မြန်မာစစ်အစိုးရဟာသတင်းစာလွတ်လပ်ခွင့်နဲ့ပြည်သူတွေရဲ့ဆန္ဒတွေကိုလွတ်လပ်စွာထုတ်ဖော်ခွင့်မပေးဘဲ ရွေးကောက်ပွဲကိုကျင်းပမှာဖြစ်တဲ့အတွက်ဒီလုပ်ရပ်ဟာဒီမိုကရေစီပေါ်ထွန်းရေးလုပ်ငန်းစဉ်မဖြစ်နိုင်ဘဲဒီမိုကရေစီ အနှစ်သာရကိုပျက်ပြားစေနိုင်တဲ့လုပ်ရပ်သာဖြစ်တယ်လို့အာရှလူ့အခွင့်အရေးကော်မရှင်ကမနေ့ကပြောဆိုလိုက်ပါတယ်။ ရွေးကောက်ပွဲနဲ့ပတ်သက်ရင်စစ်အစိုးရကစာနယ်ဇင်းလွတ်လပ်ခွင့်အပေါ်ကန့်သတ်ချုပ်ချယ်မှုတွေရှိနေတယ်လို့ အာရှလူ့အခွင့်အရေးကော်မရှင်ရဲ့ပြောခွင့်ရရှေ့နေဦးမင်းလွင်ဦးကပြောပါတယ်။
ဦးမင်းလွင်ဦး........ရွေးကောက်ပွဲနဲ့ပတ်သက်လို့အထိအခိုက်မခံတဲ့ကိစ္စရပ်တွေနဲ့ပတ်သက်ပြီးပြောရမယ်ဆိုရင် ၂၀၀၈ကမဲရုံကိုဓာတ်ပုံရိုက်ခဲ့တဲ့လူတယောက်DVBကကိုအောင်မြင့်ထွန်းဓာတ်ပုံရိုက်တယ်၊လူမရှိတဲ့မဲရုံကိုဓာတ်ပုံရိုက်တဲ့ လူတောင်မှအဖမ်းခံရတယ်။နောက်တခါ၂၀၀၈ဖွဲ့စည်းပုံအခြေခံဥပဒေကိုဆွေးနွေးတဲ့အချိန်မှာတုန်းကအမျိုးသားညီလာခံကျင်းပတယ်။အမျိုးသားညီလာခံမှာအမျိုးသားဒီမိုကရေစီအဖွဲ့ချုပ်ကနေပြီးတော့အတိုက်အခံတွေဘက်ကနေ တင်ပြပြောဆိုတာတွေရှိတယ်။လွတ်လွတ်လပ်လပ်ဘာမှပြောဆိုလို့မရခဲ့ဘူး၊အမျိုးသားဒီမိုကရေစီအဖွဲ့ချုပ်က အမျိုးသားညီလာခံကထွက်ခဲ့ရတယ်။အဲဒီလိုအခြေအနေတွေဖြစ်လာပြီးတဲ့နောက်ပိုင်းတွေမှာတိုင်းသူပြည်သားတွေအနေနဲ့ လွတ်လပ်ပြောဆိုခွင့်မရှိဘူး။ထုတ်ဖော်ခွင့်မရှိဘူးဆိုတဲ့အခြေအနေပေါ်မှာ မူတည်ပြီးတော့ နိုင်ငံတကာက မြန်မာနိုင်ငံရဲ့ လက်ရှိအခြေအနေကို ဘယ်လိုသုံးသပ်မလဲပြောချင်တဲ့အတွက် ထုတ်လိုက်တာပဲဖြစ်တယ်။
ဒီကနေ့ထုတ်ပြန်လိုက်တဲ့အာရှလူ့အခွင့်အရေးကော်မရှင်ရဲကြေငြာချက်မှာရွေးကောက်ပွဲနဲ့ပတ်သက်လို့ အမြင်သဘောထားသုံးသပ်ချက်တွေကိုပုဂ္ဂလိကပိုင်သတင်းစာနယ်ဇင်းတွေမှာဖော်ပြခွင့်မရဘဲစစ်အစိုးပိုင်သတင်းမီဒီယာတွေကသာ ရေးသားခွင့်ရှိတယ်လို့ဆိုပါတယ်။ဒါ့အပြင်အင်တာနက်သုံးခွင့်ကိုလည်းထိန်းချုပ်ထားတယ်လို့လည်းရေးထားပါတယ်။ လူမှုဘဝဖွံ့ဖြိုးတိုးတက်ဖို့အတွက်အထောက်အကူဖြစ်စေတဲ့နည်းပညာကိုစစ်အစိုးရကအကန့်အသတ်နဲ့ခွင့်ပြုနေတာကိုလည်း ကဝေဖန်ကန့်ကွက်ထားပါတယ်။
လက်ရှိမြန်မာနိုင်ငံအခြေအနေကိုမပြောင်းလဲဘဲ စစ်အစိုးရအနေနဲ့ ရွေးကောက်ပွဲကျင်းပမယ်ဆိုရင် ဒီမိုကရေစီအစိုးရပေါ်ပေါက်လာဖို့ မဖြစ်နိုင်ဘူးလို့ အာရှလူ့အခွင့်အရေးကော်မရှင်ရဲ့ကြေငြာချက်မှာ ရေးသားထားပါတယ်။ ဒီကနေ့ထုတ်ပြန်တဲ့ ကြေငြာချက် အနေနဲ့ ရွေးကောက်ပွဲနဲ့ပတ်သက်လို့ တတိယအကြိမ်မြောက်ဖြစ်ပြီး ဒီ့မတိုင်ခင် တရားဥပဒေနဲ့ မညီတဲ့ ရွေးကောက်ပွဲ အခွင့်အရေးတွေမရှိတဲ့ ရွေးကောက်ပွဲ စတဲ့ ကြေငြာချက်တွေကိုထုတ်ပြန်ခဲ့ပါတယ်။
0 comments:
Post a Comment