တောင်သူလယ်သမားများ နှင့် အလုပ်သမားအသင်းအဖွဲ့များပေါ်ပေါက်ရေး

၂၀၀၈ ခုနှစ်မှာ အတည်ပြုခဲ့တဲ့ ဖွဲ့စည်းပုံအခြေခံဥပဒေအရ တောင်သူလယ်သမားများနဲ့ အလုပ်သမားများအတွက်
လိုအပ်သည့် ဥပဒေများကို သီးသန့်ပြဌာန်း ဆောင်ရွက်ပေးမယ် လို့ဆိုထားပါတယ်။ မြန်မာနိုင်ငံရဲ့ သမိုင်းအဆက်ဆက်မှာ တောင်သူလယ်သမားများ နဲ့ အလုပ်သမားများရဲ့ လှုပ်ရှားမှုတွေကြောင့်မြန်မာနိုင်ငံရဲ့သမိုင်းတွေပြောင်းလဲခဲ့ရတယ်ဆိုတာကို တက်လာတဲ့ အစိုးရတိုင်းကသိပါတယ်။


ဒါကြောင့်လဲ ရွေးကောက်ပွဲမတိုင်ခင်ကာလတွေမှာ ရွေးကောက်ပွဲ ၀င်မဲ့လွှတ်တော်အမတ်တွေက ရွေးကောက်ပွဲမှာ အနိုင်ရခဲ့ရင် တောင်သူလယ်သမားတွေ အတွက်ဘယ်လိုဆောင်ရွက်ပေးမယ်။ အလုပ်သမားတွေရဲ့အလုပ်ချိန်နဲ့ လုပ်ခလစာတိုးတက် ရရှိဖို့အတွက် ဦးစားပေးဆောင်ရွက်ပေးမယ်ဆိုပြီး မဲဆွယ်စည်းရုံးခဲ့တာက ထင်ရှားတဲ့သာဓက တခုပါ။


တော်လှန်ရေးကောင်စီက အာဏာသိမ်းပြီးတဲ့နောက်ပိုင်းမှာ အလုပ်သမား လယ်သမား တွေရဲ့ ထောက်ခံမှုတွေရဖို့အတွက် ခပေါင်း၊ဒူးယားစတဲ့ ညီလာခံတွေလုပ်ပေး ပြီးတောင်သူ လယ်သမား နဲ့အလုပ်သမားတွေကို စည်းရုံးသိမ်းသွင်းခဲ့တာပါ။ တောင်သူလယ်သမား အခွင့်အရေးကာကွယ်ရေးဥပဒေ၊ သီးစားချထားရေးဥပဒေ နဲ့ အလုပ် သမား အခြေခံရပိုင်ခွင့်များနဲ့ တာဝန်များ ဥပဒေတွေကိုပြဌာန်းပေးပြီး တောင်သူလယ်သမား အစည်းအရုံးနဲ့ အလုပ်သမားအစည်းအရုံးတွေကို အစိုးရကိုယ်တိုင် ဦးဆောင် ဖွဲ့စည်းပြီး တောင်သူလယ်သမားနဲ့ အလုပ်သမားတွေကို ထိန်းချုပ်ဖို့ကြိုးစား ခဲ့တာပါ။


ဆိုရှယ်လစ်ပန်းတိုင်ကို မြန်မာ့နည်းမြန်မာ့ဟန်နဲ့ ချီတက်လို့မအောင်မြင်တာက တပိုင်းပေါ့ ဆိုလိုချင်တာက ခေတ်အဆက်ဆက် အစိုးရတိုင်းက တောင်သူလယ်သမားများနဲ့ အလုပ် သမားတွေရဲ့စားဝတ်နေရေးနဲ့ဘ၀လုံခြုံမှုရှိစေဖို့ အခွင့်အရေးများနဲ့ ရပိုင်ခွင့်တွေသတ်မှတ် ပြဌာန်းပြီးအကာအကွယ်ပေးရတယ်ဆိုတာကိုပြောချင်တာပါ။


၁၉၈၈ နောက်ပိုင်းစစ်အစိုးရ တက်လာတဲ့အခါမှာ တံခါးဖွင့်ပေါ်လစီနဲ့ ဈေးကွက်စီးပွားရေးစံနစ် ကို ကျင့် သုံးမယ်လို့ကျေညာပြီး ယခင်အစိုးရလက်ထက်ပြဌာန်းခဲ့တဲ့ ဥပဒေတွေဟာ ခေတ် စံနစ် နဲ့ မကိုက်ညီ၊ ခေတ်နဲ့အညီတိုးတက်လာပြီဖြစ်တဲ့ အတွက်ပြုပြင်ပြောင်းလဲဖို့ လိုအပ် တယ်၊ အချို့ကိုပယ်ဖျက်ပစ်ရမယ်၊ ပြင်ဆင်ဖြည့်စွက်ရမယ် စသဖြင့် အကြောင်းအမျိုးမျိုးပြပြီး စစ်အစိုးရအာဏာတည်မြဲရေးအတွက် အဟန့်အတားဖြစ်စေမဲ့ဥပဒေတွေ၊ သယံဇာတတွေ ထုတ်ချင်တိုင်းထုတ်၊ ရောင်းချင်တိုင်း ရောင်းလို့ရအောင်လုပ်ငန်းရှင်တွေကိုလုပ်ပိုင်ခွင့်ွအသစ် တွေပြဌာန်းပေး ပြီး ဥပဒေတွေ တော်တော်များများကို ပယ်ဖျက်ခဲ့ပါတယ်။


၁၉၀၇ ခုနှစ် ဗြိတိသျှအစိုးရလက်ထက် ကပြဌာန်းခဲ့တဲ့ ကျေးရွာဥပဒေ နဲ့မြို့များဥပဒေတွေကိုတော့ မပယ်ဖျက်ခဲ့ပါဘူး၊ ဘာဖြစ်လို့လဲ ဆိုတော့ခေတ်နဲ့မညီ တော့ပေမဲ့ စစ်အစိုးရအာဏာ တည်မြဲရေးအတွက် အများဆုံးအထောက် အကူပေးတဲ့ ဥပဒေ တွေဖြစ်နေလို့ပါပဲ။ ဒီဥပဒေတွေကြောင့်လဲ အဓမ္မလုပ်အားပေးခိုင်းစေမှု တွေနဲ့ ယနေ့တိုင်မိမိနိုင်ငံအတွင်းမှာ လွတ်လပ်စွာ ရွှေ့ပြောင်းနေထိုင်နိုင်ခြင်းမရှိပဲ ဧည့်စာရင်း တိုင်နေရတာကထင်ရှားတဲ့ သက်သေတွေပါပဲ။


နိုင်ငံတကာအလုပ်သမားအဖွဲ့ချုပ်အိုင်အယ်အို ကိုအဓမ္မခိုင်းစေမှုတွေနဲ့ ပတ်သက်လို့တိုင်တန်းတာတွေများလာတဲ့အခါ အမိန့်ကြော်ငြာစာ တွေထုတ်ပြန်ပြီး အဓမ္မ လုပ်အားပေး ခိုင်းစေမှုတွေရပ်တန့်ဖို့ဟန့်တားခဲ့ပေမဲ့ ဥပဒေကို တော့ခေတ်နဲ့ မညီလို့ဆိုပြီး ပယ်ဖျက်တာကိုမလုပ်ပါဘူး၊ နောင်အခါအသုံးလိုရင်အဆင်သင့် ဖြစ်အောင်ဆက်လက်အတည် ပြုထားပါတယ်။


ယခင်တည်ထောင်ထားတဲ့တောင်သူလယ်သမားအစည်းအရုံးတွေ အလုပ်သမားအစည်းအရုံး တွေကိုဖျက်သိမ်းခဲ့ပါတယ်။ ဈေးကွက်စီးပွားရေး စံနစ်နဲ့အညီ စက်မှုလုပ်ငန်းရှင်များအသင်း၊ ဆန်ကုန်သည်ကြီးများ အသင်းစတာာတွေကိုိ စစ်အစိုးရကိုယ်တိုင်ကမကထ လုပ်ဖွဲ့စည်းတည် ထောင်ပေးခဲ့ပေမဲ့ တောင်သူလယ်သမားများနဲ့ အလုပ်သမားများရဲ့အခွင့်အရေး၊ လူ့အခွင့် အရေးတောင်းဆိုမဲ့အဖွဲ့ အစည်းများကိုတော့ ဖွဲ့စည်းတည်ထောင်ခွင့်မရအောင် ဟန့်တားခဲ့တာကိုတွေ့ရမှာဖြစ်တယ်။


တောင်သူလယ်သမားတွေရဲ့အခွင့်အရေးရရှိစေဖို့ လိုက်ပါဆောင်ရွက် တဲ့ သူတွေကိုဖမ်းဆီးပြီး နှစ်ရှည်ထောင်ဒဏ်တွေချမှတ် ခဲ့တာကိုတွေ့ရမှာဖြစ်တယ်။ နိုင်ငံတကာ အလုပ်သမားအဖွဲ့ချုပ် နဲ့ပူးပေါင်းဆောင်ရွက်မှုတွေ လုပ်ဆောင်နေပါတယ်လို့ စကားအဖြစ်သာပြောပေမဲ့ လက်တွေ့ အကောင်အထည်ဖေါ်ရာမှာတော့ နည်းအမျိုးမျိုးနဲ့ အကောင်အထည်မဖေါ်နိုင်အောင် ဆောင် ရွက်တာကိုလဲတွေ့ရမှာဖြစ်တယ်။


နိုင်ငံတကာ အလုပ်သမားအဖွဲ့ကြီးကိုတော့ ဖွဲ့စည်းပုံအခြေခံဥပဒေ ပေါ်ပေါက်လာရင် အလုပ်သမား လယ်သမားအသင်းအဖွဲ့တွေ ဖွဲ့စည်းတည်ထောင်ခွင့်နဲ့ အခွင့်အရေးတွေ ကာကွယ်တဲ့ဥပဒေတွေ ပြဌာန်းပေးမယ်လို့အကြောင်းပြပြီး အချိန်ဆွဲခဲ့တာ အစိုးရသစ်ပေါ် လာတဲ့အထိပါပဲ။ စက်မှုလုပ်ငန်းရှင်များ၊ ဆန်ကုန်သည်ကြီးများနဲ့ ကုန်သည်ကြီးများအသင်း ကိုကိုယ်စားပြုတဲ့သူ ဦးဝင်းမြင့်ကိုစီးပွားရေးနဲ့ ကူသန်းရောင်းဝယ်ရေး ၀န်ကြီးအဖြစ်ခန့်အပ်ထားပြီးပါပြီ။


တောင်သူလယ်သမားများနဲ့ အလုပ်သမားများအရေးကိုဖွဲ့စည်းတည်ထောင်ခွင့်ပေးဖို့ ကိုတော့ ခုချိန်ထိခွင့်မပြုသေးပါဘူး။ ဒါကြောင့်လဲအလုပ်သမားတွေရဲ့ အခွင့်အရေးနဲ့ ပတ်သက်လို့ တောင်းဆို နိုင်မဲ့အဖွဲ့အစည်းတွေမဖွဲ့စည်းနိုင် မတည်ထောင်နိုင် ဖြစ်နေရ ပါတယ်။အလုပ်သမားလျော်ကြေးကိစ္စနဲ့ပတ်သက်ပြီးတော့ နာဂစ်ဖြစ်တုန်းကရေလုပ်သား တွေ သေဆုံးလို့လုပ်ငန်းရှင်တွေဆီကနေ လျော်ကြေး တောင်းတာမျိုးရှိခဲ့တယ်။


အဲဒီတုန်းက သက်ဆိုင်ရာ ကနေ ရှေ့နေချုပ်ရုံးကို သဘောထား မှတ်ချက်တောင်း တဲ့အခါမှာ ဥပဒေ ပြဋ္ဌာန်းချက်များအရ အလုပ်ကို အကြောင်းပြုပြီး ဖြစ်ပွား တဲ့ထိခိုက် ဒဏ်ရာရမှု (ဒါမှမဟုတ်) သေဆုံးမှုဟာအဓိကအချက်ဖြစ်တယ်။ရေလုပ်သား တွေဟာ သဘာဝဘေး အန္တရာယ် ကြောင့် သေဆုံးရတာဖြစ်တဲ့အတွက် ၁၉၂၃ ခုနှစ် အလုပ်သမား လျော်ကြေးဥပဒေ နဲ့ အကျုံးဝင်ခြင်း မရှိဘူးလို့ အကြောင်းပြန်ခဲ့တဲ့အတွက် လျော်ကြေးပေးတာတွေမကြားခဲ့ရပါဘူး။


အခု၂၀၁၁ ခုနှစ် မတ်လအတွင်းက လေပြင်းများ တိုက်ခတ်ပြီး ရေလုပ်သားတစ်သောင်း ကျော် ပင်လယ် ထဲ မျောသွားခဲ့ပါတယ်။ လေးဦးသေဆုံးပြီး၊ပင်လယ်တွင်းမျောပါ ပျောက်ဆုံး ခဲ့တဲ့ ရေလုပ်သား ၅၈၀ ဦးရဲ့မိသားစု အချို့က ရေလုပ်ငန်းရှင်များထံမှာလျော်ကြေးတောင်းဆို မှုများရှိပေမဲ့ သဘာဝဘေး ကြောင့်ပျောက်ဆုံး တာ ဖြစ်တဲ့ အတွက် လုပ်ငန်းရှင်တွေဆီမှာ တရားဝင် လျော်ကြေး တောင်းခွင့်မရှိဘူး။


လုပ်ငန်းရှင်တွေက သာ ကိုယ့်အလုပ်သမားကို ငဲ့ညှာသော အားဖြင့် ကရုဏာ ကြေးပေး လို့ရတယ် ဆိုတဲ့ သဘောရှိပါတယ်လို့ ရေလုပ်ငန်းရှင်အဖွဲ့က တာဝန်ရှိ သူက ပြောကြားခဲ့တယ် လို့ ၀ိခ်လီးအလဲဗင်းဂျာနယ်မှာဖတ်ရှုလိုက်ရပါတယ်။ ဒါကြောင့် အလုပ်သမားတွေရဲ့ ဘ၀လုံခြုံမှုရှိစေဖို့ အလုပ်သမား၊ လယ်သမားများ ရဲ့အခွင့် အရေး တွေကို တောင်းဆိုနိုင်မဲ့အဖွဲ့အစည်းတွေ အမြန်ဆုံးဖွဲ့စည်း ဆောင်ရွက်ခွင့်ပြုဖို့ လိုအပ်လာပြီဖြစ်ကြောင်း တင်ပြလိုက်ရပါတယ်ခင်ဗျား။


အာရှလူ့အခွင့်အရေး ကော်မရှင်မှရှေ့နေ ဦးမင်းလွင်ဦး အာအက်ဖ်အေသို့ရေးသားပေးပို့ ထားသော ဆောင်းပါးဖြစ်သည်။