ရှေ့နေဦးမင်းလွင်ဦး
ကုလသမဂ္ဂ အထွေထွေအတွင်းရေးမှူးချုပ်ဘန်ကီမွန်းက ပြည်ထောင်စုဝန်ကြီး နိုင်ငံခြားရေး ၀န်ကြီး ဦးဝဏ္ဏမောင်လွင်ကို တယ်လီဖုန်းနဲ့ဆက်ပြီး နိုင်ငံရေးအကျဉ်းသားများလွှတ်ပေးဖို့ တောင်းဆိုခဲ့တာကိုကြားသိရပါတယ်။ နိုင်ငံရေးအကျဉ်းသားမရှိပါဘူးအားလုံးရာဇ၀တ်ပြစ် မှုတွေနဲ့ပြစ်ဒဏ်ပေးထားတာပါလို့ အစိုးရသစ်ကပြောနေပေမဲ့ ဦးခွန်ထွန်းဦး၊ ဗိုလ်ချုပ် ဆေထင်၊ ဦးစိုင်းညွန့်လွင်တို့အပါအ၀င် ရှမ်းပြည်အတိုင်ပင်ခံကောင်စီဖွဲ့ဖို့ကြိုးစား တဲ့သူတွေ ကို နိုင်ငံတော်သစ္စာဖေါက်ဖျက်ပုန်ကန်မှု၊နိုင်ငံတော်အားအကြည်အညိုပျက်အောင်ပြုမှုနဲ့ အမျိုးသားညီလာခံလုပ်ငန်းများနှောက်ယှက်ခြင်းဆိုင်ရာဥပဒေပုဒ်မ၄ အပါ အ၀င်အခြား ပြစ်မှုများနဲ့ နှစ်ရှည်ထောင်ဒဏ်တွေ ချမှတ်ထားတာကို ကုလသမဂ္ဂလူ့အခွင့် အရေး ကောင်စီ နဲ့မြန်မာနိုင်ငံဆိုင်ရာ အထူးကိုယ်စား လှယ်များက တင်ပြ ထားလို့နိုင်ငံရေး အကျဉ်းသားတွေ မြန်မာနိုင်ငံမှာရှိနေတယ်ဆိုတာကို ကုလသမဂ္ဂလုံခြုံရေးကောင်စီ ကသိနေပါတယ်။
ရှမ်းတိုင်းရင်းသားခေါင်းဆောင်တွေဖြစ်တဲ့ ဦးခွန်ထွန်းဦး၊ ဗိုလ်ချုပ်ဆေထင်စတဲ့သူတွေဟာ ရှမ်းပြည်နယ်အတွင်းရှိ န၀တ၊ နအဖနဲ့ ငြိမ်းချမ်းရေးရယူထားတဲ့ တိုင်းရင်းသားလက်နက်ကိုင် အဖွဲ့အစည်းတွေ၊ နိုင်ငံရေးပါတီတွေက ခေါင်းဆောင်တွေနဲ့ စုဖွဲ့ပြီး ရှမ်းပြည်နယ်ရဲ့အရေးနဲ့ ရှမ်းတိုင်းရင်းသား တွေရဲ့အခွင့်အရေးတွေရရှိနိုင်ဖို့ နအဖနဲ့ တွေ့ဆုံညှိနှိုင်းဖို့ရည်ရွယ် ပြီးရှမ်းပြည်အတိုင်အပင်ခံကောင်စီကိုဖွဲ့စည်းဖို့ကြိုးပမ်းခဲ့တာပါ။
ဒီလိုရည်ရွယ်ချက်ကောင်းနဲ့ဖွဲ့စည်းဖို့ကြိုးစားတာကို နအဖ စစ်အစိုးရက လက်မခံပဲ အရေး ယူအပြစ်ပေးခဲ့တာကိုတွေ့ရမှာဖြစ်တယ်။
အရေးယူအပြစ်ပေးတဲ့အခါမှာလည်း ဥပဒေနဲ့အညီစစ်ဆေးစီရင်ပြီး အပြစ်ပေးခဲ့တာမဟုတ်ဖူး ဆိုတာကို လူ့အခွင့်အရေးကောင်စီရဲ့လက်အောက်ခံအဖွဲ့အစည်းဖြစ်တဲ့ မတရားဥပဒေမဲ့ ဖမ်းဆီးချုပ်နှောင်ခြင်းကိစ္စရပ်တွေကို ကိုင်တွယ်ဆောင်ရွက်တဲ့အလုပ်အဖွဲ့က အတည်ပြုထား တာကိုတွေ့ရပါတယ်။
ဥပဒေမဲ့မတရားဖမ်းဆီးချုပ်နှောင်ခြင်းဖြစ်ဖို့အတွက်သတ်မှတ်ထားတဲ့စံ ၃ ရပ်ရှိပါတယ်။ ပထမအချက်ကတော့ ဥပဒေအကြောင်းပြချက်တစုံတရာမပြပဲ အာဏာပိုင်များက နှစ်ရှည် ဖမ်းဆီးချုပ်နှောင်ထားခြင်းဖြစ်ပါတယ်။
ဒုတိယအချက်ကတော့ ကုလသမဂ္ဂလူ့အခွင့် အရေးကြေငြာစာတမ်းပါအချက် ၃၀ နဲ့ပတ် သက်လို့တောင်းဆိုတဲ့ကိစ္စတွေ၊နိုင်ငံသားတွေရဲ့ အနိမ့်ဆုံးရသင့်တဲ့ စံချိန်စံနှုန်း အခွင့်အရေး တွေရရှိဖို့အတွက်ကြိုးပမ်းဆောင်ရွက်နေစဉ်အာဏာပိုင် များရဲ့ ဥပဒေမဲ့ဖမ်းဆီးခြင်း၊ မတရား ချုပ်နှောင်ခြင်းခံရတဲ့ကိစ္စတွေကို ထည့်သွင်းသတ်မှတ် ပါတယ်။
တတိယသတ်မှတ်ထားတဲ့ စံနှုန်းကတော့ ဖမ်းဆီးထိန်းသိမ်းခြင်းခံရပြီးလို့မှုခင်းတွေ စစ်ဆေး စီရင်တဲ့အခါမှာ သတ်မှတ်ပြဌာန်းထားတဲ့ဥပဒေတွေနဲ့အညီစစ်ဆေးစီရင်ခြင်းမပြုဘူး ဆိုရင် ဥပဒေမဲ့ဖမ်းဆီးထိန်းသိမ်းထားခြင်းခံရတယ်လို့ ဥပဒေမဲ့ဖမ်းဆီးထိန်းသိမ်းခံရခြင်းဆိုင်ရာ အလုပ်အဖွဲ့ကသတ်မှတ်ပါတယ်။
ရှမ်းတိုင်းရင်းသားခေါင်းဆောင်တွေဖြစ်တဲ့ ဦးခွန်ထွန်းဦး၊ ဗိုလ်ချုပ်ဆေထင်နဲ့ စိုင်းညွန့်လွင် တို့အပေါ်စွဲဆိုထားတဲ့ ပြစ်မှုဆိုင်ရာဥပဒေပုဒ်မ ၁၂၁ (ဃ) ပြဌာန်းချက်မှာ ဖွဲ့စည်းအုပ်ချုပ်ပုံ ဖြင့်တည်ထောင်ခန့်အပ်တဲ့ပြည်ထောင်စုမြန်မာနိုင်ငံတော်ရဲ့လုပ်ငန်းအဖွဲ့ဒါမှမဟုတ် ပြည် ထောင်စုအဖွဲ့ဝင်လုပ်ငန်းအဖွဲ့ကို ဖြိုဖျက်ရန် လက်နက်နဲ့သော်လည်းကောင်းအခြားနည်းနဲ့ သော်လည်းကောင်းလုပ်ဆောင်ပြင်ဆင်အားထုတ်ပါဝင်ဆောင်ရွက်ရင်ဒါမှမဟုတ် တဦးဦးနဲ့ ပူးပေါင်းကြံစည်ရင်နိုင်ငံတော်သစ္စာဖေါက်ဖျက်ပုန်ကန်မှုကျူးလွန်တယ်လို့အဓိပ္ပါယ်ဖွင့်ဆို ထားပါတယ်
ဥပဒေပြဌာန်းချက်အရဆိုရင် ဖွဲ့စည်းအုပ်ချုပ်ပုံအခြေခံဥပဒေနဲ့တည်ထောင်ခန့်အပ် ထားတဲ့ပြည် ထောင်စုမြန်မာနိုင်ငံတော်ရဲ့လုပ်ငန်းအဖွဲ့ လို့ သတ်မှတ်ထားတဲ့အတွက်ယခင် နိုင်ငံတော်အေးချမ်းသာယာရေး နဲ့ဖွံ့ဖြိုးးရေးကောင်စီ ဟာဖွဲ့စည်းအုပ်ချုပ်ပုံအခြေခံဥပဒေအရ တည်ထောင်ခန့်အပ် ထားတဲ့ လုပ်ငန်းအဖွဲ့ ( အစိုးရ) မဟုတ်ကြောင်းထင်ရှားပါတယ်။ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီးစောမောင်ပြောကြားတဲ့ နိုင်ငံတော်မိန့်ခွန်း ကောက်နှုတ်ချက်တွေမှာ မာရှယ်လော တပ်မတော် အစိုးရဖြစ်တဲ့အတွက် အခြေခံ ဥပဒေမရှိပဲ တပ်မတော်ကို ကျော ထောက်နောက်ခံထား ပြီး အုပ်ချုပ်နေတဲ့အစိုးရဖြစ်တယ်လို့ တရားဝင် မိန့်ခွန်းတွေမှာပြော ကြားခဲ့ပါတယ်။ အစိုးရလုပ်ငန်းအဖွဲ့ဟာဖွဲ့စည်းအုပ်ချုပ်ပုံအခြေခံဥပဒေ အရ တည်ထောင် ထားတဲ့ အစိုးရဖြစ်ရမယ်လို့ ဥပဒေတရပ်ရပ်က အတိအလင်းဖွင့်ဆို တား မြစ်ထားရင် နအဖလက်ထက်က နိုင်ငံတော်ပုန်ကန်မှုနဲ့ တရားခံတွေကိုအပြစ်ပေးစီရင် ဆုံးဖြတ်ထားတာတွေဟာ ဥပဒေအရမှားယွင်းတဲ့အပြင် ဥပဒေပြဌာန်းချက်ကို ကျော်လွန်လုပ် ဆောင်ထားတာဖြစ်တယ်။
နောက်ပြီးရှမ်းတိုင်းရင်းသားခေါင်းဆောင်တွေရဲ့အမှုကိုစစ်ဆေးစီရင်တဲ့အခါမှာ တရားခံများရဲ့ အခွင့်အရေးအရ စွဲချက်တင်ပြီးရင် တရားလိုဖက်ကတင်ပြထားတဲ့သက်သေတွေအနက် ပြန်လည်စစ်မေးလိုတဲ့သက်သေကို ခေါ်ယူစစ်မေးနိုင်ခွင့်ကိုသက်သေခံဥပဒေအရခွင့်ပြုထားပါ တယ်။ဒါပေမဲအရေးကြီးတဲ့ပြန်ခေါ်သက်သေများဖြစ်တဲ့ဇင်အောင်နဲ့ဦးဘသင်တို့ဟာနေရပ် လိပ်စာပြောင်းသွားလို့ရှာမတွေ့ဘူးဆိုပြီးသတင်းတပ်ဖွဲ့ကတင်ပြတဲ့အတွက်ပြန်ခေါ်စစ်မေး
ခွင့်ဆုံးရှုံးခဲ့ရပါတယ်။
ဒါ့အပြင် အထူးတရားရုံးဖွဲ့စည်းတာကိုလည်းဥပဒေပြဌာန်းချက်နဲ့အညီမဟုတ်ပဲဆောင်ရွက် ထားတာ၊ တရားခံဖက်ကတင်ပြထားတဲ့သက်သေတွေအလွယ်တကူမလာရောက်နိုင်အောင် အကျဉ်းထောင်တွင်းကအထူးတရားရုံးမှာစစ်ဆေးစီရင်တာ၊ ပြစ်မှုတခုတည်းအတွက်တပေါင်း တည်းစစ်ဆေးစီရင်အပြစ်ပေးရမှာဖြစ်ပေမဲ့လည်း သီးခြားစီခွဲပြီးသီးခြားပြစ်ဒဏ်တွေချမှတ်ခဲ့ တာ၊ ပြည်သူအများရဲ့ရှေ့မှောက်မှာ လွတ်လပ်စွာစစ်ဆေးစီရင်ခြင်းမပြုပဲအထူးခုံရုံးနဲ့စစ်ဆေး စီရင်ထားတာ၊အသင်းအဖွဲ့ဖွဲ့စည်းရေးဆိုင်ရာဥပဒေနဲ့အရေးယူမယ်ဆိုရင်ပြည်ထဲရေးဝန်ကြီးဌာနရဲ့ခွင့်ပြုချက်ပါရမယ်လို့အတိအလင်းပြဌာန်းထားပေမဲ့ ခွင့်ပြုမိန့်မပါပဲ စစ်ဆေးအပြစ်ပေး ထားတွေကိုတွေ့ရှိရတဲ့အတွက် ကုလသမဂ္ဂလူ့အခွင့်အရေးကောင်စီရဲ့လက် အောက်ခံဥပဒေ မဲ့ မတရားဖမ်းဆီးချုပ်နှောင်ခြင်းဆိုင်ရာအလုပ်အဖွဲ့က ရှမ်းတိုင်းရင်းသားခေါင်းဆောင် ဦးခွန်ထွန်းဦး၊ ဗိုလ်ချုပ်ဆေထင်၊ စိုင်းညွန့်လွင်၊ညီညီမိုး၊စိုင်းမျိုးဝင်းထွန်း၊ထွန်းညိုနဲ့မြင့်သန်း တို့ကိုမတရားဖမ်းဆီးချုပ်နှောင်ခြင်းခံရသူများအဖြစ်သတ်မှတ်ထားပါတယ်။ဒီလိုသတ်မှတ်
ထားတာကို ယခင်နအဖရဲ့အမြဲတမ်းကုလသမဂ္ဂကိုယ်စားလှယ် ဦးဝဏ္ဏ မောင်လွင်ကတဆင့် နိုင်ငံတော်ရှေ့နေချုပ်ရုံးနဲ့တရားရုံးချုပ်တို့ကိုအသိပေးပြီးဖြစ်ပါတယ်။
ယခု၂၀၀၈ ဖွဲ့စည်းပုံအခြေခံဥပဒေနဲ့အညီရွေးချယ်တင်မြှောက်ခြင်းခံရတဲ့ အစိုးရသစ်လက် ထက် မှာတော့ယခင်က ဥပဒေမဲ့စစ်ဆေးစီရင်ခဲ့တဲ့ပြစ်မှုများနဲ့ပတ်သက်လို့ပြန်လည်သုံးသပ် ခြင်း၊ စောဒကမှုများကိုလက်ခံကြားနာပြီးတိုင်းရင်းသား ခေါင်းဆောင်များ နဲ့ နိုင်ငံရေးအကျဉ်း သားများကိုလွှတ်ပေးပြီး အဓိပ္ပါယ်ပြည့်ဝတဲ့ တွေ့ဆုံဆွေးနွေးမှုတွေ လုပ်ဖို့လိုအပ်နေပြီ ဖြစ်ကြောင်းတင်ပြလိုက်ရပါတယ် ခင်ဗျား
0 comments:
Post a Comment