Monday, October 03, 2011

Filled Under:

ညှဉ်းပန်းနှိပ်စက်မှူ နှင့်မြန်မာနိုင်ငံ...၃ အောက်တိုဘာ ၂၀၁၁

သတင်းဆောင်းပါး ဟယ်လန်ဂျိုး…..၂၉ စက်တင်ဘာ ၂၀၁၁
စစ်အာဏာရှင်စနစ်မှ ဒီမိုကရေစီစနစ်သို့် အသွင် ကူးပြောင်းပြီး ဖြစ်သော်လည်း ဒီမိုကရေစီ လမ်းစဉ်ကို အပြည့်အ၀ ကျင့်သုံးနိုင်ခြင်း မရှိသေးဘဲ ညှဉ်းပန်း နှိပ်စက်မှု  များရှိနေသည့် အာရှတိုက်ရှိ နိုင်ငံ များနှင့် ဒီမိုကရေစီ နိုင်ငံများဖြစ်ကြသည့်  အနောက်ဥရောပနိုင်ငံ များ အ ကြား ကွာဟမှူများ ကို ဆွေးနွေး၊ အမြင်ခြင်းဖလှယ် ရန်  စက်တင်ဘာ လ ၂၃ ရက် နေ့ တွင် အာရှ လူ့အခွင့်အရေးကော်မရှင် (Asian Human Rights Commission)    နှင့် အပြည်ပြည်ဆိုင်ရာ အစိုးရမဟုတ်သော အဖွဲ့အစည်းဖြစ်သည့် REDRESS  တို့ပူးပေါင်း၍  “Reparation for  Torture’’  ဟူသည့်ခေါင်းစဉ်အောက် တွင် ဆွေးနွေးပွဲ တစ်ခုကျင်းပခဲ့ပါသည်။
အစည်းအဝေး ပွဲ သို့အမေရိကန်၊ အာဖဂန်နစ္စတန်၊ ပါကစ္စတန်၊ အရှေ့တီမော၊ ဂျာမန်နီ နှင့်အာရှတိုက်ရှိ တရုတ်၊ ဘင်္ဂလားဒေ့ရှ်၊ ဖိလစ်ပိုင်၊ ကန်ဘောဒီယား၊နီပေါ၊ သီရီလင်္ကာ၊ အိန္ဒိယ၊ အင်ဒိုနီးရှား ၊ထိုင်း အစရှိသည့် နိုင်ငံများမှ  တက်ရောက်လာသူ  ၂၀ ဦးကျော် တက်ရောက်ခဲ့သည်။
အစည်းအဝေး ကို ၂၃ ရက်နေ့မှ ၂၅ ရက်နေ့ ဟောင်ကောင်အခြေစိုက် လူ့အခွင့်အရေးကောင်စီ ရုံး  ၊အချိန် နံနက် ၉ ခွဲမှ ညနေ ၆ နာရီ ထိ ကျင်းပခဲ့ သည်။
အဆိုပါ ညှဉ်းပန်းနှိပ်စက်ခြင်းတွင် လူ့အခွင့်အရေး ချိုးဖေါက်မှူ နှင့် ညှဉ်းပန်းနှိပ်စက်မှု ( torture) ဆိုင်ရာ အကြောင်းအရာများ ကို အဓိက ဆွေးနွေးခဲ့ ကြသည်။ ပါဝင် သူ အများစု သည် မိမိ နိုင်ငံတွင် လူ့အခွင့်အရေး လုပ်ငန်း ကို ၁၀  နှစ် အထက် လုပ် ကိုင် ခဲ့်သူ များလည်း ဖြစ်သည့် အလျှောက် ဌင်းတို့ တွင် ဤ စစ်တပ်၊ အာနာရှင်၊ အစိုးရ တို့ပြည်သူများ အပေါ်  ညှဉ်းပန်းနှိပ်စက်မှူ ကိစ္စ နှင့် ပက်သက်ပြီး နေ့စဉ် အချိန်တိုင်း ဖြေရှင်း နေရသူများဖြစ်သည်။
ဆွေးနွေးပွဲ ကို တရုတ်နိုင်ငံ ၏ ညှဉ်းပန်းနှိပ်စက်မှူ အခြေအနေ နှင့် လက်ရောက်ကျူးလွန်သော အာနာရှင်များကို အရေးမယူမှူ နှင့် စခဲ့ သည်။ ထို့နောက် အခြားနိုင်ငံ များ ဆက်လက်တင်ပြ ဆွေးနွေး ရာ တွင် အပြည်ပြည်ဆိုင်ရာ လူ့အခွင့်အရေး ကြေငြာစာတမ်း၊နှိပ်စက် ညှဉ်းပန်းမှုပပျောက်ရေး စာချုပ်  အား အလေးမထား၊ ဂရုမစိုက်ဘဲ ခေါင်းမာမာနဲ့ အာနာ အားကိုးပြီး နိုင်ငံသားပြည်သူများ ၊ ဆင်းရဲ သားလူ နည်းစု တို့အပေါ် နည်းအမျိုးမျိုးဖိနှိပ်၊ လူ့အခွင့်အရေး ချိုးဖေါက် မှူ များ ပြုလုပ်နေ သော နိုင်ငံများလည်း ရှိနေသည်။
ထို့အတူ၊အိန္ဒိယ၊ ပါကစ္စတန်၊ ဘင်္ဂလားဒေ့ရှ် နိုင်ငံများသည်လည်း နှိပ်စက် ညှဉ်းပန်းမှုပပျောက်ရေး စာချုပ် တို့ တွင် လက်မှတ်ရေးထိုးထား သော်လည်း ယခုအချိန်ထိ ကျင့်သုံး လိုက်နာမှုမရှိ သေးသည်ကိုတွေ့ရသည်။
ထို့နောက် ICCPR  အပိုဒ် ၇ တွင် ဖော်ပြထား သည့် အတိုင်း လူတစ်ဦးကို စစ်သုံ့ပန်းကဲ့ သို့ နှိတ်စက်မှူများ ၊ ၀န်ခံချက် လို၍ သော်လည်းကောင်း (သို့) အချက်အလက် လို၍ သော်လည်းကောင်း ညှဉ်းပန်းနှိပ်စက်ခြင်း၊ နှင့် နစ်နာသူ၏ မိသားစု ၊သွေးသားတော်စပ် သူများ အား ညှဉ်းပန်းနှိပ်စက်ခြင်း၊ စသည့် အကြောင်းအရာများကို လည်းဆွေးနွေးကြသည်။
ပါဝင်ဆွေးနွေးကြသောနိုင်ငံ အများစုတွင် ညှဉ်းပန်းနှိပ်စက်ခြင်း အတွက် တားဆီးသည့် ထိရောက်သည့်ဥပဒေများမရှိ ပေ။ ထို့အတူ လက်ရောက်ကျူးလွန်သော အာနာရှင်များ၊ စစ်တပ်နှင့် ရဲ များကိုလည်း အရေးယူသော ဥပဒေ များလည်း နည်းပါးနေ ပါ သည်။ဤ သို့ဖြစ်ရ ခြင်းမှာ ဥပဒေ စိုးမိုးမှူမရှိ ခြင်း၊ နိုင်ငံအတွင်းချစားမှုများ ၊ အာနာရှင်များ၏ အာနာ ဆက်လက်ကြီးစိုးနေ ခြင်းကြောင့်ဖြစ်သည်။
အစည်းအဝေး နောက်ဆုံးနေ့တွင် ဤ သို့ သော ညှဉ်းပန်းနှိပ်စက်ခြင်း ကိုအဆုံး သတ်သွားရန်အတွက် မည်သို့မည်ပုံ လုပ်ဆောင်သွားရ မည်ကို ဦးတည်ဆွေးနွေးသွားကြ ပါသည်။
အာရှ လူ့အခွင့်အရေး ကော်မရှ အမှုဆောင်ဒါရိုက်တာ Mr. Basil Fernando က ညှဉ်းပန်းနှိပ်စက်ခြင်း ကို ချက်ခြင်း အဆုံး သတ်သွားရန်အတွက် နည်းမရှိ ပေ ။ သို့သော် ဆက်လက်မဖြစ်ပွားရန်အတွက် တားဆီးနည်းမှာ ညှဉ်းပန်းနှိပ်စက် မှူဖြစ် ပါက အချက်အလက်များ စုဆောင်းခြင်း၊ မှတ်တမ်းတင်ခြင်း၊ သတင်းမီဒီယာများတွင်ဖြန့်ဝေခြင်း နှင့် ခံရသူ ၊နှစ်နာသူများတိုင်ကြားနိုင်ရန် အတွက် အဖွဲ့အစည်းများ၊ ရုံးများထားရို ရန်လိုအပ်ကြောင်းဖြင့်အဆုံးသတ်သွားပါသည်။
မြန်မာနိုင်ငံ အခြေအနေကို ဤ  အစည်းအဝေးရလဒ်  ဖြင့် သုံးသတ် ကြည့်လျင်  မြန်မာနိုင်ငံ သည် ၂၀၁၁ ဇန်န၀ါရီလမှ လွတ်တော် များခေါ်ယူ၍  စစ်အာဏာရှင် စနစ်မှ ဒီမိုကရေစီ စနစ်သို့ တဖြည်းဖြည်း ကူးပြောင်း လာနေပုံကို တွေ့ရသည် ။ သို့သော် ဤ ပြောင်းလဲလာမှူသည် စစ်မှန်သော ဒီမိုကရေစီ ပြောင်းလဲမှူ ဟုသတ်မှတ်ရန် စောနေသေး ပါ သည်။
ယခုတက်လာသော အစိုးရသစ်၏ အခြေအနေ ကို စောင့် ကြည့် ရန်လို ၍ မြန်မာနိုင်ငံတွင် ဤ  အစည်းအဝေး ကဲ့သို့သော ညှဉ်းပန်းနှိပ်စက် နှင့် လူ့အခွင့်အရေးဆိုင် ရာ ကိစ္စ ရပ်များကို ပွင့်ပွင့် လင်းလင်း ဆွေးနွေး မှူများကို မည်သည့်အခါ မှ ပြုလုပ်နိုင်မည် ကိုမှု မသိရှိရသေး ပေ။ ထို့အတူ ညှဉ်းပန်းနှိပ်စက်ခြင်းနှင့် ကိုအဆုံး သတ်သွားရန်နှင့် ကျူးလွန်သော အာနာပိုင်များ  အပြစ်ကင်းလွတ်နေ မှူ ကို မြန်မာနိုင်ငံတွင်း  အဆုံးသတ် နိုင်ရန် မည် သည့် အချိန်မှ အကောင်အထည်ဖော်နိုင်မည်နည်း။










0 comments:

Post a Comment