Sunday, February 13, 2011

Filled Under:

ဥပဒေပြုအာဏာနဲ့သမ္မတရဲ့လုပ်ပိုင်ခွင့်

၂၀၀၈ ခုနှစ်မှာအတည်ပြုခဲ့တဲ့ ဖွဲ့စည်းပုံအခြေခံဥပဒေဟာ ပြည်သူ့လွှတ်တော် စတင် ကျင်းပတဲ့နေ့က စတင်ပြီး
အာဏာ သက်ရောက်လာပြီလို့ ပြောရမှာဖြစ်တယ်။ ပြည်သူ့လွှတ်တော် ကိုယ်စားလှယ်များက ရွေးချယ် တင်မြှောက်တဲ့ သမတနဲ့အစိုးရ အဖွဲ့ သစ်ကိုလဲ ရွေးချယ်ပြီးပါပြီ။ လွှတ်တော်ထဲရောက် မှ တိုင်းရင်းသားအရေးကိစ္စ၊ လူ့အခွင့်အရေး ကိစ္စတွေကို တင်ပြဆွေးနွေးမယ်။ ဒီမိုကရေစီရဲအနှစ်သာရကိုပိုမိုတိုးချဲ့ခွင့် ရအောင်ဖန်တီးမယ်ဆိုပြီး ရွေးကောက်ပွဲ ၀င်ခဲ့ကြတဲ့ ဒီမိုကရေစီလိုလားတဲ့နိုင်ငံရေးပါတီ၊ တိုင်းရင်း သား လူမျိုးများပါတီ နဲ့ တသီးပုဂ္ဂလ ကိုယ်စား လှယ်တွေရဲ့ရည်မှန်းချက်တွေဟာ ခုတော့တဖြေးဖြေးမှုံဝါးလာနေပါပြီ။

စစ်အစိုးရအနေနဲ့ ဖွဲ့စည်းပုံအခြေခံ ဥပဒေကို စိတ်ကြိုက် ရေးဆွဲထားပြီးဖြစ်တဲ့ အပြင် ဖွဲ့စည်းပုံ အခြေခံဥပဒေအရ ပေါ်ပေါက်လာမဲ့အစိုးရအဖွဲ့သစ်ကို ဘယ်လို ကြိုးကိုင် လှုပ်ရှားသွားမယ် ဆိုတာကိုပါ အစီအစဉ်တကျ ဆောင်ရွက်ပြီးထားတာပါ။
၂၀၁၀ ရွေးကောက်ပွဲတွေမှာ အနိုင်ရတဲ့ ပြည်သူ့လွှတ်တော်ကိုယ်စားလှယ်တွေ လွှတ်တော် မတက်ခင် ကြိုတင်လေ့လာနိုင်ဖို့ ဥပဒေ ၁၇ မျိုးကိုစာပေဗိမ္မာန်က တဆင့် ထုတ်ဝေဖြန့်ချိ ခဲ့ပါတယ်။

ထုတ်ပြန်ထားတဲ့ ဥပဒေ ၁၇ မျိုးမှာ အရေးကြီးတဲ့ အုပ်ချုပ်ရေး၊ ဥပဒေပြုရေး နဲ့ တရားစီရင် ရေးဆိုင်ရာ ကိစ္စရပ်တွေနဲ့ ပတ်သက်လို့ ပြဌာန်းထားတဲ့ဥပဒေတွေကို ပြင်ဆင်၊ဖြည့်စွက်၊ ရုပ်သိမ်းဖို့ ယခုကျင်းပတဲ့ပြည်သူ့လွှတ်တော်က လုပ်ဆောင်နိုင်တယ်လို့ ထည့်သွင်းပြဌာန်း ထားပေမဲ့ လွှတ်တော်ဥက္ကဌတွေ၊ တပ်မတော်က ရွေးချယ်စေလွှတ်တဲ့ သူတွေနဲ့ကြံ့ဖွံ့ ပါတီကရွေးချယ်တင်မြှောက် ခြင်းခံရ တဲ့သူတွေရဲ့သဘောတူညီမှုရမှသာ ယခုပြဌာန်းထားတဲ့ ဥပဒေ ၁၇ မျိုးကို ပြင်ဆင်ဖြည့်စွက် ရုပ်သိမ်း တာတွေကိုလုပ်ဆောင်နိုင်မှာ ဖြစ်တယ်။

ဥပဒေပြုရေးအာဏာနဲ့ ပတ်သက်လို့ တပ်မတော်ကာကွယ်ရေး ဦးစီးချုပ်က ရွေးချယ်စေလွှတ် တဲ့ တပ်မတော်သား ကိုယ်စားလှယ်များနဲ့ ကြံ့ဖွံ့ပါတီကသာ အဓိကကျတဲ့နေရာတွေကို ရယူထားတဲ့အတွက် တိုင်းရင်းသားပါတီများနဲ့ ဒီမိုကရေစီ အင်အားစုနိုင်ငံရေးပါတီများ အနေနဲ့ပြင်ဆင်၊ဖြည့်စွက်ဖို့နဲ့ ဥပဒေပြဌာန်းနိုင်ဖို့ဆိုတာ မလွယ်ကူပါဘူး။ အရေးပါတဲ့ ၀န်ကြီးဌာနတွေနဲ့ လွှတ်တော်အရပ်ရပ်မှာ စစ်အစိုးရကအသွင်ပြောင်းလာတဲ့ လူတွေနဲ့ကြံ့ဖွံ့ပါတီဝင်တွေက အများစုဖြစ်နေတဲ့အတွက် အုပ်ချုပ်ရေးနဲ့ဥပဒေ ပြုရေး ကဏ္ဍတွေမှာ လူနည်းစုဒီမိုကရေစီ အင်အားစုနဲ့ တိုင်းရင်းသားပါတီများ အနေနဲ့ဘာမှလုပ် ဆောင်ခွင့်မရအောင်ကြိုတင်စီမံထားတာပါ။

ပြည်ထောင်စုတရား စီရင်ရေးဥပဒေနဲ့ ပြည်ထောင်စုရှေ့ချုပ်ဥပဒေတွေကလဲ အရင်အတိုင်း ပါပဲ ကိုယ်ပိုင်အုပ်ချုပ်ခွင့်ရတိုင်း (သို့မဟုတ်)ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥပဒေ စတာတွေကို တိုးချဲ့ ဖွဲ့စည်းထားတဲ့ပုဒ်မတွေပဲ တိုးလာတာပါ။
သမ္မတက တရားသူကြီးချုပ်ကိုရွေးချယ်ခန့်ထားမှာဖြစ်တဲ့အတွက် တရားဥပဒေစိုးမိုးရေးနဲ့ လွတ်လပ်တဲ့ တရားစီရင်ရေး ပေါ်ပေါက်လာရေးဆိုတာ မလွယ်ကူပါဘူး

ကုလသမဂ္ဂလူ့အခွင့်အရေး ကောင်စီမှာ ဥပဒေရဲ့အထက်မှာ ဘယ်သူမှမရှိဘူး အားလုံး တန်းတူပဲဖြစ်တယ်။၂၀၀၈ ခုနှစ် ဖွဲ့စည်းပုံအခြေခံ ဥပဒေမှာ လူ့အခွင့်အရေးချိုးဖေါက်မှု တွေနဲ့ပတ်သက်လို့ လျှင်မြန်စွာ သက်သာခွင့်ရအောင်အမိန့် စာချွှန်တော် ၅ မျိုးထုတ်ဆင့် နိုင်ဖို့ထည့်သွင်းပြဌာန်း ထားပါတယ်လို့ ဒုတိယရှေ့နေချုပ် ဦးထွန်းရှင်နဲ့ တရားသူကြီးချုပ် အဖွဲ့ဝင် ဦးမြင့်သိန်းတို့က နိုင်ငံတကာရဲ့စွပ်စွဲ ပြောဆိုချက်တွေကို ခုခံချေပခဲ့ပါတယ်။

မြန်မာနိုင်ငံအတွင်းက လက်ရှိတရားစီရင်ရေး ဆိုင်ရာကိစ္စရပ်တွေ မှာ ဥပဒေ ပြဌာန်းချက် တွေအတိုင်း လိုက်နာဆောင်ရွက် ခြင်း မရှိပဲ အုပ်ချုပ်ရေး အာဏာပိုင်တွေရဲ့ စိတ်တိုင်းကြ တရားရုံးအဆင့်ဆင့်ရဲ့တရားသူကြီးတွေက ဆုံးဖြတ် ဆောင်ရွက်ပေး နေတာကိုတွေ့ရတယ်။

ယခုကျင်းပတဲ့ ပြည်သူ့လွှတ်တော်မှာ နိုင်ငံရေးအကျဉ်းသားများ လွတ်မြောက်ရေးကို အဓိကထား လုပ်ဆောင်သွားမယ်လို့ အမျိုးသားဒီမိုကရေစီအင်အားစု နဲ့အချို့နိုင်ငံရေး ပါတီများ ကပြောပါတယ်။ နိုင်ငံတော်သမ္မတ ရဲ့လုပ်ပိုင်ခွင့်တွေနဲ့ ပတ်သက်လို့ဖေါ်ပြထားတဲ့ ဖွဲ့စည်းပုံအခြေခံဥပဒေ ပုဒ်မ ၂၀၄ နဲ့ပြည်ထောင်စုအစိုးရအဖွဲ့ဥပဒေပုဒ်မ ၃၇ မှာ နိုင်ငံတော်သမ္မတဟာ

(က)ပြစ်ဒဏ်လွတ်ငြိမ်းခွင့်ပေးနိုင်သည့်အခွင့်အာဏာရှိသည်။
(ခ) အမျိုးသားကာကွယ်ရေးနှင့်လုံခြုံရေးကောင်စီ၏ ထောက်ခံချက်နှင်အညီ လွတ်ငြိမ်းချမ်း သာခွင့်ပေးပိုင်ခွင့်ရှိတယ်လို့ ဖေါ်ပြထားပါတယ်။

နိုင်ငံတော်သမ္မတ အနေနဲ့ ပြစ်ဒဏ်တွေလွတ်ငြိမ်းခွင့် ပေးနိုင်တယ်ဆိုတာ ပြစ်မှုဆိုင်ရာ ကျင့်ထုံး ဥပဒေ ပုဒ်မ ၄၀၁ ပါပြဌာန်းချက်အရ နိုင်ငံတော်သမ္မတက ပြစ်ဒဏ်ကို ဆိုင်းငံ့ထားဖို့ နဲ့ပြစ်ဒဏ်အားလုံး ဒါမှမဟုတ် အစိပ်အပိုင်း တစုံတရာကို အကန့်အသတ်နဲ့ လွတ်ငြိမ်းချမ်းသာ ခွင့်ပေးနိုင်တဲ့သဘောပါပဲ။

နိုင်ငံရေးအကျဉ်းသား ၂၀၀၀ ကျော်လွတ်မြောက်ရေးအတွက် အလုံးစုံလွတ်ငြိမ်းချမ်းသာခွင့် ပေးမယ်ဆိုရင်တော့ အမျိုးသား ကာကွယ်ရေးနဲ့ လုံခြုံရေး ကောင်စီရဲ့ထောက်ခံချက်ရမှသာ အလုံးစုံသောလွတ်ငြိမ်းချမ်းသာခွင့်ကို ပေးနိုင်မှာဖြစ်ပါတယ်။
ပြည်ထောင်စု အစိုးရအဖွဲ့ဥပဒေပုဒ်မ ၁၀ မှာ အမျိုးသားကာကွယ် ရေးနဲ့ လုံခြုံရေးကောင်စီ ဖွဲ့စည်းရာမှာ အဖွဲ့ဝင် ၁၁ ဦးအနက် သမ္မတ၊ ဒုသမ္မတနဲ့လွှတ်တော်ဥက္ကဌတွေ အပါအ၀င် တပ်မတော်အတွင်း တာဝန်ထမ်းဆောင်နေသူများက ၁၀ ဦးပါဝင်ပြီး ဒုတိယသမ္မတ အဖြစ် ကြံ့ဖွံ့ပါတီကရွေးချယ်တင်မြှောက်ခြင်း ခံရတဲ့ဒေါက်တာစိုင်းမောက်ခန်း တယောက်ပဲ သာမန်အရပ်သား အဖြစ်ပါဝင်တာကို တွေ့ရပါတယ်။

ဒါကြောင့် ၂၀၁၁ ခုနှစ်မှာ အသစ်ပေါ်ပေါက်လာတဲ့ အစိုးရအဖွဲ့သစ်မှာသမ္မတ ရဲ့ ဆုံးဖြတ်ချက် နဲ့လုပ်ကိုင်ဆောင်ရွက်ခွင့် တွေဟာ အကန့်အသတ်နဲ့သာခွင့်ပြုထားတာဖြစ်ပြီး ဥပဒေပြုရေး အာဏာနဲ့ အရေးကြီးတဲ့ ကိစ္စရပ်များကိုတော့ အမျိုးသားကာကွယ်ရေးနဲ့ လုံခြုံရေးကောင်စီရဲ့ သဘောတူညီချက်နဲ့သာ ဆောင်ရွက်ရမှာဖြစ်ကြောင်း တင်ပြလိုက်ရပါတယ်ခင်ဗျား။

အာရှလူ့အခွင့်အရေး ကော်မရှင်မှ ရှေ့နေ ဦးမင်းလွင်ဦး အာအက်ဖ်အေသို့ ပေးပို့သော ဆောင်းပါးဖြစ်သည်။

0 comments:

Post a Comment