ရွေးကောက်ပွဲကော်မရှင် ဘက်လိုက်မှုရှိ

(အောက်တိုဘာ၁၈)
(အာရ်အက်အေမှသောကြာနေ့တိုင်းအပတ်စဉ်တင်ဆက်နေသည့် ဦးမင်းလွင်ဦး၏ ရွေးကောက်ပွဲ ဥပဒေနှင့် လူထုဆောင်းပါးအမှတ်စဉ် ၁၁)

ရွေးကောက်ပွဲကျင်းပဖို့ ၃ ပတ်ခန့်သာ လိုပါတော့တယ်၊ ရွေးကောက်ပွဲ မကျင်းပမှီ တရားမဲ့ပြု ကျင့်မှုများနဲ့ ပတ်သက်လဲ ရွေးကောက်ပွဲ ကော်မရှင်ကို တိုင်ကြားအသိ ပေးခဲ့ကြပေမဲ့ ယခုအချိန်အထိ ထိရောက်တဲ့ အရေးယူဆောင်ရွက်တာကို မတွေ့ရသေးပါဘူး ရွေးကောက်ပွဲဆိုင်ရာပြစ်မှုများနဲ့ ပတ်သက်လို့ ရွေးကောက်ပွဲ ဥပဒေပုဒ်မ၅၈အပိုဒ်ခွဲ(က)မှာ ရွေးကောက်ပွဲဆိုင်ရာ အခွင့်အရေးကို မတရားသဖြင့်ရရှိစေရန်သော်၎င်း ၊အခွင့်အရေးကို ရရှိခဲ့ခြင်းအတွက် ကျေးဇူးတုံ့ပြန်တဲ့ အနေနဲ့သော်၎င်းငွေ၊ပစ္စည်း၊ အစားအသောက်၊ ရာထူး၊အလုပ်အကိုင်နေရာပြောင်းရွှေ့မှု ဒါမှမဟုတ်အခြား အခွင့်အရေးတခုခုကို အသုံးပြုလျက် လာဘ်ပေးတာ သို့မဟုတ်လာဘ်ယူတာ စတဲ့ပြုလုပ်မှုတရပ်ရပ်က ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထိုသူအား တနှစ်ထက်မပိုသော ထောင်ဒဏ်ဖြစ်စေ၊ ကျပ်တသိန်းထက် မပိုသော ငွေဒဏ်ဖြစ်စေ၊ ဒဏ် ၂ ရပ်လုံးဖြစ်စေ ချမှတ်ရမည် လို့ ပြဌာန်းထားတာကို တွေ့ရမှာဖြစ်တယ်။



မြန်မာနိုင်ငံအတွင်းမှာ လူဦးရေထူထပ်တဲ့ ရန်ကုန်တိုင်း ၊မန္တလေးတိုင်းစတဲ့ နေရာများမှာအာဏာပိုင်တွေ ကိုယ်တိုင်က ကြံ့ဖွံ့အဖွဲ့ဝင်ဖြစ်မှ လမ်းပြင်ပေးမယ် ၊ကတ္တရာခင်းပေးမယ်ဆိုတဲ့ ကိစ္စရပ်တွေကြံ့ဖွံ့ပါတီဝင်ရင် ငွေချေးနေတဲ့ ကိစ္စတွေကို လူသိရှင်ကြား လုပ်ဆောင်နေတာတွေ့ရတယ်၊ ဧရာဝတီတိုင်း ဗိုလ်ကလေးမြို့နယ်မှာ ကြံ့ဖွံ့အဖွဲ့က ပြည်သူတွေကို အစည်းအဝေးရှိတယ်လို့ လိမ်ညာခေါ်ယူပြီး မဲဆွယ်စည်းရုံးနေတာတွေ၊ ရန်ကုန်တိုင်း ဒဂုံမြို့သစ်မှာ ရယက၊ မယကစတဲ့ သူတွေက အစည်းအဝေးရှိတယ် ဓမ္မာရုံကိုလာခဲ့ပါဆိုလို သွားရောက်တဲ့ သူတွေကိုကြံ့ဖွံ့တံဆိပ် ပါတီရှပ်တွေဝေပေးပြီး ကြံ့ဖွံ့ပါတီကို မဲထည့်ဖို့မလိမ့်တပတ်နဲ့ စည်းရုံးတာကို ပြည်သူတွေခံနေရပါတယ်။ တောင်ဥက္ကလာပမြို့နယ်မှာလဲ ကြံ့ဖွံ့အဖွဲ့ဝင် အဖြစ်အယောက်၂၀၀၀ စုဆောင်းပေးရင် ဗလီပြန်လည်ဆောက်ခွင့်ပြုမယ် ဆိုပြီးပြောဆိုစည်းရုံးနေတာကလဲ ဘာသာရေးကို ခုတုံးလုပ်ပြီးစည်းရုံးနေတဲ့ကြံ့ဖွံ့ရဲ့လုပ်ဆောင်မှုတခုပါ။

ဒီအကြောင်းတွေကို နိုင်ငံရေးပါတီအချို့ သက်ဆိုင်ရာရွေးကောက်ပွဲ ကော်မရှင်ကို တိုင်ကြားပေမဲ့လဲ ယနေ့တိုင်အရေးယူခြင်းမရှိတာတွေဟာ ကော်မရှင်ကဘက်လိုက်ဆောင်ရွက်နေတယ် ဆိုတာကိုပိုမိုထင်ရှား သိသာစေပါတယ်။

ရွေးကောက်ပွဲ ကော်မရှင်ရုံးခွဲတွေအတွက် ကုန်ကျစရိပ်တွေကို ပြည်သူတွေနဲ့ စီးပွားရေး လုပ်ငန်းရှင်တွေ ဆီကနေ အာဏာပိုင်တွေဖြစ်တဲ့ ရယကနဲ့မယကတို့က အလှူခံနေတာတွေကိုလဲ နေရာအနှံ့ကြားသိနေရပါတယ်။ ဒီကိစ္စနဲ့ပတ်သက်လို့ ရန်ကုန်တိုင်းဒေသကြီး အတွင်းမှာ ငွေကြေးတောင်းခံတာတွေရှိရင် တိုင်ကြားနိုင်တယ် ထိထိရောက်ရောက် အရေးယူမယ်လို့ ဖေါ်ပြထားတာကို ဂျာနယ်တစောင်မှာဖတ်လိုက်ရပါတယ်။ ကျန်တဲ့တိုင်းနှင့်ပြည်နယ်တွေမှာတော့ ဒီကိစ္စကိုဘယ်လို အရေးယူဆောင်ရွက်မယ်ဆိုတာ ခုချိန်ထိမသိရသေးပါဘူး။ ရန်ုကုန်တိုင်းဒေသကြီးအတွင်းမှာ ထိရောက်စွာ အရေးယူမယ်လို့ပြော
တဲ့အရာရှိကြီးက သူ့နာမည်ကိုတောင် ထုတ်ဖေါ်မပြောရဲပါဘူး။

ဒီတော့ကာ ထိရောက်စွာအရေးယူမယ်ဆိုတာ ကျူးလွန်တဲ့နိုင်ငံရေးပါတီကိုလား ၊ဒါမှမဟုတ် လာရောက်တိုင်တန်းတဲ့သူကို အရေးယူမှာလားဆိုတာ စဉ်းစားစရာဖြစ်လာပါတယ်။ ပြည်သူ့လွှတ်တော် ရွေးကောက်ပွဲဥပဒေမှာ တရားမဲ့ပြုကျင့်မှုများနဲ့ ပတ်သက်လို့ ပုဒ်မ ၆၆(င)(၂)မှာပြဌာန်းထားတာက ဆန္ဒမဲပေးရန် သို့မဟုတ် ဆန္ဒမဲမပေးဘဲနေရန်
်မဲဆန္ဒရှင် တဦးဦးကို သွေးဆောင်ရန်ဖြစ်စေ၊ သွေးဆောင်လိုသဖြင့် အားထုတ်ရန်ဖြစ်စေ၊ တဦးတယောက်သော သူကမိမိအတွက် သို့မဟုတ် သူတပါးအတွက်လာဘ်လာဘ လက်ခံရန်သဘောတူထားတဲ့ကိစ္စ၊(ည) လွှတ်တော်ကိုယ်စားလှယ်လောင်း သို့မဟုတ်
ယင်း၏ ရွေးကောက်ပွဲကိုယ်စားလှယ်ကဖြစ်စေ၊ ယင်းတို့တဦးဦး၏သဘောတူညီချက်အရ အခြားသူတဦးကဖြစ်စေ လွှတ်တော် ကိုယ်စားလှယ်လောင်း တဦးရွေးကောက်တင်မြှောက် ခံရရရေးအတွက် အကူအညီကိုဝန်ထမ်းတဦးဦးထံမှရယူခြင်း၊ ရယူရန်အားပေး ကူညီခြင်းသို့မဟုတ် ရယူရန် အားထုတ်ခြင်းစတာတွေကို လုပ်ဆောင်ခဲ့ရင် တရားမဲ့ပြုကျင်
့ရာရောက်တယ်လို့ဖေါ်ပြထားပါတယ်၊ ဥပဒေဆိုတာစာအုပ်ထဲမှာ ပြဌာန်းထားယုံနဲ့မလုံလောက်ပါ။

ဥပဒေကိုလက်တွေ့ အကောင်အထည်ဖေါ် ကျင့်သုံးမှသာ မှန်ကန်မျှတတဲ့ရွေးကောက်ပွဲဖြစ်ကြောင်း ပြည်သူတွေ ထင်သာမြင်သာရှိမှာဖြစ်တယ်။ တရားမဲ့ပြုကျင့်သူတွေကိုထိရောက်စွာအရေးယူပြရမှာဖြစ်တယ်။

ရွေးကောက်ပွဲ ကော်မရှင်အဖွဲ့ ဥက္ကဌနဲ့ အဖွဲ့ဝင်တွေက မြန်မာနိုင်ငံတ၀ှမ်းမှာရှိတဲ့ ရွေးကောက်ပွဲ ကော်မရှင်အဖွဲ့ခွဲရုံးတွေကို လိုက်လံစစ်ဆေးတာတွေ ရှင်းလင်းပြတာတွေ လုပ်နေတာတွေကို နေ့စဉ်သတင်းတွေမှာတွေ့နေရပြီး ရွေးကောက်ပွဲနဲ့ ပတ်သက်တဲ့အမှုအခင်းတွေကို အရေးယူဖြေရှင်းတာတွေ မတွေ့ရပါဘူး၊ ရွေးကောက်ပွဲပြီးမှ ဒီပြသနာတွေကို
အရေးယူမယ်ဆိုတာကလဲ မှန်ကန်တဲ့ဆုံးဖြတ်ချက် မဟုတ်သလို လက်ခံနိုင်တဲ့အကြောင်းပြချက်မဟုတ်ပါဘူး။

ဥပမာကြံ့ဖွံ့ပါတီကပဲ အနိုင်ရခဲ့ပြီဆိုပါစို့ အဲဒီလွှတ်တော် ကိုယ်စားလှယ်တွေက ရွေးကောက်ပွဲအကြိုကာလမှာ တရားမဲ့ ပြုကျင့်မှုတွေ ပြုလုပ်ခဲ့ပါတယ်ဆိုပြီး အရေးယူပြီး ရွေးကောက်ပွဲကော်မရှင်ခုံအဖွဲ့က လွှတ်တော်ကိုယ်စားလှယ်အဖြစ်က
ပယ်ဖျက် ပြစ်မလားဆိုတာက စဉ်းစားစရာပါ။ ရွေးကောက်ပွဲနဲ့ပတ်သက်တဲ့ သတင်းအချက်အလက်တွေကို ပြည်သူတွေ
ပုံမှန်သိရှိရအောင် ရွေးကောက်ပွဲကော်မရှင်က သတင်းထုတ်ပြန်မှုတွေ စဉ်ဆက်မပြတ်လုပ်ဆောင်ပေးရမှာ ဖြစ်ပေမဲ့လဲခုချိန်ထိ သာမန်ပြည်သူတွေမပြောနဲ့ လွှတ်တော်ရွေးကောက်ပွဲမှာ ၀င်ရောက်ရွေးချယ်ခံမဲ့ နိုင်ငံရေးပါတတွေကတောင်မှ ၀င်ရောက် ယှဉ်ပြိုင် အရွေးခံမဲ့သူဦးရေနဲ့ သတ်မှတ်နယ်မြေတွေကို တိတိကျကျမသိပါဘူး၊

လွတ်လပ်မျှတတဲ့ ရွေးကောက်ပွဲဟုတ်မဟုတ်ကို သတင်းမီဒီယာက အမှန်အတိုင်းပြည်သူတွေ သိအောင်ဖေါ်ပြနိုင်မှသာ ပြည်သူတွေနဲ့ နိုင်ငံတကာကလက်ခံ ယုံကြည်မှာဖြစ်တယ်၊ ခုလိုရွေးကောက်ပွဲကော်မရှင်ရဲ့ ဘက်လိုက်ဆောင်ရွက်မှုတွေရှိနေသမျှ မြန်မာနိုင်ငံမှာနှစ်၂၀ အတွင်းကျင်းပမဲ့ ရွေးကောက်ပွဲဟာ လွတ်လပ်မျှတတဲ့ ရွေးကောက်ပွဲမဟုတ်ဘူး ဆိုတာကို အထူးပြောဆိုနေစရာမလိုကြောင်းတင်ပြလိုက် ရပါတယ်ခင်ဗျား။

အာရှလူ့အခွင့်အရေးကော်မရှင်မှရှေ့နေဦးမင်းလွင်ဦး အာအာဖ်အေအတွက်ရေးသား ပေးပို့ထားခြင်းဖြစ်ပါတယ်။