လွတ်ငြိမ်းချမ်းသာခွင့်များနဲ့ မြန်မာနိုင်ငံ

နိုင်ငံတနိုင်ငံ ကြွယ်ဝချမ်းသာစေရေးအတွက် အဓိက အရေးကြီးဆုံးအချက်ဟာ နိုင်ငံရေး တည်ငြိမ်မှုဖြစ်တယ်။ နိုင်ငံရေး တည်ငြိမ်မှု မရှိတဲ့နိုင်ငံများမှာ စီးပွားရေးလုပ်ငန်းတွေ ဖွံ့ဖြိုး တိုးတက်ဖို့နဲ့အတူ လူနေမှုဘ၀ဖွံ့ဖြိုး တက်ဖို့မလွယ်ကူတာကို တွေ့ရမှာဖြစ်တယ်။ ဒါကြောင့်လဲ နိုင်ငံတိုင်းမှာ ပြည်တွင်းငြိမ်းချမ်းမှုရဖို့နဲ့ နိုင်ငံရေးတည်ငြိမ်မှု ရှိစေဖို့အတွက် အစိုးရများက ကြိုးပမ်းဆောင်ရွက် ကြရတာဖြစ်တယ်။


နိုင်ငံရေးတည်ငြိမ်မှု ရှိစေဖို့ကလဲ ပြည်သူလူထုရဲ့ အကျိုးစီးပွားကို အကာအကွယ်ပေးမဲ့ အစိုးရ၊ ပြည်သူများရဲ့ဆန္ဒနဲ့ ရွေးချယ်တဲ့ အစိုးရတရပ်ဖြစ်ဖို့ လိုပါတယ်။ ဒါမှလဲ ပြည်တွင်းငြိမ်းချမ်းရေး နဲ့ နိုင်ငံရေးတည်ငြိမ်မှုကို ရေရှည်ထိန်းသိမ်း ထားနိုင်မှာဖြစ်တယ်။ ပြည်တွင်းစစ်များရပ်စဲရေး နဲ့ ငြိမ်းချမ်းရေး တည်ဆောက်တဲ့အခါမှာ နိုင်ငံရေးအယူအဆပေါ် အခြေခံပြီးဖြစ်ပွားခဲ့တဲ့ လက်နက်ကိုင်တော်လှန်ရေး နဲ့ အကြမ်းဖက်လုပ်ရပ်တွေကို တရားစွဲဆိုခြင်းမပြုပဲ ကင်းလွတ် ခွင့်ပေးမလား၊ ဒါမှမဟုတ် အရေးယူမလားစတဲ့ပြသနာတွေဟာအဓိကဆွေးနွေးရမဲ့ပြသနာတွေ ဖြစ်လာခဲ့ပါတယ်။


လူသတ်မှု၊မုဒိန်းမှု၊ ဓါးပြမှုစတဲ့ပြစ်မှုကြီးတွေကို ကျူးလွန်သူတွေကို ကင်းလွတ်ခွင့်ပြုသင့်၊မသင့်၊ စတာတွေကိုပါ ထည့်သွင်းစဉ်းစား လာရတာဖြစ်တယ်။ လွတ်ငြိမ်းချမ်းသာခွင့်ဆိုတာ နိုင်ငံရေးအယူအဆပေါ်မှာ အခြေခံပြီးကျူးလွန်ခဲ့တဲ့ပြစ်မှုတွေကို လွတ်ငြိ်မ်း ကင်းလွတ်ခွင့်ပြုတာ၊ တရားစွဲဆိုအပြစ်ပေးခြင်းက ကင်းလွတ်ခွင့်ပြုတာ အရေးယူ ထားသူတွေကိုပြစ်ဒဏ်က လျော့ပေါ့ပေးတာ အပြင်ပြစ်ဒဏ်ကနေ လွတ်ငြိမ်းခွင့်ပြုတာ၊တွေဖြစ်တယ်။


လွတ်ငြိမ်းချမ်းသာခွင့်ကို ၃ မျိုးတွေ့နိုင်ပါတယ်။


၁။ အကြွင်းမဲ့လွတ်ငြိမ်းချမ်းသာခွင့် Blanket Amnesty ဆိုတာ နိုင်ငံရေးအယူဝါဒ ကြောင့်ပြည် တွင်း စစ်များအတွင်း
ကျူးလွန်ခဲ့တဲ့ ဘယ်လိုပြစ်မှုမျိုးကိုမဆို တရားစွဲဆိုအပြစ်ပေးခြင်းမှ ကင်းလွတ်ခွင့်ပြုတာဖြစ်တယ်။


၂။ အထွေထွေလွတ်ငြိမ်းချမ်းသာခွင့် General Amnesty ဆိုတာကတော့ နိုင်ငံရေးနဲ့ စပ်ဆိုင်တဲ့ပြစ်မှုများကိုသာ အပြစ်ပေးအရေးယူခြင်းကကင်းလွတ်ခွင့်ပေးပြီး၊ ပုဂ္ဂလိက နစ်နာသူများကတိုင်တန်းတဲ့ကိစ္စရပ်များနဲ့ပတ်သက်လို့ ပြစ်ဒဏ်က အလုံးစုံလွတ်ငြိမ်းခွင့် ပေးတာမဟုတ်ပါ။


၃။ ကန့်သတ်လွတ်ငြိမ်းချမ်းသာခွင့် Limited Amnesty ကတော့ ပြစ်ဒဏ်များပြောင်းလဲ သတ်မှတ် တာ၊ စည်းကမ်းချက
်သတ်မှတ်ပြီး ပြစ်ဒဏ်ကနေလွတ်ငြိမ်း ခွင့်ပေးတာ တို့ဖြစ်ပါတယ်။ မြန်မာနိုင်ငံမှာ လွတ်ငြိမ်းချမ်းသာခွင့် ပေးခဲ့တာတွေကို လေ့လာကြည့်တဲ့အခါ အလုံးစုံလွတ်ငြိမ်း ချမ်းသာခွင့်ပြုတာကိုမတွေ့ရပဲ အထွေထွေလွတ်ငြိမ်းချမ်းသာခွင့်နဲ့ ကန့်သတ်လွတ်ငြိမ်းချမ်း သာခွင့်တွေကို ထုတ်ပြန်ခဲ့တာကိုပဲ အများဆုံးတွေ့ရပါတယ်။


ဗြိတိသျှ ကိုလိုနီလက်အောက် ကျရောက်စဉ် ဆရာစံရဲ့တောင်သူလယ်သမား အရေး တော်ပုံကြောင့် ၁၉၃၁ ခုနှစ် ဇူလိုင်လမှာ အင်္ဂလိပ်အစိုးရက ဒေသများအလိုက်သတ်မှတ်ပြီး လွတ်ငြိမ်းချမ်းသာခွင့်ထုတ် ပြန်ခဲ့ပါတယ်။ ဒေသများအလိုက်လက်နက်ချသူ ၆၃၉၁ ဦးရှိပေမဲ့ လဲ ခေါင်းဆောင်ပိုင်းနဲ့ အရေးပါတဲ့တောင်သူလယ်သမားတွေကိုသေဒဏ်၊ တသက်တကျွန်း ပြစ်ဒဏ်ပေးခဲ့တာတွေရှိပါတယ်။


ပါလီမန်ဒီမိုကရေစီအစိုးရ လက်ထက်မှာ၁၉၄၈ ဇန်န၀ါရီလ ၄ ရက်လွတ်လပ်ရေးနေ့ အထိမ်း အမှတ် အဖြစ် နှစ်ရှည်ပြစ်ဒဏ်ကျနေတဲ့ တွေ အားလုံးကိုပြစ်ဒဏ်ရဲ့ သုံးပုံတပုံ လျော့ပေးပြီး ပြစ်မှုသေးများကို လျော့ရက် ၆ လ သတ်မှတ်ပေးခဲ့ပါတယ်။ ၁၉၅၅ မှာပြည်တွင်း ငြိမ်းချမ်းရေး အတွက်လွတ်ငြိမ်းချမ်းသာခွင့်အမိန့် ထုတ်ပြန်ပြီး၊ ၁၉၅၆ မေလ ဆဋ္ဌသံဃာယတနာတင်ပွဲ သာသနာနှစ် ၂၅၀၀ ပြည့် အထိမ်းအမှတ် နဲ့ အထူးလျော့ရက်တွေ သတ်မှတ် ပေး တာကိုလဲ တွေ့ရပါတယ်။


တော်လှန်ရေးကောင်စီ တက်လာပြီးတဲ့နောက်ပိုင်း ကရင်တော် လှန်ရေး ကောင်စီ စောဟံသာ မွှေးနဲ့ သဘောတူညီမှု ရရှိခဲ့တဲ့အတွက် ၁၉၆၃ဧပြီလ ၁ ရက်နေ့မှာ အထွေထွေ လွတ်ငြိမ်းချမ်း သာ ခွင့်ထုတ်ပြန်ပေးပြီးအကျဉ်းသား ၁၂၀၀၀ခန့် လွှတ်ပေးခဲ့ပါတယ်။ဒါပေမဲ့ နိုင်ငံတော် လုံခြုံရေး အက်ဥပဒေအရ ဖမ်းဆီးခံထားရသူတွေကိုတော့ မလွှတ်ပေးခဲ့ပါဘူး။
တော်လှန်ရေး ကောင်စီကနေ မြန်မာ့ဆိုရှယ်လစ် လမ်းစဉ်ပါတီအဖြစ်ပြောင်းလဲပြီး ပထမဆုံး အကြိမ်ညီလာခံ အထိမ်းအမှတ်အဖြစ် ၁၉၇၁ ခုနှစ် ဇွန်လ ၂၇ ရက်နေ့မှာပြစ်ဒဏ်များကို တော်လှန်ရေးကောင်စီရဲ့ကြေညာချက်အမှတ် ၈၇ နဲ့လျှော့ပေါ့ပေးခဲ့ပါတယ်။


၁၉၇၄ ခုနှစ် မေလ ၁၉ ရက်နေ့မှာ နိုင်ငံတော်ကောင်စီရုံးအမိန့်ကြေငြာချက်အမှတ် ၁ နဲ့ နိုင်ငံတော် ကိုလက်နက်စွဲကိုင် တော်လှန်သောင်းကျန်း နေသူများအား ၁၉-၃-၇၄ မှ ၁၆-၆-၇၄ နေ့ အတွင်း တရားဥပဒေအတွင်း ၀င်ရောက်လျင်လွတ်ငြိမ်းချမ်းသာခွင့်ပေးခြင်း ပေးပြီး ပြစ်ဒဏ် ကျခံနေရသူများတွေကို ပြစ်ဒဏ် လျော့ပေါ့ပေးခဲ့တဲ့အတွက် ဦးခွန်ဆာပြန်လည် လွတ်မြောက်ခဲ့ ပါတယ်။ နောက်တခါ ၁၉၈၀ဇူလိုင်လ ၁၅ ရက်နေ့မှာ ပထမအကြိမ်ဂိုဏ်းပေါင်းစုံ သံဃာ့ အစည်းအဝေး အောင်မြင်စွာကျင်းပနိုင်တာကို ဂုဏ်ပြုတဲ့အထ်ိမ်းအမှတ်အဖြစ် ငြိမ်းချမ်းရေးနဲ့ ညီညွတ်ရေး စိတ်ဓါတ်ကိုပွားများစေဖိုို့ ၁၉၈၀ မေလ ၂၈ ရက်နေ့စွဲနဲ့ အထွေထွေ လွတ်ငြိမ်း ချမ်းသာခွင့် ၂/၈၀ ကို နိုင်ငံတော်ကောင်စီကထုတ်ပြန်ကျေညာ ခဲ့ပါတယ်။


ပြည်ပြေးအဖွဲ့အဖြစ် သတ်မှတ်ခံထားရတဲ့ ဦးနုနဲ့ဇနီးဒေါ်မြရီအပါအ၀င် ၄၈၅ ဦး အပြင် နိုင်ငံတ၀ှမ်းရှိ အကျဉ်းထောင်နဲ့ရဲဘက် စခန်းတွေက အကျဉ်းသား ၃၆၀၁ ဦးနဲ့ အကျဉ်းသူ ၃၄၃ ဦးတို့ကိုလွှတ်ပေးခဲ့ပါတယ်။ ဇူလိုင် ၁၉ ရက်ကနေ မေ ၂၈ ရက်ထိရက် ၉၀ အတွင်း နိုင်ငံရေးပါတီများဖြစ်တဲ့ပြည်သူ့ပြည်ချစ်ပါတီ၊ ဗမာပြည် ကွန်မြူနစ်ပါတီ ဗဟိုကော်မတီဝင် ဗိုလ်သက်ထွန်းနဲ့ရခိုင်ပြည်ကွန်မြူနစ်ပါတီဥက္ကဌ ဦးကျော်ဇံ ရွှီးအပါအ၀င် အလင်းဝင် ရောက်သူ ၂၁၈၉ ယောက်ရှိခဲ့ပြီး ဦးလောစစ်ဟန်လဲ ၁၉၈၀ လွတ်ငြိမ်းချမ်းသာ ခွင့်နဲ့အတူ ပြန်လည် လွတ်မြောက်လာပါတယ်။


၁၉၈၈ န၀တ စစ်အစိုးရလက်ထက်မှာ ၁၉၈၈ ပြစ်မှုဆိုင်ရာအမှုများ ပိတ်သိမ်းခြင်း၊ပြစ်ဒဏ် ပြောင်းလဲလျှော့ပေါ့ခြင်းကြားနာဆဲ အမှုများပိတ်သိမ်းခြင်း အမိန့်အမှတ် ၄/၈၉ ကိုထုတ်ပြန်ခဲ့ ပြီး အမိန့်အမှတ် ၁၁/၉၂ ၊ ၁/၉၃၊ ၁/၉၇ နဲ့ပြစ်ဒဏ်တွေ လျော့ပေါ့ပေးခဲ့ပါတယ်။ ဗိုလ်ချုပ် ခင်ညွန့် ဖမ်းဆီးခံရပြီး ယခင်တပ်မတော် ထောက်လှမ်းရေးလက်ထက်မှာ မှားယွင်းဖမ်းဆီးပြီး၊ ပြစ်ဒဏ်တွေပိုမိုချထား တာနဲ့ပတ်သက်လို့ ၂၀၀၅ ခုနှစ်သြဂုတ်လမှာပြန်လည် လွှတ်ပေးတဲ့ အထဲမှာ ကျောင်းသားခေါင်းဆောင် ကိုမင်းကိုနိုင်အပါအ၀င် နိုင်ငံရေးမှုများနဲ့ဖမ်းဆီးခံထားရ သူများ ပြန်လည် လွတ်မြောက်ခဲ့ပါတယ်။


၂၀၀၉ ခုနှစ်မှာနောက်ဆုံးပြစ်ဒဏ်တွေလျော့ပေးတဲ့ အထဲမှာတော့ လွတ်မြောက်လာသူ ၆၃၁၃ မှာ နိုင်ငံရေးအကျဉ်းသား ၃၁ ဦးသာပါဝင်ခဲ့တာကို တွေ့ရပါတယ်။ သမ္မတဦးသိန်းစိန် ဦးဆောင်တဲ့အစိုးရသစ် လက်ထက်မှာ ပြည်တွင်းငြိမ်းချမ်းရေးနဲ့ နိုင်ငံရေး တည်ငြိမ်မှုများကို အလေးထား ဆောင်ရွက်မယ်ဆိုရင်ဖြင့် ဖမ်းဆီးထိန်းသိမ်းခြင်း ခံထားရ တဲ့နိုင်ငံရေး အကျဉ်းသားများ အားလုံးပြန်လည် လွှတ်ပေးပြီး၊တွေ့ဆုံ ဆွေးနွေးညှိနှိုင်းဖို့အချိန် တန်ပြီဖြစ်ကြောင်း တင်ပြလိုက်ရပါတယ်ခင်ဗျား