖြစ် တယ်။ဒါကြောင့် အုပ်ချုပ်သူအစိုးရဟာ လယ်ယာမြေအပါအ၀င်မြေယာ စီမံခန့်ခွဲမှု အားလုံး ကိုလည်း သတ်မှတ်ပြဌာန်း ထားတဲ့ ဥပဒေများနဲ့အညီဆောင်ရွက်ပြီး၊ လယ်ယာမြေတွေ အပေါ်မှာ လုပ်ကိုင်စားသောက်နေကြတဲ့ တောင်သူလယ်သမားတွေရဲ့ အခွင့်အရေးနဲ့ နေထိုင်မှု ဘ၀မြင့်မားမှုတွေကိုလဲ အတတ်နိုင်ဆုံး ဆောင်ရွက်ပေးဖို့တာဝန်ရှိတာဖြစ်ပါတယ်။


တချိန်က အရှေ့တောင်အာရှရဲ့ စပါးကျီလို့အသိအမှတ်ပြုခဲ့ရတဲ့မြန်မာပြည်ဟာ အုပ်ချုပ်သူ အစိုးရ အဆက်ဆက်ရဲ့ စီမံခန့်ခွဲမှုညံ့ဖျင်းတဲ့ အတွက် ထိုင်း၊ ဗီယက်နမ်စတဲ့ နိုင်ငံတွေရဲ့ နောက် မှာကျန်ခဲ့တာက ထင်ရှားတဲ့ သာဓကတခုဖြစ်ပါတယ်။ တောင်သူလယ်သမားတွေ အနေနဲ့ မိမိစိုက်ပျိုးလိုတာကို လွတ်လပ်စွာ စိုက်ပျိုးခွင့်မရတာ ၊စိုက်ပျိုးရရှိတဲ့ ဆန်စပါးကို လွတ်လပ်စွာ ရောင်းချခွင့်မရတာ၊တောင်သူလယ်သမားတွေရဲ့ဆန္ဒမပါပဲ အတင်းအဓမ္မ စီမံကိန်းသီးနှံလို စိုက်ပျိုးခိုင်းတာ၊ ဥပမာ ပဲ၊ နှမ်းအထွက်ကောင်းတဲ့ဒေသမှာ ဆန်စပါးကို အချိန်ခါမဟုတ်ပဲ စိုက် ပျိုးခိုင်းတာတွေ၊ နောက်တခါ စိုက်ပျိုးထွက်ရှိလာတဲ့ ထွက်ကုန်တွေကို အစိုးရကိုယ်တိုင်က ဈေးနှိမ် ၀ယ်ယူတာ၊ကြိုတင်ချေးငွေထုတ်ပေးပြီး၊ အဆင့်အတန်းမမှီတဲ့မြေဆီမြေသြဇာတွေ ပေါက်ဈေး ထက်ပိုပြီးရောင်းချခဲ့တာတွေကြောင့် တောင်သူလယ်သမားတွေ အတိဒုက္ခ ရောက်ခဲ့ရပါတယ်။ ယခင်စစ်အစိုးရအနေနဲ့ တောင်သူလယ်သမားတွေရဲ့နေထိုင် စားသောက် မှုဘ၀မြင့်မားရေးအတွက် ထင်ရှားတဲ့ဆောင်ရွက်ချက်တွေ တခုမှမတွေ့ရပါဘူးလို့ပြောနိုင် ပါတယ်။


အစိုးရအသစ် လက်ထက်မှာတော့ တောင်သူလယ်သမားတွေရဲ့အခွင့်အရေးနဲ့ လုပ်ပိုင်ခွင့်တွေ ကို အကာအကွယ် ပေးမယ်လို့ ဆိုထားတဲ့အတွက် လျင်မြန်စွာဆောင်ရွက် အကာအကွယ်ပေး နိုင်ဖို့လိုပါတယ်။ လယ်ယာမြေနိုင်ငံပိုင် ပြုလုပ်ရေးဥပဒေအရ နိုင်ငံတော်က လယ်ယာမြေတွေ ကိုသိမ်းယူနိုင်တာမှန်ပေမဲ့ သိမ်းယူတဲ့ လယ်ယာမြေတွေကို ထိရောက်စွာ အသုံးချ နိုင်ဖို့လိုပါတယ်၊ အာဏာပိုင်တွေက လယ်ယာမြေတွေကို သိမ်းယူပြီး တောင်သူ လယ်သမား တွေကို သီးစားပြန်လည်ချထား လုပ်ဆောင်နေတာတွေ၊ သီးစားအထွက် တိုးအကျိုးတူစိုက်ပျိုးခိုင်းပြီး တောင်သူလယ်သမားတွေအပေါ် ခေါင်းပုံဖြတ်နေတာတွေ၊ အမတော်ကြေးအဖြစ် ထုတ်ချေးးတဲ့ငွေကို ပြန်လည်မဆပ်နိုင်တဲ့အခါ ဖမ်းဆီးထောင်ချ အရေးယူဖို့ခြိမ်းခြောက်တာတွေ၊ စည်းကမ်းချက်ထားရှိပြီး လယ်ယာမြေသိမ်းယူနိုင်ဖို့ စာချုပ်ချုပ် ဆို ပြီးငွေချေးငှားနေတာတွေ၊ ချေးငွေပြန်မဆပ်နိုင်တဲ့အခါ လယ်ယာမြေ သိမ်းယူနေတာတွေဟာ ပြဌာန်းထားတဲ့ ဥပဒေတွေ နဲ့ညီညွတ်မှုမရှိဘူးဆိုတာကို အာဏာပိုင်တွေသိပါတယ်။ တရားရုံးချုပ်ညွှန်ကြားလွှာအမှတ်၈/၆၅၊ တရားရုံးများ ညွှန်ကြား လွှာလက်စွဲ ၁၉၄၆-၁၉၇၀ စာမျက်နှာ ၁၁၈ နံပါတ် ၆ မှာ- မသိနားမလည်တဲ့တောင်သူလယ်သမားများ ကိုခြိမ်းခြောက် ၍ဖြစ်စေ၊ လိမ်လည်လှည့်ဖြား၍ ဖြစ်စေ၊ အခြားမသမာတဲ့ နည်းဖြင့်ဖြစ်စေ ၎င်းတို့ရရန်ရှိတဲ့ သီးစားခငွေများကို ချေးငွေအဖြစ် အော်ဒီမန်စာချုပ်၊ဒါမှမဟုတ် အခြားကတိစာချုပ်များ ချုပ်ဆိုစေပြီး၊ တရားမကြောင်းအရ ငွေပြန်ရလိုမှု တရားစွဲဆိုခြင်းအပြင် ရာဇ၀တ်ကြောင်း အရလည်း လိမ်လည်မှု၊ အလွဲသုံးစားမှု စသည့်အမှုများနဲ့ တရားစွဲဆိုမှုများရှိပါသည်။


တရားစွဲဆိုခံရသူမှာ တောင်သူလယ်သမားဖြစ်ပါ က တရားရုံးများအနေဖြင့် အထက်ပါအချက်များကို သတိကြီးစွာ ထား၍ အမှုကိုစစ်ဆေးရန် ညွှန်ကြားထားပါတယ်။ တရားမမှုစစ်ဆေးစဉ် ဒါမှမဟုတ် ရာဇ၀တ် မှုများမှာပဏာမ ရဲစုံစမ်းခြင်းကို ပြုလုပ်ပြီးတဲ့အခါ အမှုရဲ့ဖြစ်ရပ်မှန်မှာ မြေရှင်က တောင်သူ လယ်သမား တွေအပေါ်မှာ အထက်ကဖေါ်ပြထားတဲ့ နည်းလမ်း များနဲ့တရားစွဲဆိုတာ ဖြစ်တယ်လို့ တွေရှိရရင် အမှုကိုပလပ်ပြီး အကျိုးအကြောင်း အ ကျဉ်းချုပ်ကို တရားရုံးချုပ်သို့ အစီရင်ခံရန် ညွှန်ကြားအပ်ပါသည် လို့ဖေါ်ပြပြီး တရားရုံး အဆင့်ဆင့်ကိုလိုက်နာဆောင်ရွက်ဖို့ ညွှန်ကြားခဲ့ ပါတယ်။


တရားရုံးတွေမှာစီးပွားရေးကုမ္ပဏီ တွေက ပြစ်မှုကြောင်းနဲ့အရေးယူဖို့ လုပ်တာဟာ ဥပဒေနဲ့ မညီမှန်းသိပေမဲ့လဲ အမှုတွေ ဖွင့်လှစ်ပြီး စစ်ဆေးဆောင်ရွက်အရေးယူ အပြစ်ပေးနေ တာကိုတွေ့ရပါတယ်။ အားကိုးရာမဲ့နေတဲ့တောင်သူလယ်သမားတွေ အပေါ် ဒီလိုတဖက်သပ် လုပ်ဆောင်နေတာတွေ ကို ရပ်တန့်သွားအောင် အစိုးရသစ် အနေနဲ့ ကာကွယ်စောင့်ရှောက် ပေးဖို့လိုပါတယ်။ ၁၉၅၃ ခုနှစ် လယ်ယာမြေနိုင်ငံပိုင် ပြုလုပ်ရေးဥပဒေ အရ လယ်ယာမြေကို နိုင်ငံတော် ပိုင်သိမ်း ယူမယ်ဆိုရင် ဥပဒေပြဋ္ဌာန်းချက်များကို တိတိကျကျလိုက်နာဖို့လိုပါ တယ်။


၁၉၆၃ခုနှစ် တောင်သူလယ်သမား အခွင့်အရေး ကာကွယ်တဲ့ဥပဒေ၊ သီးစားချထားရေး ဥပဒေပါပြဋ္ဌာန်းချက်များကို အလေးထား လိုက်နာ ဆောင်ရွက်ဖို့လိုပါတယ်။ မိမိတို့လိုတဲ့ ဥပဒေပြဌာန်းချက်ကိုပဲ ထုတ်နှုပ်အသုံးပြုဖို့မဟုတ်ပါဘူး။ တောင်သူလယ်သမား တွေရဲ့ လယ်ယာမြေတွေကို သိမ်းယူ မယ် ဆိုရင် ထိုက်သင့်တဲ့လျော်ကြေးငွေကို နိုင်ငံတော်က ပေးရမှာ ဖြစ်တယ်။ လက်မဲ့ဖြစ်သွားတဲ့ တောင်သူလယ်သမားတွေလုပ်ကိုင် စားသောက်နိုင်ဖို့ မိသား စုဝင်လူဦးရေ နဲ့ညီမျှတဲ့လယ်ယာမြေကို အစားထိုးလုပ်ကိုင်ဖို့ ဆောင်ရွက်ပေးရမှာ ဖြစ်တယ်။


သိမ်းယူတဲ့ လယ်ယာမြေဟာလဲ နိုင်ငံတော်အတွက်လိုအပ်တဲ့ ကိစ္စရပ်တွေမှာ အသုံးပြုဖို့ ဖြစ်ပါတယ်။ စစ်တပ်၊ ဦးပိုင်ကုမ္ပဏီ၊ စီးပွားရေးကုမ္ပဏီတွေက တဆင့် သီးစား ပြန်လည် ချထားဖို့ မဖြစ်စေ ရပါဘူး။မြန်မာနိုင်ငံရဲ့ပြည်ပ၀င်ငွေပိုမိုရရှိစေဖို့ရာ လယ်ယာမြေ များ ထမြောက်အောင် စိုက်ပျိုး လုပ်ကိုင်ခြင်းအပေါ် မူတည်လျက်ရှိတဲ့အတွက် တောင်သူ လယ်သမားများ အေးချမ်းစွာ လယ်ယာလုပ်ကိုင် စားသောက်နိုင်ဖို့အတွက် တရားဥပဒေပြဌာန်း ချက်များနဲ့အညီ လယ်ယာ မြေမှုခင်း များကိုစစ်ဆေးစီရင်ပြီး တရားဥပဒေစိုးမိုးရေးကို ဆောင်ရွက်ဖို့ အချိန်တန်ပြီ ဖြစ်ကြောင်းတင် ပြလိုက်ရပါတယ်ခင်ဗျား။


အာရှလူ့အခွင့်အရေးကော်မရှင်မှ ရှေ့နေဦးမင်းလွင်ဦး အာအက်ဖ်အေအတွက် ရေးသားပေးပို့ထားသော ဆောင်းပါးဖြစ်သည်။