ရှေ့နေဦးမင်းလွင်ဦး
မြန်မာနိုင်ငံရဲ့တရားစီရင်ရေးစံနစ်မှာ အုပ်ချုပ်ရေးအာဏာပိုင်အဖွဲ့အစည်းတွေရဲ့ဝင်ရောက် စွက်ဖက်မှုတွေရှိနေတယ်ဆိုတာကို မြန်မာနိုင်ငံအတွင်းနိုင်ငံရေးမှုတွေ ဗုံးပေါက်ကွဲမှုတွေ နဲ့ဖမ်းဆီးထိန်းသိမ်း စစ်ဆေးခြင်းခံနေရတဲ့အမှုတွေက သက်သေခံနေပါတယ်။
တရားခွင်အတွင်းလိုက်ပါဆောင်ရွက်နေတဲ့အကျိုးဆောင်ရှေ့နေတွေကို နည်းမျိုးစုံနဲ့နှောက် ယှက်တာ၊ မိသားစုဝင်းများကိုတောင်မှ အမှုစစ်ဆေးရာမှာ ၀င်ရောက်ကြားနာခွင့်မပြုတာ၊
မှုခင်းတွေကိုစစ်ဆေးစီရင်ပြီးရင် နိုင်ငံရေးမှုတွေနဲ့ပြစ်ဒဏ်ပေးခံရသူတွေကို မိသားစုတွေနဲ့ ဝေးရာကိုရွေ့ပြောင်းပြီးထပ်ဆင့်အပြစ်ပေးတာ၊ အယူခံတင်ဖို့ရှေ့နေကိုယ်စားလှယ်လွှဲစာ ကို အလွယ်တကူမရအောင်နည်းမျိုးစုံနဲ့ ဟန့်တားနှောက်ယှက်တာတွေဟာ နိုင်ငံတကာက လူ့အခွင့်အရေးစောင့်ကြည့်လေ့လာတဲ့အဖွဲ့များအနေနဲ့တအံ့တသြဖြစ်ရတဲ့အထိပါပဲ။
ဒီတပတ်မှာတော့မြန်မာနိုင်ငံရဲ့ လက်ရှိစစ်ဆေးစီရင်နေတဲ့ ပြစ်မှုဆိုင်ရာမှုခင်းများနဲ့ပတ် သက်လို့လွတ်လပ်တဲ့တရားစီရင်ရေးအမှန်တကယ်ကျင့်သုံးခြင်းရှိမရှိဆိုတာနဲ့ပတ်သက်လို့ တင်ပြပါမယ်။ပြစ်မှုဆိုင်ရာမှုခင်းတွေ၊ ဒါမှမဟုတ်တရားမမှုခင်းတွေ့ပဲဖြစ်ပါစေ၊ အမှုတခုရယ် လို့ ဖြစ်လာရင် မိမိတို့မှာရှိတဲ့သက်သေအထောက်အထားတွေကိုတင်ပြပြီး မိမိ တို့ရဲ့ရပိုင်ခွင့် တွေ ကို တောင်းဆိုကြရတာဖြစ်တယ်။တရားမမှုတွေမှာမိမိအားကိုးအားထားပြုတဲ့ စာရွက် စာတမ်း အထောက်အထားတွေနဲ့ပတ်သက်လို့တဖက်ကတရားပြိုင်ကို လေ့လာဖို့ ကြိုတင် စစ်ဆေးကြည့်ရှုခွင့်ပြုရတာတွေရှိပါတယ်။
ပြစ်မှုဆိုင်ရာမှုခင်းများမှာတော့ တရားခွင်အတွင်းစစ်ဆေးစီရင်တဲ့အခါမှာ တင်ပြတဲ့သက်သေခံ စာရွက်စာတမ်းများနဲ့ပတ်သက်လို့မိတ္တူကူးယူခွင့်၊ ခုခံချေပခွင့်တွေနဲ့ပတ်သက်လို့ သက်သေ ခံ ဥပဒေပါပြဌာန်းချက်တွေနဲ့အညီဆောင်ရွက်ရပါတယ်။သက်သေတင်သွင်းထားတဲ့ အချက်အလက်များနဲ့ပတ်သက်လို့လဲ တရားခံဖက်ကို လုံလောက်တဲ့ခုခံချေပခွင့်ပြုရပါတယ်။
တရားရုံးများလက်စွဲစာမျက်နှာ ၁၀၀ အပိုဒ် ၂၇ တွင် ရာဇ၀တ်မှုများတွင်စစ်ဆေးစီရင်ရာမှာ်
သက်သေခံအဖြစ်အသုံးပြုတဲ့ ရဲစက္ကူရပ်များအပါအ၀င် စစ်ဆေးစီရင်နေတဲ့ အမှုတွဲမှ
မှန်ကြောင်းသက်သေခံလက်မှတ်ထိုး၍ဖြစ်စေ၊ မှန်ကြောင်းသက်သေခံလက်မှတ်မထိုးပဲဖြစ်
စေမည်သည့်အပိုင်းမိတ္တူများကိုမဆို အမှုသည်တို့က ရထိုက်ခွင့်ရှိတယ်လို့ဖေါ်ပြထားတယ်။
သက်သေခံ ဥပဒေပုဒ်မ ၇၆ မှာ အများပြည်သူနဲ့သက်ဆိုင်သောစာရွက်စာတမ်းတွေကို စစ်ဆေး ကြည့်ရှုခွင့်ရှိသူကဥပဒေပြဌာန်းချက်အရ ကျသင့်သည့် အဖိုးအခပေးသွင်းလျှင်၊ မိတ္တူကူးယူခွင့် ပြုရမယ်လို့ပြဌာန်းထားပါတယ်။ ဒါပေမဲ့ နိုင်ငံရေးကိစ္စရပ်များနဲ့ဖမ်းဆီးစစ်
ဆေးခြင်းခံခဲ့ရတဲ့ ကျောင်းသားခေါင်းဆောင် မင်းကိုနိုင်အပါအ၀င် ၃၇ ဦးရဲ့အမှုမှာတရားရုံး ရဲ့စီရင်ဆုံးဖြတ်ချက်တွေကို သက်သေကူးယူခွင့်မပြောနဲ့ ရှေ့နေနဲ့ခုခံချေပခွင့်တောင်မရပဲ ထောင်ဒဏ်နှစ်ရှည် ချမှတ်ခြင်းခံခဲ့ရပါတယ်။
သက်သေခံ ဥပဒေမှာ စာရွက်စာတမ်း၊ အထောက်အထားနဲ့ ဓါတ်ပုံတွေကို သက်သေခံ တင်သွင်းရင် အကောင်းဆုံး သော သက်သေခံချက်တွေဖြစ်အောင် မူရင်းနဲ့တိုက် ဆိုင်စစ် ဆေးပြီးမှ သက်သေခံအဖြစ် တရားရုံးက လက်ခံရတာပါ။ မူရင်းနဲ့တိုက်ဆိုင်စစ်ဆေး ထားခြင်း မရှိပဲ ဓါတ်ပုံမိတ္တူကို သက်သေခံအဖြစ် တရားရုံးကလက်ခံလို့မရပါဘူး၊ဒါပေမဲ့လဲ ရွှေပြည်သာ ဗုံးပေါက်ကွဲမှုနဲ့ဖမ်းဆီးထိန်းသိမ်းခြင်းခံရတဲ့ အေးမင်းနိုင်တို့အမှု၊ စမ်းချောင်းမြို့နယ် အတွင်း ဗုံးပေါက်ကွဲမှုနဲ့စစ်ဆေးခြင်းခံရတဲ့သန်းမြင့်အောင် တို့ရဲ့အမှု တွေမှာ အမှုတမှုထဲကဓါတ်ပုံ တွေ ကို အခြားအမှုတွေမှာ သက်သေခံအဖြစ် တရားလိုဖက်ကတင်သွင်းတာကိုဥပဒေနဲ့ မညီပေမဲ့တရားရုံးတွေကလက်ခံခွင့်ပြုခဲ့တာကိုတွေ့ရပါတယ်။
နောက်တခါx2o ဗုံးပေါက်ကွဲမှုနဲ့ဖမ်းဆီးစစ်ဆေးခြင်းခံနေရတဲ့ကိုဖြိုးဝေအောင်ရဲ့အမှုမှာလဲ ပြည်ထောင်စုတရားလွှတ်တော်ချုပ်ရဲ့ အမိန့်အမှတ် ၄/ ၂၀၁၁ ကိုမိတ္တူကူးယူခွင့် လျှောက်ထားရာမှာ လဲ ဌာနဆိုင်ရာညွှန်ကြားချက်များဖြစ်၍ မိတ္တူကူးယူခွင့်မပြုပါလို့ အခွင့် ရ အရာရှိကမိတ္တူကူးယူခွင့်မပြုခဲ့တာကိုတွေ့ရပါတယ်။ တရားရုံးချုပ်က ထုတ်ပြန်တဲ့ညွှန်ကြား ချက်များ၊ အမိန့်များ၊ ဟာ အများပြည်သူများနဲ့သက်ဆိုင်တဲ့စာရွက်စာတမ်းများဖြစ်ပါတယ်၊ တရားလွှတ်တော်ချုပ် ကိုယ်တိုင်က ဒီလိုထုတ်ပြန်တဲ့ အမိန့်၊ညွှန်ကြားချက်တွေကို တရားရုံး များကလိုက်နာကျင့်သုံး ဖို့ထုတ်ပြန်ပြဌာန်းရတာဖြစ်တယ်။ ဌာနဆိုင်ရာ အမိန့်ရယ်လို့ သီးသန့်ထုတ်ပြန်ပြဌာန်းထား တာမျိုးလုပ်လို့မရပါဘူး၊
ဒါ့အပြင် တရားလို ဖက်ကတင်သွင်းထားတဲ့စာရွက်စာတမ်းတွေဟာ ဆန့်ကျင်ဖက်အဖွဲ့ အစည်း များမှ တရားမ၀င်ထုတ်ပြန်ထားတဲ့ကြေငြာချက်သတင်းများဖြစ်လို့မိတ္တူကူးယူခွင့် မပြုခဲ့ပါဘူးဆိုပြီးထပ်မံငြင်းပယ်ထားတာကိုလဲတွေ့ရပါတယ်။ တရားလိုဖက်ကစွပ်စွဲထားတဲ့ စွပ်စွဲချက်တွေကို တရားခံဖြစ်သူဖက်က ခုခံချေပလိုတဲ့ အခါ အမှုတွဲမှာ ရှိနေတဲ့ မည်သည့်စာရွက် စာတမ်းမဆို တရားခံကို မိတ္တူကူးယူခွင့်ပေးရမှာဖြစ်တယ်။ ဒါမှလဲ ဥပဒေနဲ့အညီခုခံချေပခွင့် ကို ခွင့်ပြုထားတယ်လို့ဆိုနိုင်မှာဖြစ်တယ်။ ရန်ကုန်မြို့တော်နဲ့မြန်မာပြည်တ၀ှမ်းမှာဖြစ်ပွားတဲ့ ဗုံးပေါက်ကွဲမှုများကိုစွမ်းအားမြှင့် စစ်သည်တော် များအဖွဲ့ဝင်များလုပ်ဆောင်ခဲ့တယ်လို့ မှုခင်း စစ်ဆေး စီရင်ခြင်းမပြီးခင်မှာ ရဲချုပ်ခင်ရီ က အပြစ်ရှိသကဲ့ သတင်းစာရှင်းလင်းပွဲတွေမှာ ထုတ်ဖေါ်ပြောကြားချက်ဟာ တရားရုံးကို အပြစ်ပေးဖို့အုပ်ချုပ်ရေး အာဏာပိုင် တွေရဲ့ ညွှန်ကြားချက်ဖြစ်ကြောင်း ဖေါ်ပြထားသလိုတွေ့ရပါတယ်။ယခုအချိန်ထိစွမ်းအားမြှင့်စစ်သည် များကိုဖမ်းဆီးရမိ သေးခြင်းမရှိသေးပဲ၊ ထွက်ပြေးလွတ်မြောက်နေဆဲဖြစ်တယ်ဆိုတာကိုလဲ မှုခင်းစစ်ဆေးချက် တွေအရတွေ့ရပါတယ်။ တရားခံအဖြစ်ဖမ်းဆီးထားခြင်းခံရသူကို ပြစ်မှုကျူး လွန်ကြောင်း အထောက်အထားခိုင်လုံမှအပြစ်ပေးပါလို့ဥပဒေဆိုစကားရှိပေမဲ့တရားခံဖြစ် စွပ်စွဲခံရသူများ အနေနဲ့မှုခင်းကို ခုခံချေပဖို့လုံလောက်တဲ့ အခွင့်အရေးတွေ ပေးမထားတဲ့ အတွက် မြန်မာနိုင်ငံမှာတရားဥပဒေစိုးမိုးမှုမရှိဘူး၊ လွတ်လပ်တဲ့တရားစီရင်ရေး စံနစ်မပေါ် ပေါက်နိုင်သေးဘူးအာဏာပိုင်များဆုံးဖြတ်တဲ့အတိုင်းတရားရုံးကဟန်ပြစစ်ဆေးစီ
ရင်ပေးနေရ ကြောင်းတင်ပြလိုက်ရပါတယ်ခင်ဗျား။
0 comments:
Post a Comment